ਜਹਾਜ਼ ਮੁਸਾਫ਼ਰਾਂ ਨੂੰ ਛੇਤੀ ਹੀ ਉਡਾਨਾਂ 'ਚ ਵਾਈਫ਼ਾਈ ਸੇਵਾ ਮਿਲ ਸਕਦੀ ਹੈ ਕਿਉਂਕਿ ਦੂਰਸੰਚਾਰ ਕਮਿਸ਼ਨ ਨੇ ਇਸ ਸਬੰਧ 'ਚ ਅਜ ਇਕ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿਤੀ ਹੈ...
ਨਵੀਂ ਦਿੱਲੀ, 1 ਮਈ : ਜਹਾਜ਼ ਮੁਸਾਫ਼ਰਾਂ ਨੂੰ ਛੇਤੀ ਹੀ ਉਡਾਨਾਂ 'ਚ ਵਾਈਫ਼ਾਈ ਸੇਵਾ ਮਿਲ ਸਕਦੀ ਹੈ ਕਿਉਂਕਿ ਦੂਰਸੰਚਾਰ ਕਮਿਸ਼ਨ ਨੇ ਇਸ ਸਬੰਧ 'ਚ ਅਜ ਇਕ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿਤੀ ਹੈ।
Wi-Fi services on flights in India
ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਸੁਰੇਸ਼ ਪ੍ਰਭੂ ਨੇ ਦੂਰਸੰਚਾਰ ਕਮਿਸ਼ਨ ਦੇ ਫ਼ੈਸਲੇ ਦੀ ਘੋਸ਼ਣਾ ਕਰਦੇ ਹੋਏ ਕਿਹਾ ਕਿ ਭਾਰਤੀ ਉਡਾਨਾਂ ਦੇ ਲਿਹਾਜ਼ ਨਾਲ ਦਿਲਚਸਪ ਸਮਾਂ ਆਉਣ ਵਾਲਾ ਹੈ ਕਿਉਂਕਿ ਦੂਰਸੰਚਾਰ ਕਮਿਸ਼ਨ ਨੇ ਭਾਰਤੀ ਭਾਰਤੀ ਹਵਾਈ ਖੇਤਰ 'ਚ ਡਾਟਾ ਅਤੇ ਕਾਲਿੰਗ ਸੇਵਾਵਾਂ ਨੂੰ ਮਨਜ਼ੂਰੀ ਦੇ ਦਿਤੀ ਹੈ।
Suresh Prabhu
ਮੰਤਰੀ ਨੇ ਕਿਹਾ ਕਿ ਉਹ ਨਿਸ਼ਚਿਤ ਕਰਣਗੇ ਕਿ ਪ੍ਰਸਤਾਵ ਨੂੰ ਛੇਤੀ ਤੋਂ ਛੇਤੀ ਲਾਗੂ ਕੀਤਾ ਜਾਵੇ ਕਿਉਂਕਿ ਸਰਕਾਰ ਜਹਾਜ਼ ਮੁਸਾਫ਼ਰਾਂ ਲਈ ਸੇਵਾਵਾਂ ਸੁਧਾਰਣ ਅਤੇ ਉਨ੍ਹਾਂ ਦੀ ਯਾਤਰਾ ਨੂੰ ਖੁਸ਼ਨੁਮਾ ਅਤੇ ਰੁਕਾਵਟ ਮੁਕਤ ਬਣਾਉਣ ਲਈ ਪ੍ਰਤਿਬੱਧ ਹੈ।
Wi-Fi services on flights in India
ਸੂਤਰਾਂ ਮੁਤਾਬਕ, ਸੇਵਾਵਾਂ ਲਈ ਕੀਮਤ ਤੈਅ ਕਰਨ ਸਬੰਧਤ ਏਅਰਲਾਈਨ 'ਤੇ ਨਿਰਭਰ ਕਰੇਗਾ। ਗ੍ਰਹਿ ਮੰਤਰਾਲਾ ਪਹਿਲਾਂ ਹੀ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਚੁਕਿਆ ਹੈ। ਦੂਰਸੰਚਾਰ ਵਿਭਾਗ ਨੇ ਪਿਛਲੇ ਸਾਲ ਟੈਲੀਕਾਮ ਰੈਗੂਲੇਟਰੀ ਅਥਾਰਟੀ ਆਫ਼ ਇੰਡੀਆ (ਟੀਆਰਏਆਈ) ਵਲੋਂ ਉਡਾਨਾਂ 'ਚ ਡਾਟਾ ਅਤੇ ਕਾਲਿੰਗ ਸੇਵਾਵਾਂ ਉਪਲਬਧ ਕਰਾਉਣ ਲਈ ਲਾਇਸੈਂਸ ਦੀਆਂ ਸ਼ਰਤਾਂ ਅਤੇ ਤੌਰ ਤਰੀਕੇ ਨੂੰ ਲੈ ਕੇ ਸਫ਼ਾਰੀਸ਼ਾਂ ਦੇਣ ਨੂੰ ਕਿਹਾ ਸੀ।
