Advertisement
  ਜੀਵਨ ਜਾਚ   ਜੀਵਨਸ਼ੈਲੀ  19 Aug 2020  ਜੇ ਬੱਚਿਆਂ ਦੇ ਚਿਹਰੇ 'ਤੇ ਹਨ ਚਿੱਟੇ ਦਾਗ ਤਾਂ ਨਾ ਕਰੋ ਨਜ਼ਰਅੰਦਾਜ਼, ਨਹੀਂ ਤਾਂ ਹੋਵੇਗੀ ਪਰੇਸ਼ਾਨੀ  

ਜੇ ਬੱਚਿਆਂ ਦੇ ਚਿਹਰੇ 'ਤੇ ਹਨ ਚਿੱਟੇ ਦਾਗ ਤਾਂ ਨਾ ਕਰੋ ਨਜ਼ਰਅੰਦਾਜ਼, ਨਹੀਂ ਤਾਂ ਹੋਵੇਗੀ ਪਰੇਸ਼ਾਨੀ  

ਸਪੋਕਸਮੈਨ ਸਮਾਚਾਰ ਸੇਵਾ
Published Aug 19, 2020, 4:02 pm IST
Updated Aug 19, 2020, 4:02 pm IST
ਬੱਚਿਆਂ ਦੀ ਚਮੜੀ ਬੇਹੱਦ ਨਾਜ਼ੁਕ ਹੁੰਦੀ ਹੈ। ਇਸ ਲਈ ਉਨ੍ਹਾਂ ਦੀ ਠੀਕ ਤਰੀਕੇ ਨਾਲ ਦੇਖਭਾਲ ਕਰਨਾ ਬਹੁਤ ਜ਼ਰੂਰੀ ਹੈ।
white spots
 white spots

ਬੱਚਿਆਂ ਦੀ ਚਮੜੀ ਬੇਹੱਦ ਨਾਜ਼ੁਕ ਹੁੰਦੀ ਹੈ। ਇਸ ਲਈ ਉਨ੍ਹਾਂ ਦੀ ਠੀਕ ਤਰੀਕੇ ਨਾਲ ਦੇਖਭਾਲ ਕਰਨਾ ਬਹੁਤ ਜ਼ਰੂਰੀ ਹੈ। ਕਈ ਵਾਰ ਅਜਿਹਾ ਵੇਖਿਆ ਜਾਂਦਾ ਹੈ ਕਿ ਕੁੱਝ ਬੱਚਿਆਂ ਦੀ ਚਮੜੀ ’ਤੇ ਚਿੱਟੇ ਦਾਗ਼ ਦਿਖਣ ਲੱਗ ਜਾਂਦੇ ਹਨ। ਜੇਕਰ ਇਨ੍ਹਾਂ ਦਾ ਸਮਾਂ ਰਹਿੰਦੇ ਇਲਾਜ ਨਾ ਕਰਵਾਇਆ ਜਾਵੇ ਤਾਂ ਇਹ ਹੌਲੀ-ਹੌਲੀ ਪੂਰੇ ਸਰੀਰ ’ਤੇ ਫੈਲ ਜਾਂਦੇ ਹਨ। ਇਸ ਨੂੰ ਹਾਈਪੋਪਿਗਮੇਂਟਿਡ ਸ‍ਪਾਟ (ਵਿਟੀਲਿਗੋ) ਕਿਹਾ ਜਾਂਦਾ ਹੈ। ਬੱਚਿਆਂ ਦੇ ਸਰੀਰ ’ਤੇ ਚਿੱਟੇ ਦਾਗ਼ ਪੈਣ ਦੇ ਕਈ ਕਾਰਨ ਹੋ ਸਕਦੇ ਹਨ। 

white spotswhite spots

ਬਚਿਆਂ ਵਿਚ ਵਿਟੀਲਿਗੋ ਹੋਣ ਦੇ ਕਾਰਨ
ਇਹ ਬੀਮਾਰੀ ਸਿਰਫ਼ ਬੱਚਿਆਂ ਨੂੰ ਹੀ ਨਹੀਂ ਸਗੋਂ ਹਰ ਉਮਰ ਦੇ ਅਤੇ ਕਿਸੇ ਵੀ ਵਿਅਕਤੀ ਨੂੰ ਹੋ ਸਕਦੀ ਹੈ ਪਰ ਬੱਚਿਆਂ ਵਿਚ ਅਤੇ ਬਾਲਗਾਂ ਵਿਚ ਇਹ ਬੀਮਾਰੀ ਜ਼ਿਆਦਾ ਦੇਖਣ ਨੂੰ ਮਿਲਦੀ ਹੈ।  

white spotswhite spots

ਜਾਣੋ ਕਿਵੇਂ ਲੱਗਦਾ ਹੈ ਵਿਟੀਲਿਗੋ ਦਾ ਪਤਾ
ਡਾਕ‍ਟਰ ਵੁਡ ਲੈਂਪ ਨਾਲ ਚਮੜੀ ਦੀ ਜਾਂਚ ਕਰਕੇ ਵਿਟੀਲਿਗੋ ਦਾ ਪਤਾ ਲਗਾਉਂਦੇ ਹਨ। ਇਸ ਤੋਂ ਇਲਾਵਾ ਤੁਸੀਂ ਥਾਇਰਾਈਡ ਅਤੇ ਡਾਇਬਟੀਜ਼ ਨਾਲ ਪੀੜਤ ਹੋਣ ’ਤੇ ਵੀ ਵਿਟੀਲਿਗੋ ਦਾ ਟੈਸ‍ਟ ਕਰਵਾ ਸਕਦੇ ਹੋ ਕਿਉਂਕਿ ਇਸ ਸਮੱਸਿਆਵਾਂ ਨਾਲ ਜੂਝ ਰਹੇ ਕੁੱਝ ਲੋਕਾਂ ਵਿਚ ਚਿੱਟੇ ਦਾਗ਼ ਹੋਣ ਦਾ ਖ਼ਤਰਾ ਕਾਫ਼ੀ ਵੱਧ ਜਾਂਦਾ ਹੈ।  

white spotswhite spots

ਜਾਣੋ ਕੀ ਹੈ ਚਿੱਟੇ ਦਾਗ਼ ਦਾ ਇਲਾਜ
ਇਸ ਬੀਮਾਰੀ ਦਾ ਅਜੇ ਤੱਕ ਕੋਈ ਪੱਕਾ ਇਲਾਜ ਨਹੀਂ ਹੈ। ਕਈ ਵਾਰ ਬਿਨ੍ਹਾਂ ਕਿਸੇ ਇਲਾਜ ਦੇ ਹੀ ਚਿੱਟੇ ਦਾਗ਼ ਗਾਇਬ ਹੋ ਜਾਂਦੇ ਹਨ ਪਰ ਜੇਕਰ ਇਹ ਚਿੱਟੇ ਦਾਗ਼ ਨਹੀਂ ਜਾ ਰਹੇ ਹਨ ਤਾਂ ਮੈਡੀਕਲ ਸਹੂਲਤ ਦਾ ਸਹਾਰਾ ਜ਼ਰੂਰ ਲੈਣਾ ਚਾਹੀਦਾ ਹੈ। ਤੁਸੀਂ ਚਾਹੋ ਤਾਂ ਘਰ ਵਿਚ ਵੀ ਇਨ੍ਹਾਂ ਚਿੱਟੇ ਦਾਗ਼ਾਂ ਦਾ ਇਲਾਜ ਕਰ ਸਕਦੇ ਹੋ।  
ਪੀ.ਯੂ.ਵੀ.ਏ. ਦੇ ਨਾਮ ਤੋਂ ਜਾਣੀ ਜਾਂਦੀ ਫੋਟੋਕੀਮੋਥੇਰੇਪੀ ਅਤੇ ਅਲ‍ਟਰਾਵਾਈਲੇਟ ਏ ਵਿਚ ਸੋਰਾਲੇਨ ਨਾਮਕ ਦਵਾਈ ਪਾਈ ਜਾਂਦੀ ਹੈ। ਜਿਸ ਨੂੰ ਤੁਸੀਂ ਚਾਹੋ ਤਾਂ ਚਿੱਟੇ ਦਾਗ਼ ’ਤੇ ਲਗਾ ਵੀ ਸਕਦੇ ਹਨ ਜਾਂ ਫਿਰ ਉਸ ਨੂੰ ਖਾ ਵੀ ਸਕਦੇ ਹੋ।  

white spotswhite spots

ਕੋਰਟਿਕੋਸ‍ਟੇਰਾਈਡ ਕਰੀਮ ਦਾ ਫਾਇਦਾ
ਇਸ ਕਰੀਮ ਨੂੰ ਚਿੱਟੇ ਦਾਗ਼ ਦੇ ਨਿਕਲਣ ਦੀ ਸ਼ੁਰੂਆਤ ਵਿਚ ਹੀ ਉਸ ’ਤੇ ਲਗਾਓ। ਕੋਰਟਿਕੋਸ‍ਟੇਰਾਈਡ ਕਰੀਮ ਚਮੜੀ ਦੀ ਅਸਲੀ ਰੰਗਤ ਨੂੰ ਵਾਪਸ ਲਿਆਉਣ ਵਿਚ ਕਾਫ਼ੀ ਮਦਦਗਾਰ ਹੈ।  
ਸਨਸ‍ਕਰੀਨ ਦਾ ਕਰੋ ਇਸਤੇਮਾਲ
ਬੱਚਿਆਂ ਨੂੰ ਚਿੱਟੇ ਦਾਗ ਜਾਂ ਚਮੜੀ ਸਬੰਧੀ ਬੀਮਾਰੀਆਂ ਤੋਂ ਬਚਾਉਣ ਲਈ ਸਨਸ‍ਕਰੀਨ ਜ਼ਰੂਰ ਲਗਾਓ। ਚਿੱਟੇ ਦਾਗ਼ ਵਿਚ ਮੇਲਾਨਿਨ ਨਾ ਹੋਣ ਕਾਰਨ ਇਹ ਧੁੱਪ ਤੋਂ ਟੈਨ ਨਹੀਂ ਹੁੰਦੇ ਹਨ ਪਰ ਧੁੱਪ ਕਾਰਨ ਚਿੱਟੇ ਦਾਗ਼ ਸੜ ਜਾਂਦੇ ਹਨ, ਜਿਸ ਕਾਰਨ ਚਮੜੀ ’ਤੇ ਦਾਗ਼ ਪੈ ਸਕਦੇ ਹਨ।
ਟਿਪਸ
ਬੱਚੇ ਦੀ ਚਮੜੀ ’ਤੇ ਚਿੱਟੇ ਦਾਗ਼ ਹੋਣ ’ਤੇ ਡਾਕ‍ਟਰ ਦੀ ਸਲਾਹ ਜ਼ਰੂਰ ਲਓ। ਚਿੱਟੇ ਦਾਗ਼ ਨੂੰ ਨਜ਼ਰਅੰਦਾਜ ਕਰਨ ਨਾਲ ਇਹ ਪੂਰੇ ਸਰੀਰ’ਤੇ ਫੈਲ ਸਕਦੇ ਹਨ।

Advertisement
Advertisement

 

Advertisement
Advertisement