ਬਿਟਕਾਇਨ ਵਰਗੀ ਡਿਜਿਟਲ ਕਰੰਸੀ ਦੇ ਕਾਰੋਬਾਰ ਨਾਲ ਜੁਡ਼ੀ ਇਕ ਹੋਰ ਕੰਪਨੀ ਨੇ ਭਾਰਤੀ ਰਿਜ਼ਰਵ ਬੈਂਕ ਦੇ ਉਸ ਸਰਕੁਲਰ ਨੂੰ ਦਿੱਲੀ ਹਾਈ ਕੋਰਟ 'ਚ ਚੁਣੋਤੀ ਦਿਤੀ ਹੈ, ਜਿਸ...
ਨਵੀਂ ਦਿੱਲੀ, 5 ਮਈ : ਬਿਟਕਾਇਨ ਵਰਗੀ ਡਿਜਿਟਲ ਕਰੰਸੀ ਦੇ ਕਾਰੋਬਾਰ ਨਾਲ ਜੁਡ਼ੀ ਇਕ ਹੋਰ ਕੰਪਨੀ ਨੇ ਭਾਰਤੀ ਰਿਜ਼ਰਵ ਬੈਂਕ ਦੇ ਉਸ ਸਰਕੁਲਰ ਨੂੰ ਦਿੱਲੀ ਹਾਈ ਕੋਰਟ 'ਚ ਚੁਣੋਤੀ ਦਿਤੀ ਹੈ, ਜਿਸ 'ਚ ਆਰਬੀਆਈ ਨੇ ਬੈਂਕ ਅਤੇ ਵਿੱਤੀ ਸੰਸਥਾਨਾਂ ਨੂੰ ਅਜਿਹੀ ਕਰੰਸੀ ਦੇ ਕਾਰੋਬਾਰ ਨਾਲ ਜੁਡ਼ੀਆਂ ਕੰਪਨੀਆਂ ਨੂੰ ਸੇਵਾਵਾਂ ਦੇਣ ਤੋਂ ਰੋਕ ਦਿਤਾ ਗਿਆ ਹੈ।
Delhi High Court
ਫ਼ਲਿੰਟਸਟੋਨ ਟੈਕਨਾਲੋਜੀ ਪ੍ਰਾਈਵੇਟ ਲਿ.ਦੀ ਪਟੀਸ਼ਨ ਨੂੰ ਕਲ ਜਸਟਿਸ ਰਾਜੀਵ ਸ਼ਕਧਰ ਦੀ ਬੈਂਚ ਅੱਗੇ ਸੂਚੀਬੱਧ ਕੀਤਾ ਗਿਆ ਸੀ। ਬੈਂਚ ਨੇ ਨਿਰਦੇਸ਼ ਦਿਤਾ ਕਿ ਇਸ ਨੂੰ ਇੰਜ ਹੀ ਇਕ ਮਾਮਲੇ ਦੀ ਸੁਣਵਾਈ ਕਰ ਰਹੀ ਬੈਂਚ ਸਾਹਮਣੇ ਲਿਜਾਇਆ ਜਾਵੇ। ਮੰਗ 'ਚ ਆਰਬੀਆਈ ਦੇ 6 ਅਪ੍ਰੈਲ ਦੇ ਸਰਕੁਲਰ ਨੂੰ ਮਨਮਾਨੀ, ਅਣ-ਉਚਿਤ ਅਤੇ ਗ਼ੈਰ ਸੰਵਿਧਾਨਿਕ ਠਹਿਰਾਂਉਂਦੇ ਹੋਏ ਇਸ ਨੂੰ ਵਾਪਸ ਲੈਣ ਦੀ ਮੰਗ ਕੀਤੀ ਗਈ ਹੈ।
RBI
ਜ਼ਿਕਰਯੋਗ ਹੈ ਕਿ 22 ਅਪ੍ਰੈਲ ਨੂੰ ਗੁਜਰਾਤ ਦੀ ਕੰਪਨੀ ਦੀ ਮੰਗ 'ਤੇ ਸੁਣਵਾਈ ਕਰਦੇ ਹੋਏ ਦਿੱਲੀ ਹਾਈ ਕੋਰਟ ਨੇ ਕੇਂਦਰ, ਆਰਬੀਆਈ ਅਤੇ ਜੀਐਸਟੀ ਕੌਂਸਲ ਤੋਂ ਜਵਾਬ ਮੰਗਿਆ ਹੈ। (ਏਜੰਸੀ)
