ਜਪਾਨ ਦੇ ਸਾਫ਼ਟਬੈਂਕ ਨੇ ਈ - ਕਾਮਰਸ ਕੰਪਨੀ ਫ਼ਲਿਪਕਾਰਟ 'ਚ ਅਪਣੀ 20 - 22 ਫ਼ੀ ਸਦੀ ਹਿੱਸੇਦਾਰੀ ਅਮਰੀਕਾ ਦੀ ਰਿਟੇਲ ਕੰਪਨੀ ਵਾਲਮਾਰਟ ਨੂੰ ਵੇਚਣ 'ਤੇ ਹਲੇ ਕੋਈ ਫ਼ੈਸਲਾ...
ਨਵੀਂ ਦਿੱਲੀ, 11 ਮਈ : ਜਪਾਨ ਦੇ ਸਾਫ਼ਟਬੈਂਕ ਨੇ ਈ - ਕਾਮਰਸ ਕੰਪਨੀ ਫ਼ਲਿਪਕਾਰਟ 'ਚ ਅਪਣੀ 20 - 22 ਫ਼ੀ ਸਦੀ ਹਿੱਸੇਦਾਰੀ ਅਮਰੀਕਾ ਦੀ ਰਿਟੇਲ ਕੰਪਨੀ ਵਾਲਮਾਰਟ ਨੂੰ ਵੇਚਣ 'ਤੇ ਹਲੇ ਕੋਈ ਫ਼ੈਸਲਾ ਨਹੀਂ ਕੀਤਾ ਹੈ। ਨਿਯਮ ਨੇ ਦਸਿਆ ਕਿ ਸਾਫ਼ਟਬੈਂਕ ਦੇ ਮਸਾਯੋਸ਼ੀ ਸੇਨ ਅਗਲੇ ਸੱਤ ਤੋਂ ਦਸ ਦਿਨਾਂ 'ਚ ਇਸ ਗੱਲ 'ਤੇ ਫ਼ੈਸਲਾ ਕਰ ਸਕਦੇ ਹਨ ਕਿ ਫ਼ਲਿਪਕਾਰਟ ਤੋਂ ਬਾਹਰ ਆਇਆ ਜਾਵੇ ਜਾਂ ਕੁੱਝ ਹੋਰ ਸਮੇਂ ਲਈ ਇਸ ਨਿਵੇਸ਼ ਨੂੰ ਬਰਕਰਾਰ ਰੱਖਿਆ ਜਾਵੇ।
Softbank
ਜ਼ਿਕਰਯੋਗ ਹੈ ਕਿ ਵਾਲਮਾਰਟ ਨੇ ਬੁੱਧਵਾਰ ਨੂੰ ਫ਼ਲਿਪਕਾਰਟ ਦੀ 77 ਫ਼ੀ ਸਦੀ ਹਿੱਸੇਦਾਰੀ ਖ਼ਰੀਦਣ ਲਈ 16 ਅਰਬ ਡਾਲਰ ਦਾ ਭੁਗਤਾਨ ਕਰਨ ਦਾ ਐਲਾਨ ਕੀਤਾ ਸੀ। ਵਾਲਮਾਰਟ ਵਲੋਂ ਜਾਰੀ ਇਕ ਬਿਆਨ ਮੁਤਾਬਕ ਉਸ ਤੋਂ ਇਲਾਵਾ ਕੰਪਨੀ 'ਚ ਬਿੰਨੀ ਬੰਸਲ, ਟੇਨਸੇਂਟ ਹੋਲਡਿੰਗਜ਼ ਲਿਮਟਿਡ, ਟਾਈਗਰ ਗਲੋਬਲ ਮੈਨੇਜਮੈਂਟ ਐਲਐਲਸੀ ਅਤੇ ਮਾਈਕ੍ਰੋਸਾਫ਼ਟ ਕਾਰਪ ਕੋਲ ਬਚੀ ਹੋਈ 23 ਫ਼ੀ ਸਦੀ ਹਿੱਸੇਦਾਰੀ ਰਹੇਗੀ ਕਿਉਂਕਿ ਸਾਫ਼ਟਬੈਂਕ ਅਪਣੀ 20 - 22 ਫ਼ੀ ਸਦੀ ਦੀ ਹਿੱਸੇਦਾਰੀ ਵੇਚਣ ਲਈ ਤਿਆਰ ਹੋ ਗਿਆ ਸੀ।
Softbank
ਨਿਯਮ ਮੁਤਾਬਕ ਸਾਫ਼ਟਬੈਂਕ ਦਾ ਫ਼ਲਿਪਕਾਰਟ ਤੋਂ ਬਾਹਰ ਆਉਣ ਦਾ ਫ਼ੈਸਲਾ ਕਰਨਾ ਹਲੇ ਬਾਕੀ ਹੈ। ਇਸ ਦੇ ਪਿੱਛੇ ਅਹਿਮ ਕਾਰਨ ਹੈ ਕਿ ਹਿੱਸੇਦਾਰੀ ਵੇਚਣ 'ਤੇ ਸਾਫ਼ਟਬੈਂਕ ਨੂੰ ਹੋਣ ਵਾਲੇ ਮੁਨਾਫ਼ਾ 'ਤੇ ਇਨਕਮ ਟੈਕਸ ਚੁਕਾਉਣਾ ਹੋਵੇਗਾ, ਜਿਸ ਦੇ ਅਧਾਰ 'ਤੇ ਉਹ ਫ਼ੈਸਲਾ ਕਰੇਗਾ। ਸਾਫ਼ਟਬੈਂਕ ਨੇ ਫ਼ਲਿਪਕਾਰਟ 'ਚ 2.5 ਅਰਬ ਡਾਲਰ ਦਾ ਨਿਵੇਸ਼ ਕੀਤਾ ਸੀ, ਜਦਕਿ ਇਸ ਤੋਂ ਬਾਹਰ ਆਉਣ 'ਤੇ ਉਸ ਨੂੰ 4.5 ਅਰਬ ਡਾਲਰ ਮਿਲਣਗੇ। ਇਸ ਪ੍ਰਕਾਰ ਦੋ ਅਰਬ ਡਾਲਰ ਦੇ ਮੁਨਾਫ਼ੇ 'ਤੇ ਭਾਰਤੀ ਕਾਨੂੰਨ ਮੁਤਾਬਕ ਉਸ ਨੂੰ ਕਰ ਦੇਣਾ ਹੋਵੇਗਾ। ਸਾਫ਼ਟਬੈਂਕ ਦੇ ਬੁਲਾਰੇ ਵਲੋਂ ਇਸ ਬਾਰੇ ਸੰਪਰਕ ਕਰਨ 'ਤੇ ਟਿੱਪਣੀ ਕਰਨ ਤੋਂ ਮਨਾ ਕਰ ਦਿਤਾ।
