ਸੈਂਸੈਕਸ ਦੀਆਂ ਮੁਖ 10 ਕੰਪਨੀਆਂ ਵਿਚੋਂ ਸੱਤ ਦੇ ਬਾਜ਼ਾਰ ਪੂੰਜੀਕਰਣ 'ਚ ਬੀਤੇ ਹਫ਼ਤੇ 75,684.33 ਕਰੋੜ ਰੁਪਏ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਸ ਦੌਰਾਨ ਹਿੰਦੁਸਤਾਨ ...

ਨਵੀਂ ਦਿੱਲੀ : ਸੈਂਸੈਕਸ ਦੀਆਂ ਮੁਖ 10 ਕੰਪਨੀਆਂ ਵਿਚੋਂ ਸੱਤ ਦੇ ਬਾਜ਼ਾਰ ਪੂੰਜੀਕਰਣ 'ਚ ਬੀਤੇ ਹਫ਼ਤੇ 75,684.33 ਕਰੋੜ ਰੁਪਏ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਇਸ ਦੌਰਾਨ ਹਿੰਦੁਸਤਾਨ ਯੂਨੀਲੀਵਰ ਦੀ ਬਾਜ਼ਾਰ ਹੈਸੀਅਤ ਸੱਭ ਤੋਂ ਜ਼ਿਆਦਾ ਡਿੱਗੀ। ਮਾਰੂਤੀ ਸੁਜ਼ੂਕੀ ਇੰਡੀਆ, ਭਾਰਤੀ ਸਟੇਟ ਬੈਂਕ ਅਤੇ ਆਈ.ਟੀ.ਸੀ. ਸਮੇਤ ਸੱਤ ਮੁੱਖ ਕੰਪਨੀਆਂ ਦੇ ਬਾਜ਼ਾਰ ਪੂੰਜੀਕਰਨ 'ਚ ਗਿਰਾਵਟ ਆਈ ਜਦੋਂ ਕਿ ਰਿਲਾਇੰਸ ਇੰਡਸਟ੍ਰੀਜ਼ ਲਿਮਟਿਡ (ਆਰਆਈਐਲ), ਟੀ.ਸੀ.ਐਸ. ਅਤੇ ਇੰਸ਼ੋਸਿਸ ਦਾ ਪੂੰਜੀਕਰਨ ਵਧਿਆ। 

Hindustan Unilever

ਹਿੰਦੁਸਤਾਨ ਯੂਨੀਲੀਵਰ ਲਿਮਟਿਡ ਦਾ ਐੱਮ ਕੈਪ ਸਭ ਤੋਂ ਉੱਚੇ 29,449.99 ਕਰੋੜ ਰੁਪਏ ਡਿੱਗ ਕੇ 3,54,774.44 ਕਰੋੜ ਰੁਪਏ ਰਹਿ ਗਿਆ। ਇਸ ਤਰ੍ਹਾਂ ਐਸਬੀਆਈ. ਦਾ ਪੂੰਜੀਕਰਨ 15,171.8 ਕਰੋੜ ਰੁਪਏ ਡਿੱਗ ਕੇ 2,60,464.09 ਕਰੋੜ ਰੁਪਏ ਅਤੇ ਮਾਰੂਤੀ ਸੁਜ਼ੂਕੀ ਇੰਡੀਆ ਦਾ ਪੂੰਜੀਕਰਨ 11,016.86 ਕਰੋੜ ਰੁਪਏ ਡਿੱਗ ਕੇ 2,63,792.92 ਕਰੋੜ ਰੁਪਏ ਰਿਹਾ। 

HDFC 

ਆਈਟੀਸੀ ਦਾ ਐਮ ਕੈਪ 10,702.43 ਕਰੋੜ ਡਿੱਗ ਕੇ 3,79,660.86 ਕਰੋੜ ਰੁਪਏ ਅਤੇ ਕੋਟਕ ਮਹਿੰਦਰਾ ਬੈਂਕ ਦਾ ਪੂੰਜੀਕਰਨ 7,130.61 ਕਰੋੜ ਡਿੱਗ ਕੇ 2,37,931.73 ਕਰੋੜ ਰੁਪਏ 'ਤੇ ਆ ਗਿਆ। ਐੱਚਡੀਐੱਫਸੀ ਬੈਂਕ ਦਾ ਪੂੰਜੀਕਰਨ 1,194.57 ਕਰੋੜ ਰੁਪਏ ਅਤੇ ਐਚਡੀਐਫਸੀ ਦਾ ਪੂੰਜੀਕਰਨ 1,018.07 ਕਰੋੜ ਰੁਪਏ ਡਿੱਗ ਕੇ ਕ੍ਰਮਵਾਰ 5,58,693.63 ਕਰੋੜ ਰੁਪਏ ਅਤੇ 3,25,634.13 ਕਰੋੜ ਰੁਪਏ ਰਿਹਾ। ਉਧਰ ਦੂਜੇ ਪਾਸੇ ਆਰਆਈਐਲ ਦਾ ਬਾਜ਼ਾਰ ਪੂੰਜੀਕਰਨ 22,784.32 ਕਰੋੜ ਰੁਪਏ ਵਧ ਕੇ 8,09,254.98 ਕਰੋੜ ਰੁਪਏ ਹੋ ਗਿਆ।