ਉਹਨਾਂ ਦਸਿਆ ਕਿ ਅਜਿਹਾ ਕੋਈ ਵੀ ਪ੍ਰਸਤਾਵ ਸੈਲਸ ਅੰਕੜਿਆਂ ਲਈ ਕਾਉਂਟਰ...
ਨਵੀਂ ਦਿੱਲੀ: ਕੋਰੋਨਾ ਸੰਕਟ (Corona Crisis) ਦੇ ਚਲਦੇ ਪਹਿਲੀ ਵਾਰ ਜੀਐਸਟੀ ਕੌਂਸਲ (GST Council) ਦੀ ਬੈਠਕ 12 ਜੂਨ ਨੂੰ ਹੋਵੇਗੀ। ਜੀਐਸਟੀ ਕੌਂਸਲ ਦੀ ਬੈਠਕ (GST Council Meeting) ਵਿਚ ਕਾਰੋਬਾਰੀਆਂ ਨੂੰ ਰਾਹਤ ਦੇਣ ਲਈ ਵੱਡਾ ਐਲਾਨ ਹੋ ਸਕਦਾ ਹੈ। GST ਲੇਟ ਫੀਸ ਤੋਂ ਪਰੇਸ਼ਾਨ ਕਾਰੋਬਾਰੀਆਂ ਨੂੰ ਜਲਦ ਰਾਹਤ ਦੇਣ ਦੀ ਉਮੀਦ ਹੈ।
GST
ਦਸ ਦਈਏ ਕਿ GST ਵਸੂਲੀ ਵਿਚ ਭਾਰੀ ਕਮੀ ਦੇ ਚਲਦੇ ਅਪ੍ਰੈਲ ਮਹੀਨੇ ਤੋਂ ਕੋਈ ਅੰਕੜਾ ਜਾਰੀ ਨਹੀਂ ਹੋਇਆ ਹੈ। GST ਦੀ ਬੈਠਕ ਵੀਡੀਉ ਕਾਨਫਰੰਸ ਰਾਹੀਂ ਹੋਵੇਗੀ। ਇਸ ਬੈਠਕ ਦੀ ਪ੍ਰਧਾਨਗੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਕਰਨਗੇ। ਇਸ ਬੈਠਕ ਵਿਚ ਨਵੇਂ ਸੈਸ ਅਤੇ ਦਰਾਂ ਵਿਚ ਬਦਲਾਅ ਤੇ ਫੈਸਲੇ ਦੀ ਉਮੀਦ ਨਹੀਂ ਹੈ। ਇਸ ਵਿਚ ਲੇਟ ਫੀਸ ਤੋਂ ਇਲਾਵਾ ਰਾਜਾਂ ਨੂੰ ਮੁਆਵਜ਼ੇ ਤੇ ਚਰਚਾ ਹੋ ਸਕਦੀ ਹੈ।
Nirmala Sitharaman
ਇਸ ਬੈਠਕ ਵਿਚ ਕੇਂਦਰ ਅਤੇ ਰਾਜਾਂ ਦੀ ਕਮਾਈ ਤੇ ਕੋਰੋਨਾ ਦੇ ਅਸਰ ਦੀ ਚਰਚਾ ਹੋ ਸਕਦੀ ਹੈ। 12 ਜੂਨ ਨੂੰ ਹੋਣ ਵਾਲੀ ਇਸ ਮੀਟਿੰਗ ਵਿਚ ਕੰਪਨਸੇਸ਼ਨ ਸੈਸ ਫੰਡ ਵਿਚ ਜ਼ਿਆਦਾ ਰੇਵੇਨਿਊ ਇਕੱਠਾ ਕਰਨ ਤੇ ਵੀ ਚਰਚਾ ਹੋ ਸਕਦੀ ਹੈ। ਆਫਤ ਸੈਸ ਲਗਾਉਣ ਨੂੰ ਲੈ ਕੇ ਸੂਤਰਾਂ ਨੇ ਦਸਿਆ ਕਿ ਕੋਵਿਡ-19 (COVID19) ਕਾਰਨ ਪੈਦਾ ਹੋਈ ਮੌਜੂਦਾ ਸਥਿਤੀ ਵਿਚ ਅਜਿਹਾ ਕੋਈ ਵੀ ਫ਼ੈਸਲਾ ਲੈਣਾ ਖ਼ਤਰਨਾਕ ਸਾਬਿਤ ਹੋ ਸਕਦਾ ਹੈ।
Nirmala Sitaraman
ਉਹਨਾਂ ਦਸਿਆ ਕਿ ਅਜਿਹਾ ਕੋਈ ਵੀ ਪ੍ਰਸਤਾਵ ਸੈਲਸ ਅੰਕੜਿਆਂ ਲਈ ਕਾਉਂਟਰ ਪ੍ਰੋਡਕਿਟਿਵ ਹੋਵੇਗਾ। ਪਹਿਲਾਂ ਤੋਂ ਹੀ ਮੰਗ ਅਤੇ ਖਪਤ ਘਟ ਹੋਣ ਕਾਰਨ ਇਸ ਵਿਚ ਭਾਰੀ ਗਿਰਾਵਟ ਆ ਚੁੱਕੀ ਹੈ। ਕਿਸੇ ਵੀ ਤਰ੍ਹਾਂ ਦੇ ਸੈਸ ਲਗਾਉਣ ਨਾਲ ਵਸਤੂਆਂ ਦੀਆਂ ਕੀਮਤਾਂ ਵਧ ਜਾਣਗੀਆਂ ਅਤੇ ਇਸ ਨਾਲ ਸੈਲਸ ਤੇ ਅਸਰ ਪਵੇਗਾ। ਸੂਤਰਾਂ ਨੇ ਜਾਣਕਾਰੀ ਦਿੱਤੀ ਹੈ ਕਿ ਜੀਐਸਟੀ ਕੌਂਸਲ ਦੀ ਬੈਠਕ 12 ਜੂਨ ਨੂੰ ਵੀਡੀਉ ਕਾਨਫਰੰਸਿੰਗ ਰਾਹੀਂ ਹੋਵੇਗੀ।
GST
ਇਸ ਤੋਂ ਪਹਿਲਾਂ ਜੀਐਸਟੀ ਕੌਂਸਲ ਦੀ 39ਵੀਂ ਬੈਠਕ ਮਾਰਚ ਵਿਚ ਵੀ ਕੋਰੋਨਾ ਵਾਇਰਸ ਨੂੰ ਲੈ ਕੇ ਅਰਥਵਿਵਸਥਾ ਤੇ ਪੈਣ ਵਾਲੇ ਪ੍ਰਭਾਵ ਨੂੰ ਲੈ ਕੇ ਚਰਚਾ ਹੋਈ ਸੀ। ਉਸ ਦੌਰਾਨ ਭਾਰਤ ਵਿਚ ਕੋਰੋਨਾ ਵਾਇਰਸ ਦੇ ਮਾਮਲੇ ਬੇਹੱਦ ਘਟ ਸਨ ਅਤੇ ਲਾਕਡਾਊਨ ਦਾ ਵੀ ਫ਼ੈਸਲਾ ਨਹੀਂ ਲਿਆ ਗਿਆ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
