ਸਿੰਗਾਪੁਰ ਸੈਰ ਬੋਰਡ (ਐਸਟੀਬੀ) ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਭਾਰਤ ਦੇਸ਼ ਦੇ ਤੀਜੇ ਸੱਭ ਤੋਂ ਵੱਡੇ ਸੈਲਾਨੀ ਆਮ ਪੁਛਗਿੱਛ (ਵੀਏ) ਸਰੋਤ ਬਾਜ਼ਾਰ ਦੇ ਤੌਰ 'ਤੇ ਉਭਰਿਆ ਹੈ...
ਸਿੰਗਾਪੁਰ ਸੈਰ ਬੋਰਡ (ਐਸਟੀਬੀ) ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਭਾਰਤ ਦੇਸ਼ ਦੇ ਤੀਜੇ ਸੱਭ ਤੋਂ ਵੱਡੇ ਸੈਲਾਨੀ ਆਮ ਪੁਛਗਿੱਛ (ਵੀਏ) ਸਰੋਤ ਬਾਜ਼ਾਰ ਦੇ ਤੌਰ 'ਤੇ ਉਭਰਿਆ ਹੈ, ਜਿਸ ਦੀ ਵਿਕਾਸ ਦਰ ਸੱਭ ਤੋਂ ਉਤੇ 16 ਫ਼ੀ ਸਦੀ ਹੈ। ਬੋਰਡ ਨੇ ਇਕ ਬਿਆਨ ਵਿਚ ਕਿਹਾ ਕਿ ਐਸਟੀਬੀ ਨੇ ਐਲਾਨ ਕੀਤਾ ਹੈ ਕਿ ਸਿੰਗਾਪੁਰ ਲਈ ਪਹਿਲੀ ਵਾਰ ਭਾਰਤ ਵੀਏ ਸਰੋਤ ਬਾਜ਼ਾਰ ਦੇ ਤੌਰ 'ਤੇ ਚੌਥੇ ਤੋਂ ਤੀਜੇ ਸਥਾਨ 'ਤੇ (ਮਲੇਸ਼ੀਆ ਤੋਂ ਅੱਗੇ ਅਤੇ ਚੀਨ ਅਤੇ ਇੰਡੋਨੇਸ਼ੀਆ ਤੋਂ ਪਿੱਛੇ) ਆ ਗਿਆ ਹੈ।
Singapore
ਭਾਰਤ ਤੋਂ ਸਿੰਗਾਪੁਰ ਜਾਣ ਵਾਲੇ ਵੀਏ ਨੇ ਤੀਜੀ ਵਾਰ 10 ਲੱਖ ਦੀ ਗਿਣਤੀ ਪਾਰ ਕਰ ਲਈ ਹੈ ਅਤੇ ਕਿਹਾ ਹੈ ਕਿ ਇਹ ਭਾਰਤੀ ਸੈਲਾਨੀਆਂ ਲਈ ਸੱਭ ਤੋਂ ਪਸੰਦੀਦਾ ਥਾਵਾਂ ਵਿਚੋਂ ਇਕ ਹੈ। ਸਿੰਗਾਪੁਰ ਲਈ ਮੁੰਬਈ, ਚੇਨਈ, ਦਿੱਲੀ ਅਤੇ ਬੈਂਗਲੁਰੂ ਸਿਖਰ ਵੀਏ ਸਰੋਤ ਸ਼ਹਿਰ ਬਣੇ ਹੋਏ ਹਨ। ਐਸਟੀਬੀ ਵਲੋਂ ਅਹਿਮਦਾਬਾਦ, ਕੋਇੰਬਟੂਰ, ਹੈਦਰਾਬਾਦ, ਜੈਪੁਰ, ਕੋਲਕੱਤਾ ਅਤੇ ਪੁਣੇ ਵਿਚ ਸੈਲਾਨੀਆਂ ਨੂੰ ਲੁਭਾਉਣ ਲਈ ਕੀਤੀਆਂ ਗਈਆਂ ਕੋਸ਼ਿਸ਼ਾਂ ਦਾ ਨਤੀਜਾ ਹੈ ਕਿ ਇਥੇ ਆਉਣ ਵਾਲੇ ਸੈਲਾਨੀਆਂ ਦੀ ਗਿਣਤੀ ਵਿਚ ਦੋਹਰੇ ਅੰਕਾਂ ਵਿਚ ਵਾਧਾ ਦਰ ਵੇਖਿਆ ਜਾ ਰਿਹਾ ਹੈ।
Singapore Gardens
ਉਥੇ ਹੀ, ਸਿੰਗਾਪੁਰ ਦੇ ਕਰੂਜ਼ ਹਿੱਸੇ ਵਿਚ ਵੀ ਭਾਰਤ ਚੋਟੀ ਦੇ ਸਰੋਤ ਬਾਜ਼ਾਰ ਹਨ ਅਤੇ ਸਾਲ 2017 ਵਿਚ ਕੁੱਲ 1,27,000 ਭਾਰਤੀ ਸੈਲਾਨੀਆਂ ਨੇ ਸਿੰਗਾਪੁਰ ਦੇ ਸਮੁੰਦਰ ਵਿਚ ਕਰੂਜ਼ ਸੈਰ ਦਾ ਆਨੰਦ ਚੁੱਕਿਆ, ਜੋ ਸਾਲ 2016 ਦੇ ਮੁਕਾਬਲੇ 'ਚ 25 ਫ਼ੀ ਸਦੀ ਵਧਿਆ ਹੈ। ਐਸਟੀਬੀ ਦੇ ਖੇਤਰੀ ਨਿਰਦੇਸ਼ਕ (ਐਮਏਐਮਈਏ) ਜੀ.ਬੀ. ਸ਼ਰੀਥਰ ਨੇ ਕਿਹਾ ਕਿ ਭਾਰਤ ਤੋਂ ਬਾਹਰ ਦੇ ਦੇਸ਼ਾਂ ਵਿਚ ਘੁੰਮਣ ਵਾਲੇ ਸੈਲਾਨੀਆਂ ਦੀ ਗਿਣਤੀ ਵਿਚ ਵਾਧਾ ਹੋ ਰਿਹਾ ਹੈ, ਅਸੀਂ ਸਿੰਗਾਪੁਰ ਵਿਚ ਭਾਰਤੀ ਸੈਲਾਨੀਆਂ ਦੇ ਇਕ ਹੋਰ ਸਫ਼ਲ ਸਾਲ ਦੀ ਉਮੀਦ ਕਰਦੇ ਹਾਂ।
