ਦੁਨੀਆਂ ਭਰ 'ਚੋਂ ਸਿਰਫ਼ ਭਾਰਤ ਵਿਚ ਹੀ ਅਜਿਹੇ ਮਾਪੇ ਹਨ ਜੋ ਅਪਣੇ ਬੱਚਿਆਂ ਨੂੰ ਸੱਭ ਤੋਂ ਜ਼ਿਆਦਾ ਸਮਾਂ ਦਿੰਦੇ ਹਨ
ਦੁਨੀਆਂ ਭਰ 'ਚੋਂ ਸਿਰਫ਼ ਭਾਰਤ ਵਿਚ ਹੀ ਅਜਿਹੇ ਮਾਪੇ ਹਨ ਜੋ ਅਪਣੇ ਬੱਚਿਆਂ ਨੂੰ ਸੱਭ ਤੋਂ ਜ਼ਿਆਦਾ ਸਮਾਂ ਦਿੰਦੇ ਹਨ ਅਤੇ ਬੱਚਿਆਂ ਦਾ ਹੋਮਵਰਕ ਕਰਵਾਉਣ ਵਿਚ ਮਦਦ ਕਰਦੇ ਹਨ। ਇਹ ਅਸੀਂ ਨਹੀਂ ਕਹਿ ਰਹੇ ਸਗੋਂ ਹਾਲ ਹੀ ਵਿਚ ਹੋਈ ਰਿਸਰਚ ਵਿਚ ਇਹ ਗੱਲ ਸਾਹਮਣੇ ਆਈ ਹੈ।
ਮਾਪਿਆਂ ਦੀ ਭੂਮਿਕਾ ਨਿਭਾਉਣਾ ਕੋਈ ਆਸਾਨ ਕੰਮ ਨਹੀਂ ਹੈ। ਬੱਚਿਆਂ ਦਾ ਸਹੀ ਪਾਲਣ ਪੋਸ਼ਣ ਕਰਦੇ ਸਮੇਂ ਮਾਪਿਆਂ ਨੂੰ ਕਈ ਗੱਲਾਂ ਦਾ ਧਿਆਨ ਰੱਖਣਾ ਪੈਂਦਾ ਹੈ, ਉਨ੍ਹਾਂ ਨੂੰ ਅਪਣੇ ਤੋਂ ਜ਼ਿਆਦਾ ਬੱਚਿਆਂ ਦੀ ਖ਼ੁਸ਼ੀ ਦੇਖਣੀ ਪੈਂਦੀ ਹੈ। ਕਹਿੰਦੇ ਹਨ ਕਿ ਬੱਚਿਆਂ ਦੇ ਪਹਿਲਾਂ ਅਧਿਆਪਕ ਮਾਪੇ ਹੁੰਦੇ ਹਨ। ਬੱਚਾ ਸਕੂਲ ਜਾਣ ਤੋਂ ਪਹਿਲਾਂ ਜੋ ਕੁੱਝ ਸਿੱਖਦਾ ਹੈ ਉਹ ਮਾਪੇ ਹੀ ਸਿਖਾਉਂਦੇ ਹਨ। ਜ਼ਿਆਦਾਤਰ ਮਾਪੇ ਬੱਚਿਆਂ ਦੀ ਪੜ੍ਹਾਈ ਨੂੰ ਲੈ ਕੇ ਬਹੁਤ ਪ੍ਰੇਸ਼ਾਨ ਰਹਿੰਦੇ ਹਨ। ਪੇਪਰ ਆਉਣ 'ਤੇ ਬੱਚਿਆਂ 'ਤੇ ਪੜ੍ਹਾਈ ਦਾ ਦਬਾਅ ਪਾਉਂਦੇ ਰਹਿੰਦੇ ਹਨ, ਜਿਸ ਨਾਲ ਬੱਚਿਆਂ ਦੇ ਦਿਮਾਗ 'ਤੇ ਗਲਤ ਅਸਰ ਪੈਂਦਾ ਹੈ। ਇਸ ਲਈ ਬੱਚਿਆਂ ਨਾਲ ਕੋਈ ਵੀ ਗੱਲ ਕਰਦੇ ਸਮੇਂ ਸਮਝਦਾਰੀ ਤੋਂ ਕੰਮ ਲਉ, ਤਾਂ ਕਿ ਬੱਚਾ ਉਸ ਗੱਲ ਨੂੰ ਚੰਗੀ ਤਰ੍ਹਾਂ ਸਮਝ ਜਾਵੇ ਅਤੇ ਉਸ ਦੇ ਦਿਮਾਗ 'ਤੇ ਗਹਿਰਾ ਅਸਰ ਵੀ ਨਾ ਹੋਵੇ। ਅੱਜ ਅਸੀਂ ਤੁਹਾਨੂੰ ਕੁੱਝ ਅਜਿਹੀਆਂ ਗੱਲਾਂ ਬਾਰੇ ਦੱਸਣ ਜਾ ਰਹੇ ਹਾਂ ਜੋ ਬੱਚਿਆਂ ਦੇ ਦਿਮਾਗ 'ਤੇ ਬੁਰਾ ਅਸਰ ਪਾਉਂਦੀਆਂ ਹਨ। 1. ਖ਼ੁਦ ਨਾਲ ਤੁਲਨਾ ਕਰਨਾਬੱਚਾ ਜਿਵੇਂ ਦਾ ਵੀ ਹੈ, ਉਸ 'ਤੇ ਪੜ੍ਹਾਈ ਨੂੰ ਲੈ ਕੇ ਜ਼ਿਆਦਾ ਪ੍ਰੈਸ਼ਰ ਨਾ ਪਾਉ। ਇਸ ਦੇ ਇਲਾਵਾ ਉਸ ਦੇ ਨਾਲ ਅਪਣੀ ਤੁਲਨਾ ਕਰਦੇ ਹੋਏ ਇਹ ਨਾ ਕਹੋ ਕਿ ਮੈਂ ਤੇਰੀ ਉਮਰ 'ਚ ਕਲਾਸ 'ਚ ਪਹਿਲੇ ਨੰਬਰ 'ਤੇ ਆਇਆ ਕਰਦਾ ਸੀ। ਬੱਚੇ ਇਸ ਗੱਲ ਨੂੰ ਗੰਭੀਰਤਾ ਨਾ ਲੈ ਕੇ ਦਿਮਾਗ 'ਤੇ ਜ਼ਿਆਦਾ ਜ਼ੋਰ ਪਾ ਸਕਦੇ ਹਨ, ਜਿਸ ਦਾ ਗ਼ਲਤ ਨਤੀਜਾ ਵੀ ਨਿਕਲ ਸਕਦਾ ਹੈ। ਇਸ ਲਈ ਮਾਪਿਆਂ ਨੂੰ ਸਮਝਣਾ ਚਾਹੀਦਾ ਹੈ ਕਿ ਸਾਰੇ ਬੱਚਿਆਂ ਦਾ ਦਿਮਾਗ ਇਕੋ ਜਿਹਾ ਨਹੀਂ ਹੁੰਦਾ।
2. ਆਉਣ ਦਿਉ ਤੁਹਾਡੇ ਪਾਪਾ ਨੂੰ...ਅਕਸਰ ਮਾਵਾਂ ਬੱਚਿਆਂ ਨੂੰ ਪਾਪਾ ਦਾ ਡਰਾਵਾ ਦੇ ਕੇ ਉਸ ਨੂੰ ਪੜ੍ਹਨ ਨੂੰ ਕਹਿੰਦੀਆਂ ਹਨ ਪਰ ਪਾਪਾ ਦੇ ਨਾਮ ਦਾ ਇਹ ਅਨੁਸ਼ਾਸ਼ਨ ਕਈ ਬਾਰ ਬੱਚਿਆਂ ਨੂੰ ਡਰਪੋਕ ਬਣਾ ਦਿੰਦਾ ਹੈ। ਬੱਚਿਆਂ ਦੇ ਮਨ 'ਚ ਪਾਪਾ ਪ੍ਰਤੀ ਪਿਆਰ ਦੀ ਥਾਂ ਖੋਫ਼, ਡਰ ਵਧ ਜਾਂਦਾ ਹੈ।
3. ਹਰ ਸਮੇਂ ਤਾਅਨਾ ਦੇਣਾ
ਬੱਚਿਆਂ ਨੂੰ ਹਮੇਸ਼ਾ ਪੜ੍ਹਾਈ ਨੂੰ ਲੈ ਕੇ ਤਾਅਨੇ ਮਾਰਦੇ ਰਹਿਣਾ, ਇਹ ਆਦਤ ਬਿਲਕੁਲ ਗ਼ਲਤ ਹੈ। ਤੁਹਾਨੂੰ ਇਹੀ ਤਾਅਨੇ ਬੱਚਿਆਂ ਨੂੰ ਗੁਸੈਲ ਅਤੇ ਚਿੜਚਿੜਾ ਬਣਾ ਦਿੰਦੇ ਹਨ। ਅਜਿਹੇ 'ਚ ਬੱਚਿਆਂ ਨੂੰ ਤਾਅਨੇ ਦੇਣ ਦੀ ਵਜਾਏ, ਉਨ੍ਹਾਂ ਨਾਲ ਪਿਆਰ ਨਾਲ ਗੱਲ ਕਰੋ। ਉਨ੍ਹਾਂ ਦਾ ਪੜ੍ਹਾਈ 'ਚ ਕਮਜ਼ੋਰੀ ਦਾ ਕਾਰਨ ਜਾਣਨ ਦੀ ਕੋਸ਼ਿਸ਼ ਕਰੋ।