ਰੋਜ਼ਾਨਾ ਵਰਤੋਂ ਵਿਚ ਆਉਣ ਵਾਲੀਆਂ ਚੀਜ਼ਾਂ ਸਾਡੀ ਸਿਹਤ ਨੂੰ ਨੁਕਸਾਨ ਪਹੁੰਚਾ ਰਹੀਆਂ ਹਨ। ਟਾਕਸਿਕ ਲਿੰਕ ਦੀ ਇਕ ਰਿਪੋਰਟ 'ਚ ਇਹ ਦਾਅਵਾ ਕੀਤਾ ਗਿਆ ਹੈ ਕਿ ਜੋ ਚੀਜ਼ਾਂ...
ਨਵੀਂ ਦਿੱਲੀ, 4 ਮਈ : ਰੋਜ਼ਾਨਾ ਵਰਤੋਂ ਵਿਚ ਆਉਣ ਵਾਲੀਆਂ ਚੀਜ਼ਾਂ ਸਾਡੀ ਸਿਹਤ ਨੂੰ ਨੁਕਸਾਨ ਪਹੁੰਚਾ ਰਹੀਆਂ ਹਨ। ਟਾਕਸਿਕ ਲਿੰਕ ਦੀ ਇਕ ਰਿਪੋਰਟ 'ਚ ਇਹ ਦਾਅਵਾ ਕੀਤਾ ਗਿਆ ਹੈ ਕਿ ਜੋ ਚੀਜ਼ਾਂ ਅਸੀਂ ਰੋਜ਼ ਦੀ ਆਮ ਜ਼ਿੰਦਗੀ 'ਚ ਵਰਤੋਂ ਕਰਦੇ ਹਾਂ, ਉਨ੍ਹਾਂ ਵਿਚ ਖ਼ਤਰਨਾਕ ਰਸਾਇਣ ਟ੍ਰਾਈਕਲੋਸਨ ਮੌਜੂਦ ਹੁੰਦਾ ਹੈ ਜੋ ਕਿ ਸਿਹਤ ਨੂੰ ਹੌਲੀ-ਹੌਲੀ ਖ਼ਰਾਬ ਕਰ ਰਿਹਾ ਹੈ। ਟਾਕਸਿਕ ਲਿੰਕ ਨੇ ਦਿੱਲੀ-ਐਨਸੀਆਰ ਤੋਂ ਰੋਜ਼ ਦੀਆਂ ਚੀਜ਼ਾਂ ਦੀ ਜਾਂਚ ਕੀਤੀ, ਜਿਸ ਦੇ ਅਧਾਰ 'ਤੇ ਇਹ ਦਾਅਵਾ ਕੀਤਾ ਗਿਆ ਹੈ।
Toothpaste
ਰਿਪੋਰਟ ਮੁਤਾਬਕ ਟੁਥਪੇਸਟ, ਵਾਲਾਂ ਦਾ ਕੰਡੀਸ਼ਨਰ, ਸ਼ੈਂਪੂ, ਸ਼ੇਵਿੰਗ ਕ੍ਰੀਮ, ਡੀਉਡਰੈਂਟ, ਜੁੱਤੀਆਂ, ਕੱਪੜੇ, ਕੈਪਸੂਲ, ਪਾਣੀ ਦੀ ਬੋਤਲ ਅਤੇ ਬੱਚਿਆਂ ਦੇ ਖਿਡੌਣਿਆਂ 'ਚ ਵੀ ਇਹ ਰਸਾਇਣ ਮੌਜੂਦ ਹੁੰਦਾ ਹੈ। ਟ੍ਰਾਈਕਲੋਸਨ ਨਾਮ ਦਾ ਇਹ ਖ਼ਤਰਨਾਕ ਰਸਾਇਣ ਸਾਡੇ ਸਰੀਰ 'ਚ ਪਹੁੰਚ ਕੇ ਫੇਫੜਿਆਂ ਅਤੇ ਅੰਤੜੀਆਂ ਨੂੰ ਨੁਕਸਾਨ ਪਹੁੰਚਾਉਣ ਦੇ ਨਾਲ-ਨਾਲ ਕੈਂਸਰ ਹੋਣ ਦਾ ਕਾਰਨ ਵੀ ਬਣ ਰਿਹਾ ਹੈ।
deodorant
ਰਿਪੋਰਟ 'ਚ ਕਈ ਬਰਾਂਡ ਦੀਆਂ ਪਾਣੀ ਦੀਆਂ ਬੋਤਲਾਂ ਦੇ ਸੈਂਪਲ ਲਏ ਗਏ ਸਨ। ਇਸ 'ਚ ਇਕ ਲਿਟਰ ਪਾਣੀ 'ਚ ਔਸਤਨ 325 ਪਲਾਸਟਿਕ ਦੇ ਕਣ ਮਿਲੇ। ਇਸੇ ਤਰ੍ਹਾਂ ਪਲਾਸਟਿਕ ਦੇ ਰੋਟੀ ਦੇ ਡੱਬਿਆਂ 'ਚ ਗਰਮ ਖਾਣਾ ਪਾਉਣ ਨਾਲ ਉਸ ਵਿਚ ਵੀ ਪਲਾਸਟਿਕ ਮਿਲਦਾ ਹੈ। ਰਿਪੋਰਟ ਮੁਤਾਬਕ ਸੜਕ 'ਤੇ ਗੱਡੀ ਦੇ ਚਲਣ ਨਾਲ ਟਾਇਰ ਦੀ ਰਗੜ ਨਾਲ ਵੀ ਮਾਇਕਰੋਪਲਾਸਟਿਕ ਦੇ ਕਣ ਹਵਾ 'ਚ ਆ ਰਹੇ ਹਨ ਜੋ ਸਾਹ ਜ਼ਰੀਏ ਸਰੀਰ 'ਚ ਦਾਖ਼ਲ ਹੋ ਰਹੇ ਹਨ।
