ਅੱਠ ਮਹੀਨਿਆਂ ’ਚ ਪਹਿਲੀ ਵਾਰੀ ਘਟੀ ਬਿਜਲੀ ਦੀ ਖਪਤ, ਜਾਣੋ ਕਾਰਨ
Published : Jan 1, 2024, 5:32 pm IST
Updated : Jan 1, 2024, 5:32 pm IST
SHARE ARTICLE
Representative image.
Representative image.

ਭਾਰਤ ਦੀ ਬਿਜਲੀ ਖਪਤ ਦਸੰਬਰ ’ਚ 2.3 ਫੀ ਸਦੀ ਘਟ ਕੇ 119.07 ਅਰਬ ਯੂਨਿਟ ਰਹਿ ਗਈ

ਨਵੀਂ ਦਿੱਲੀਦੇਸ਼ ਦੀ ਬਿਜਲੀ ਖਪਤ ਦਸੰਬਰ ’ਚ 2.3 ਫੀ ਸਦੀ ਘੱਟ ਕੇ 119.07 ਅਰਬ ਯੂਨਿਟ ਰਹਿ ਗਈ। ਪਿਛਲੇ ਅੱਠ ਮਹੀਨਿਆਂ ’ਚ ਇਹ ਪਹਿਲਾ ਮੌਕਾ ਹੈ ਜਦੋਂ ਕਿਸੇ ਮਹੀਨੇ ’ਚ ਬਿਜਲੀ ਦੀ ਖਪਤ ਘੱਟ ਹੋਈ ਹੈ। ਇਸ ਦਾ ਕਾਰਨ ਮੁੱਖ ਤੌਰ ’ਤੇ ਹਲਕੀ ਠੰਢ ਕਾਰਨ ਗਰਮੀ ਪ੍ਰਦਾਨ ਕਰਨ ਵਾਲੇ ਉਪਕਰਣਾਂ ਦੀ ਮੰਗ ਦਾ ਘਟ ਹੋਣਾ ਹੈ।

ਸਰਕਾਰੀ ਅੰਕੜਿਆਂ ਮੁਤਾਬਕ ਪਿਛਲੇ ਸਾਲ ਅਪ੍ਰੈਲ ’ਚ ਬਿਜਲੀ ਦੀ ਖਪਤ 1.5 ਫੀ ਸਦੀ ਘੱਟ ਕੇ 132.02 ਅਰਬ ਯੂਨਿਟ ਰਹੀ ਸੀ। ਦਸੰਬਰ 2022 ’ਚ ਬਿਜਲੀ ਦੀ ਖਪਤ 121.91 ਅਰਬ ਯੂਨਿਟ ਸੀ। ਇਹ ਇਸ ਤੋਂ ਇਕ ਸਾਲ ਪਹਿਲਾਂ ਇਸੇ ਮਹੀਨੇ ਵਿਚ 109.17 ਅਰਬ ਇਕਾਈਆਂ ਤੋਂ ਵੱਧ ਸੀ। 

ਦਸੰਬਰ ’ਚ ਬਿਜਲੀ ਦੀ ਸਿਖਰਲੀ ਦੀ ਮੰਗ 213.62 ਗੀਗਾਵਾਟ (1 ਗੀਗਾਵਾਟ 1,000 ਮੈਗਾਵਾਟ ਦੇ ਬਰਾਬਰ) ਸੀ। ਜਦਕਿ 2022 ’ਚ ਇਹ 205.10 ਗੀਗਾਵਾਟ ਅਤੇ ਦਸੰਬਰ, 2021 ’ਚ ਇਹ 189.24 ਗੀਗਾਵਾਟ ਸੀ। 

ਮਾਹਰਾਂ ਮੁਤਾਬਕ ਦਸੰਬਰ ਦੇ ਪਹਿਲੇ ਪੰਦਰਵਾੜੇ ’ਚ ਹਲਕੀ ਠੰਡ ਕਾਰਨ ਬਿਜਲੀ ਦੀ ਖਪਤ ਦੇ ਨਾਲ-ਨਾਲ ਮੰਗ ਵੀ ਘੱਟ ਰਹੀ। ਹਾਲਾਂਕਿ, ਮਹੀਨੇ ਦੀ ਦੂਜੀ ਛਿਮਾਹੀ ’ਚ ਪਾਰੇ ’ਚ ਭਾਰੀ ਗਿਰਾਵਟ ਤੋਂ ਬਾਅਦ ਖਪਤ ਅਤੇ ਮੰਗ ’ਚ ਤੇਜ਼ੀ ਆਈ, ਖ਼ਾਸਕਰ ਉੱਤਰੀ ਭਾਰਤ ’ਚ। 

ਅੰਕੜਿਆਂ ਮੁਤਾਬਕ 29 ਦਸੰਬਰ ਨੂੰ ਬਿਜਲੀ ਦੀ ਵੱਧ ਤੋਂ ਵੱਧ ਮੰਗ 213.62 ਗੀਗਾਵਾਟ ਤਕ ਪਹੁੰਚ ਗਈ। 3 ਦਸੰਬਰ ਨੂੰ ਇਹ 174.16 ਗੀਗਾਵਾਟ ਸੀ। ਇਹ 14 ਦਸੰਬਰ, 2023 ਨੂੰ 200.56 ਗੀਗਾਵਾਟ ਤਕ ਪਹੁੰਚ ਗਿਆ।

ਬਿਜਲੀ ਮੰਤਰਾਲੇ ਨੇ ਗਰਮੀਆਂ ’ਚ ਭਾਰਤ ਦੀ ਚੋਟੀ ਦੀ ਬਿਜਲੀ ਦੀ ਮੰਗ 229 ਮੈਗਾਵਾਟ ਨੂੰ ਛੂਹਣ ਦਾ ਅਨੁਮਾਨ ਲਗਾਇਆ ਸੀ। ਹਾਲਾਂਕਿ ਬੇਮੌਸਮੀ ਬਾਰਸ਼ ਕਾਰਨ ਅਪ੍ਰੈਲ-ਜੁਲਾਈ ਦੌਰਾਨ ਮੰਗ ਇਸ ਪੱਧਰ ’ਤੇ ਨਹੀਂ ਪਹੁੰਚੀ। 

ਹਾਲਾਂਕਿ, ਬਿਜਲੀ ਦੀ ਵੱਧ ਤੋਂ ਵੱਧ ਮੰਗ ਨੂੰ ਪੂਰਾ ਕਰਨ ਲਈ ਬਿਜਲੀ ਸਪਲਾਈ ਜੂਨ ’ਚ 224.1 ਗੀਗਾਵਾਟ ਤਕ ਪਹੁੰਚ ਗਈ, ਜੋ ਜੁਲਾਈ ’ਚ 209.03 ਗੀਗਾਵਾਟ ਸੀ। ਅਗੱਸਤ ’ਚ ਵੱਧ ਤੋਂ ਵੱਧ ਮੰਗ 238.82 ਗੀਗਾਵਾਟ ਅਤੇ ਸਤੰਬਰ 2023 ’ਚ 243.27 ਗੀਗਾਵਾਟ ਸੀ। ਅਕਤੂਬਰ ਅਤੇ ਨਵੰਬਰ ਵਿਚ ਇਹ ਕ੍ਰਮਵਾਰ 222.16 ਗੀਗਾਵਾਟ ਅਤੇ 204.86 ਗੀਗਾਵਾਟ ਸੀ। ਮਾਹਰਾਂ ਦਾ ਕਹਿਣਾ ਹੈ ਕਿ ਆਰਥਕ ਗਤੀਵਿਧੀਆਂ ’ਚ ਵਾਧੇ ਅਤੇ ਠੰਡ ਵਧਣ ਨਾਲ ਆਉਣ ਵਾਲੇ ਮਹੀਨਿਆਂ ’ਚ ਬਿਜਲੀ ਦੀ ਖਪਤ ਵਧਣ ਦੀ ਸੰਭਾਵਨਾ ਹੈ।

SHARE ARTICLE

ਏਜੰਸੀ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM

Pardhan Mantri Bajeke News : ਪ੍ਰਧਾਨਮੰਤਰੀ ਬਾਜੇਕੇ ਦੀ ਵੀਡੀਓ ਤੋਂ ਬਾਅਦ ਫਿਰ ਹੋਵੇਗੀ ਪੇਸ਼ੀ | Amritpal Singh

02 Aug 2025 3:21 PM

'ਤੇਰੀ ਬੁਲਟ ਪਰੂਫ਼ ਗੱਡੀ ਪਾੜਾਂਗੇ, ਜੇਲ੍ਹ ‘ਚੋਂ ਗੈਂਗਸਟਰ ਜੱਗੂ ਭਗਵਾਨਪੁਰੀਏ ਦੀ ਧਮਕੀ'

01 Aug 2025 6:37 PM
Advertisement