ਆਨਲਾਈਨ ਪਲੇਟਫਾਰਮ 'ਤੇ ਗਲਤ ਜਾਣਕਾਰੀ ਦੇ ਫੈਲਣ ਅਤੇ ਕਿਸੇ ਵੀ ਕਿਸਮ ਦੀ ਦੁਰਵਰਤੋਂ ਨੂੰ ਰੋਕਣ ਵਿੱਚ ਕਰਦਾ ਹੈ ਸਹਾਇਤਾ
ਨਵੀਂ ਦਿੱਲੀ : WhatsApp ਨੇ ਇੱਕ 'ਸੇਫਟੀ ਇਨ ਇੰਡੀਆ' ਸਿਰਲੇਖ ਹੇਠ ਰਿਸੋਰਸ ਹੱਬ ਲਾਂਚ ਕੀਤਾ ਹੈ ਜੋ ਲੋਕਾਂ ਨੂੰ ਔਨਲਾਈਨ ਸੁਰੱਖਿਅਤ ਰਹਿਣ ਵਿੱਚ ਮਦਦ ਕਰਨ ਲਈ ਕਈ ਸੁਰੱਖਿਆ ਹੱਲ ਦਸਦਾ ਹੈ। ਰਿਸੋਰਸ ਹੱਬ ਦੀ ਸ਼ੁਰੂਆਤ ਇੰਟਰਨੈੱਟ ਦੀ ਸੁਰੱਖਿਅਤ ਵਰਤੋਂ ਨੂੰ ਉਤਸ਼ਾਹਿਤ ਕਰਨ ਲਈ WhatsApp ਦੀ ਹਫ਼ਤਾ ਭਰ ਚੱਲੀ ਮੁਹਿੰਮ #TakeCharge ਦਾ ਨਤੀਜਾ ਹੈ।
Whatsapp
ਭਾਰਤ ਵਿਚ ਵਟਸਐਪ ਦੇ ਮੁਖੀ ਅਭਿਜੀਤ ਬੋਸ ਨੇ ਇਕ ਬਿਆਨ ਵਿਚ ਕਿਹਾ, “ਸਾਲਾਂ ਦੌਰਾਨ ਅਸੀਂ ਉਪਭੋਗਤਾ ਦੀ ਸੁਰੱਖਿਆ ਅਤੇ ਗੋਪਨੀਯਤਾ ਨੂੰ ਵਧਾਉਣ ਵਿੱਚ ਮਦਦ ਲਈ ਮਹੱਤਵਪੂਰਨ ਉਤਪਾਦ ਬਦਲਾਅ ਕੀਤੇ ਹਨ। ਨਿਰੰਤਰ ਉਤਪਾਦ ਨਵੀਨਤਾਵਾਂ ਤੋਂ ਇਲਾਵਾ, ਅਸੀਂ ਉਪਭੋਗਤਾ ਦੀ ਸੁਰੱਖਿਆ ਨੂੰ ਸਮਰਥਨ ਦੇਣ ਲਈ ਅਤਿ-ਆਧੁਨਿਕ ਤਕਨਾਲੋਜੀ, ਡੇਟਾ ਵਿਗਿਆਨੀਆਂ, ਮਾਹਰਾਂ ਅਤੇ ਪ੍ਰਕਿਰਿਆਵਾਂ ਵਿੱਚ ਲਗਾਤਾਰ ਨਿਵੇਸ਼ ਕੀਤਾ ਹੈ।"
Abhijit Bose
ਉਨ੍ਹਾਂ ਅੱਗੇ ਕਿਹਾ ਕਿ ਸਾਡੇ ਉਪਭੋਗਤਾਵਾਂ ਦੀ ਸੁਰੱਖਿਆ ਸਭ ਤੋਂ ਜ਼ਰੂਰੀ ਹੈ ਜੋ ਅਸੀਂ WhatsApp 'ਤੇ ਪ੍ਰਦਾਨ ਕਰਦੇ ਹਾਂ ਅਤੇ ਉਪਭੋਗਤਾਵਾਂ ਨੂੰ ਉਨ੍ਹਾਂ ਦੀ ਆਨਲਾਈਨ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਲੋੜੀਂਦੀਆਂ ਚੀਜ਼ਾਂ ਬਾਰੇ ਸਿਖਿਅਤ ਕਰਨ ਲਈ 'ਸੇਫਟੀ ਇਨ ਇੰਡੀਆ' ਰਿਸੋਰਸ ਹੱਬ ਲਾਂਚ ਕਰਨ ਦਾ ਇੱਕ ਤਰੀਕਾ ਹੈ। ਸਸ਼ਕਤੀਕਰਨ ਲਈ ਅਸੀਂ ਆਪਣੀ ਵਚਨਬੱਧਤਾ ਨੂੰ ਦੁਹਰਾਉਂਦੇ ਹਾਂ।"
WhatsApp
ਦੱਸ ਦੇਈਏ ਕਿ ਰਿਸੋਰਸ ਹੱਬ ਔਨਲਾਈਨ ਸੁਰੱਖਿਆ, ਗੋਪਨੀਯਤਾ ਆਦਿ ਬਾਰੇ ਆਪਣੇ ਯੂਜ਼ਰਸ ਨੂੰ ਜਾਗਰੂਕ ਕਰਦਾ ਹੈ ਕਿ ਕਿਵੇਂ ਉਪਭੋਗਤਾ ਅੱਜ ਦੇ ਡਿਜੀਟਲੀ ਦੌਰ ਵਿਚ ਆਨਲਾਈਨ ਸੰਭਾਵੀ ਸਾਈਬਰ ਘੁਟਾਲਿਆਂ ਤੋਂ ਆਪਣੇ ਆਪ ਨੂੰ ਕਿਵੇਂ ਬਚਾ ਸਕਦੇ ਹਨ। 'ਸੇਫਟੀ ਇਨ ਇੰਡੀਆ' ਹੱਬ ਰਾਹੀਂ, ਵਟਸਐਪ ਦਾ ਉਦੇਸ਼ ਵੱਖ-ਵੱਖ ਸੁਰੱਖਿਆ ਹੱਲ ਅਤੇ ਇਨ-ਬਿਲਟ ਉਤਪਾਦ ਵਿਸ਼ੇਸ਼ਤਾਵਾਂ ਬਾਰੇ ਜਾਗਰੂਕਤਾ ਪੈਦਾ ਕਰਨਾ ਹੈ।
WhatsApp
ਇਸ ਤੋਂ ਇਲਾਵਾ ਰਿਸੋਰਸ ਹੱਬ ਐਡਵਾਂਸਡ ਟੈਕਨਾਲੋਜੀ ਬਾਰੇ ਵੀ ਗੱਲ ਕਰਦਾ ਹੈ ਜੋ ਆਨਲਾਈਨ ਪਲੇਟਫਾਰਮ 'ਤੇ ਗਲਤ ਜਾਣਕਾਰੀ ਦੇ ਫੈਲਣ ਅਤੇ ਕਿਸੇ ਵੀ ਕਿਸਮ ਦੀ ਦੁਰਵਰਤੋਂ ਨੂੰ ਰੋਕਣ ਵਿੱਚ ਮਦਦ ਕਰਦਾ ਹੈ। ਵਟਸਐਪ ਨੇ ਉਮੀਦ ਜਤਾਈ ਕਿ ਉਨ੍ਹਾਂ ਵਲੋਂ ਕੀਤਾ ਇਹ ਉਪਰਾਲਾ ਉਨ੍ਹਾਂ ਦੇ ਯੂਜਰਜ਼ ਨੂੰ ਆਪਣੀ ਗੋਪਨੀਯਤਾ ਬਣਾਈ ਰੱਖਣ ਅਤੇ ਸੁਰੱਖਿਅਤ ਢੰਗ ਨਾਲ ਇੰਟਰਨੈੱਟ ਨੈਵੀਗੇਟ ਕਰਨ ਲਈ ਲੋੜੀਂਦੀ ਜਾਣਕਾਰੀ ਮੁਹੱਈਆ ਕਰੇਗਾ।
