Household Tips: ਤੁਸੀਂ ਫਟੇ ਹੋਏ ਦੁੱਧ ਨਾਲ ਵੀ ਸਬਜ਼ੀ ਬਣਾ ਸਕਦੇ ਹੋ
If the milk breaks, then make these things from the broken milk: ਜੇਕਰ ਅਸੀ ਕਈ ਵਾਰ ਦੁੱਧ ਨੂੰ ਨਹੀਂ ਉਬਾਲਦੇ ਤਾਂ ਦੁੱਧ ਫਟ ਜਾਂਦਾ ਹੈ। ਅਜਿਹਾ ਉਦੋਂ ਹੁੰਦਾ ਹੈ ਜੇਕਰ ਦੁੱਧ ਨੂੰ ਗਰਮ ਨਹੀਂ ਕੀਤਾ ਜਾਂਦਾ ਜਾਂ ਸਹੀ ਢੰਗ ਨਾਲ ਸਟੋਰ ਨਹੀਂ ਕੀਤਾ ਜਾਂਦਾ। ਜੇਕਰ ਤੁਹਾਨੂੰ ਲਗਦਾ ਹੈ ਕਿ ਦੁੱਧ ਦਾ ਸਵਾਦ ਖ਼ਰਾਬ ਹੋ ਗਿਆ ਹੈ ਜਾਂ ਇਹ ਉਬਾਲਣ ਤੋਂ ਬਾਅਦ ਫਟ ਗਿਆ ਹੈ ਤਾਂ ਇਸ ਨੂੰ ਖ਼ਰਾਬ ਹੋਣ ਦੇ ਕਾਰਨ ਨਾ ਸੁੱਟੋ। ਤੁਸੀਂ ਇਸ ਨੂੰ ਕਈ ਤਰੀਕਿਆਂ ਨਾਲ ਵਰਤ ਸਕਦੇ ਹੋ। ਅੱਜ ਅਸੀਂ ਤੁਹਾਨੂੰ ਫਟੇ ਹੋਏ ਦੁੱਧ ਦੀ ਵਰਤੋਂ ਕਰਨ ਦੇ ਕੁੱਝ ਵਧੀਆ ਨੁਸਖ਼ੇ ਦਸਾਂਗੇ। ਤੁਸੀਂ ਇਸ ਤੋਂ ਪਨੀਰ ਬਣਾ ਸਕਦੇ ਹੋ। ਫਟੇ ਹੋਏ ਦੁੱਧ ਦੇ ਪਾਣੀ ਵਿਚ ਕਈ ਪੌਸ਼ਟਿਕ ਤੱਤ ਮਿਲ ਜਾਂਦੇ ਹਨ। ਤੁਹਾਨੂੰ ਵੀ ਇਸ ਦੀ ਵਰਤੋਂ ਕਰਨੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ: Gogamedi Murder: ਗੋਗਾਮੇੜੀ ਕਤਲ ਕਾਂਡ ਵਿਚ 3 ਹੋਰ ਦੋਸ਼ੀ ਗ੍ਰਿਫ਼ਤਾਰ, ਕਤਲ ਤੋਂ ਬਾਅਦ ਚੰਡੀਗੜ੍ਹ 'ਚ ਲਈ ਸੀ ਪਨਾਹ
ਇਸ ਪਾਣੀ ਨੂੰ ਖਾਣੇ ਵਿਚ ਮਿਲਾ ਕੇ ਖਾਣ ਨਾਲ ਭੋਜਨ ਦਾ ਸਵਾਦ ਵੀ ਵਧਦਾ ਹੈ ਤੇ ਫ਼ਾਇਦੇ ਵੀ ਹੁੰਦੇ ਹਨ। ਕਈ ਵਾਰ ਜਦੋਂ ਦੁੱਧ ਫਟ ਜਾਂਦਾ ਹੈ ਤਾਂ ਤੁਸੀਂ ਇਸ ਦੀ ਵਰਤੋਂ ਪਨੀਰ ਬਣਾਉਣ ਲਈ ਕਰ ਸਕਦੇ ਹੋ। ਇਸ ਲਈ ਤੁਸੀਂ ਦੁੱਧ ਵਿਚ ਥੋੜ੍ਹਾ ਜਿਹਾ ਨਿੰਬੂ, ਦਹੀਂ ਜਾਂ ਸਿਰਕਾ ਮਿਲਾ ਸਕਦੇ ਹੋ। ਇਸ ਨਾਲ ਦੁੱਧ ਹੋਰ ਚੰਗੀ ਤਰ੍ਹਾਂ ਫਟ ਜਾਵੇਗਾ। ਇਸ ਨੂੰ ਸੂਤੀ ਕਪੜੇ ’ਚ ਬੰਨ੍ਹ ਕੇ ਪਾਣੀ ਕੱਢ ਲਵੋ ਅਤੇ ਪੱਥਰ ਵਰਗੇ ਭਾਰੀ ਭਾਂਡੇ ਨਾਲ ਦਬਾਅ ਕੇ ਰੱਖੋ। ਇਸ ਨਾਲ ਪਨੀਰ ਤਿਆਰ ਹੋ ਜਾਵੇਗਾ।
ਇਹ ਵੀ ਪੜ੍ਹੋ: Punjab News: ਡੀ-ਫਾਰਮੇਸੀ ਸਰਟੀਫਿਕੇਟ ਜਾਰੀ ਕਰਨ 'ਚ ਬੇਨਿਯਮੀਆਂ ਕਰਨ ਦੇ ਦੋਸ਼ ਹੇਠ ਦੋ ਸਾਬਕਾ ਰਜਿਸਟਰਾਰ ਤੇ ਸੁਪਰਡੈਂਟ ਗ੍ਰਿਫ਼ਤਾਰ
ਤੁਸੀਂ ਆਟੇ ਨੂੰ ਗੁੰਨ੍ਹਣ ਲਈ ਫਟੇ ਦੁੱਧ ਦੀ ਵੀ ਵਰਤੋਂ ਕਰ ਸਕਦੇ ਹੋ। ਇਸ ਨਾਲ ਆਟਾ ਨਰਮ ਹੋਵੇਗਾ ਤੇ ਪ੍ਰੋਟੀਨ ਵੀ ਭਰਪੂਰ ਹੋਵੇਗਾ। ਇਸ ਤਰ੍ਹਾਂ ਦੇ ਆਟੇ ਦੀਆਂ ਰੋਟੀਆਂ ਬਹੁਤ ਨਰਮ ਹੋ ਜਾਣਗੀਆਂ। ਅਜਿਹੀਆਂ ਰੋਟੀਆਂ ਦਾ ਸਵਾਦ ਵੀ ਵਧੀਆ ਹੁੰਦਾ ਹੈ। ਤੁਸੀਂ ਫਟੇ ਹੋਏ ਦੁੱਧ ਨਾਲ ਵੀ ਚੌਲਾਂ ਨੂੰ ਪਕਾ ਸਕਦੇ ਹੋ। ਤੁਸੀਂ ਦੁੱਧ ਨੂੰ ਫਿਲਟਰ ਵੀ ਕਰ ਸਕਦੇ ਹੋ ਤੇ ਚੌਲ ਪਕਾਉਣ ਲਈ ਇਸ ਦੇ ਪਾਣੀ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਨਾਲ ਚੌਲਾਂ ਨੂੰ ਪਕਾਉਣ ਤੋਂ ਬਾਅਦ ਸਵਾਦ ਵਧੀਆ ਹੋ ਜਾਵੇਗਾ। ਇਸ ਤਰ੍ਹਾਂ ਚਾਵਲ ਬਣਾਉਣ ਨਾਲ ਸਰੀਰ ਨੂੰ ਕਾਰਬੋਹਾਈਡ੍ਰੇਟਸ ਤੇ ਪ੍ਰੋਟੀਨ ਵੀ ਮਿਲਣਗੇ। ਤੁਸੀਂ ਇਸ ਦੀ ਵਰਤੋਂ ਨੂਡਲਜ਼ ਤੇ ਪਾਸਤਾ ਨੂੰ ਉਬਾਲਣ ਲਈ ਵੀ ਕਰ ਸਕਦੇ ਹੋ।
ਤੁਸੀਂ ਫਟੇ ਹੋਏ ਦੁੱਧ ਨਾਲ ਵੀ ਸਬਜ਼ੀ ਬਣਾ ਸਕਦੇ ਹੋ। ਇਸ ਤੋਂ ਇਲਾਵਾ ਜੋ ਪਨੀਰ ਤਿਆਰ ਕੀਤਾ ਗਿਆ ਹੈ, ਉਸ ਤੋਂ ਤੁਸੀਂ ਪ੍ਰੋਟੀਨ ਨਾਲ ਭਰਪੂਰ ਸਬਜ਼ੀਆਂ ਵੀ ਤਿਆਰ ਕਰ ਸਕਦੇ ਹੋ। ਤੁਸੀਂ ਫਟੇ ਹੋਏ ਦੁੱਧ ਤੋਂ ਬਚਿਆ ਹੋਇਆ ਪਾਣੀ ਵੀ ਸਬਜ਼ੀ ਵਿਚ ਪਾ ਸਕਦੇ ਹੋ। ਇਹ ਸਬਜ਼ੀਆਂ ਦੇ ਸਵਾਦ ਅਤੇ ਪੌਸ਼ਟਿਕ ਮੁੱਲ ਵਿਚ ਬਹੁਤ ਵਾਧਾ ਕਰੇਗਾ।
