ਅਸੀਂ ਜੋ ਫਲ ਜਾਂ ਸਬਜ਼ੀਆਂ ਆਮਤੌਰ 'ਤੇ ਖਾਂਦੇ ਹਾਂ, ਉਸ 'ਚ ਕਿੰਨੀ ਮਾਤਰਾ 'ਚ ਕੀਟਨਾਸ਼ਕ ਮਿਲਿਆ ਹੈ ਇਹ ਜਾਣ ਕੇ ਤੁਹਾਨੂੰ ਬੜੀ ਹੈਰਾਨੀ ਹੋਵੇਗੀ। ਇਕ ਅਧਿਐਨ 'ਚ ਮਾਹਰਾਂ...
ਅਸੀਂ ਜੋ ਫਲ ਜਾਂ ਸਬਜ਼ੀਆਂ ਆਮਤੌਰ 'ਤੇ ਖਾਂਦੇ ਹਾਂ, ਉਸ 'ਚ ਕਿੰਨੀ ਮਾਤਰਾ 'ਚ ਕੀਟਨਾਸ਼ਕ ਮਿਲਿਆ ਹੈ ਇਹ ਜਾਣ ਕੇ ਤੁਹਾਨੂੰ ਬੜੀ ਹੈਰਾਨੀ ਹੋਵੇਗੀ। ਇਕ ਅਧਿਐਨ 'ਚ ਮਾਹਰਾਂ ਨੇ ਕਿਹਾ ਹੈ ਕਿ ਇਕੋ ਜਿਹੇ ਤਰੀਕੇ ਨਾਲ ਉਗਾਏ ਜਾਣ ਵਾਲੇ 70 ਫ਼ੀ ਸਦੀ ਫਲ ਅਤੇ ਸਬਜ਼ੀਆਂ 'ਚ 230 ਤਰ੍ਹਾਂ ਦੇ ਕੀਟਨਾਸ਼ਕ ਜਾਂ ਉਸੀ ਤਰ੍ਹਾਂ ਦੇ ਹੋਰ ਉਤਪਾਦਾਂ ਦੀ ਵਰਤੋਂ ਕੀਤੀ ਗਈ ਹੈ।
Strawberry
ਦ ਇਨਵਾਇਰਨਮੈਂਟਲ ਵਰਕਿੰਗ ਗਰੁਪ (ਈਡਬਲਿਊਜੀ) ਦੇ ਅਧਿਐਨ 'ਚ ਇਹ ਦਾਅਵਾ ਕੀਤਾ ਗਿਆ ਹੈ। ਸੰਸਥਾ ਨੇ ਇਹ ਦਾਅਵਾ ਅਮਰੀਕੀ ਖੇਤੀਬਾੜੀ ਵਿਭਾਗ ਵਲੋਂ ਜਾਂਚ ਕੀਤੇ ਗਏ ਉਤਪਾਦਾਂ ਦੇ ਨਮੂਨੇ ਦੇ ਮੁਲਾਂਕਣ ਦੇ ਅਧਾਰ 'ਤੇ ਕੀਤਾ ਹੈ।
Strawberry
ਇਸ ਮੁਤਾਬਕ ਸਟ੍ਰਾਬੈਰੀ ਅਤੇ ਪਾਲਕ 'ਚ ਸੱਭ ਤੋਂ ਜ਼ਿਆਦਾ ਮਾਤਰਾ 'ਚ ਕੀਟਨਾਸ਼ਕ ਦੀ ਮਾਤਰਾ ਹੁੰਦੀ ਹੈ। ਅਧਿਐਨ ਦੌਰਾਨ ਸਟ੍ਰਾਬੈਰੀ ਦੇ ਇਕ ਨਮੂਨੇ ਦੀ ਜਾਂਚ ਕੀਤੀ ਗਈ ਤਾਂ ਉਸ 'ਚ 20 ਵੱਖ - ਵੱਖ ਤਰ੍ਹਾਂ ਦੇ ਪੈਸਟਿਸਾਈਡ ਪਾਏ ਗਏ। ਈਡਬਲਿਊਜੀ ਨੇ ਇਸ ਅਧਿਐਨ ਦੇ ਅਧਾਰ 'ਤੇ 12 ਅਜਿਹੇ ਫਲਾਂ ਅਤੇ ਸਬਜ਼ੀਆਂ ਦੀ ਸੂਚੀ ਜਾਰੀ ਕੀਤੀ ਹੈ ਜਿਸ 'ਚ ਪੈਸਟਿਸਾਈਡ ਦੀ ਮਾਤਰਾ ਸੱਭ ਤੋਂ ਜਿਆਦਾ ਪਾਈ ਗਈ।
Strawberry
ਸੰਸਥਾ ਨੇ ਇਸ ਨੂੰ ਸੱਭ ਤੋਂ ਗੰਦੇ ਫਲ ਅਤੇ ਸਬਜ਼ੀਆਂ ਦੀ ਸ਼੍ਰੇਣੀ 'ਚ ਰਖਿਆ ਹੈ। ਇਸ ਸੂਚੀ 'ਚ ਸੇਬ, ਅੰਗੂਰ, ਆੜੂ, ਚੇਰੀ, ਨਾਸ਼ਪਾਤੀ, ਟਮਾਟਰ, ਆਲੂ, ਅਤੇ ਸਵੀਟ ਬੈੱਲ ਪੇਪਰ ਨੂੰ ਰਖਿਆ ਹੈ। ਆੜੂ, ਚੇਰੀ ਅਤੇ ਸੇਬ ਦੀ 98 ਫ਼ੀ ਸਦੀ ਤੋਂ ਜ਼ਿਆਦਾ ਕਿਸਮਾਂ 'ਚ ਇਕ ਤੋਂ ਜ਼ਿਆਦਾ ਪੈਸਟਿਸਾਈਡ ਮਿਲਿਆ ਹੈ।
Strawberry
ਸੰਸਥਾ ਨੇ ਦਸਿਆ ਕਿ ਇਸ ਸਾਲ ਦੀ ਸੂਚੀ ਪਿਛਲੇ ਸਾਲ ਦੀ ਤਰ੍ਹਾਂ ਹੀ ਰਹੀ। ਇਸ ਤੋਂ ਸਾਬਤ ਹੁੰਦਾ ਹੈ ਕਿ ਫ਼ਸਲਾਂ ਉਗਾਉਣ ਦੇ ਤਰੀਕੇ 'ਚ ਕੋਈ ਖ਼ਾਸ ਬਦਲਾਅ ਨਹੀਂ ਆਇਆ ਹੈ। ਅਮਰੀਕੀ ਸਮੂਹ ਕਾਨੂੰਨ 'ਚ 1996 'ਚ ਇਹ ਵਿਵਸਥਾ ਦਿਤੀ ਗਈ ਕਿ ਵਾਤਾਵਰਣ ਸੁਰੱਖਿਆ ਏਜੰਸੀ (ਈਪੀਏ) ਫਲਾਂ ਅਤੇ ਸਬਜ਼ੀਆਂ ਅਤੇ ਹੋਰ ਖ਼ਾਦ ਉਤਪਾਦਾਂ 'ਚ ਪੈਸਟਿਸਾਈਡ ਦੀ ਵਰਤੋਂ ਦੇਖੇਗੀ ਅਤੇ ਨਿਯਮ ਬਣਾਏਗੀ।
Strawberry
ਈਪੀਏ ਦਾ ਕੰਮ ਪੈਸਟਿਸਾਈਡ ਦੇ ਖ਼ਤਰਨਾਕ ਕੈਮਿਕਲ ਦਾ ਮਨੁੱਖ ਦੀ ਸਿਹਤ 'ਤੇ ਅਸਰ ਦੇਖਣਾ ਸੀ। ਇਸ ਅਧਿਐਨ ਦੇ ਜ਼ਰੀਏ ਪਹਿਲੀ ਵਾਰ ਪੈਸਟਿਸਾਈਡ ਦਾ ਸਿਹਤ 'ਤੇ ਅਸਰ ਦਾ ਸਬੰਧ ਪਤਾ ਚਲ ਸਕਿਆ ਹੈ। ਹਾਲਾਂਕਿ ਇਸ ਖੇਤਰ 'ਚ ਹੁਣੇ ਹੋਰ ਅਧਿਐਨ ਦੀ ਜ਼ਰੂਰਤ ਹੈ।
