ਟੈਲੀਕਾਮ ਆਪਰੇਟਰ ਰਿਲਾਇੰਸ ਜੀਓ ਨੇ ਜਾਪਾਨ ਦੇ ਵੱਖਰੇ ਬੈਂਕਾਂ ਤੋਂ ਸਮੁਰਾਈ ਮਿਆਦ ਕਰਜ਼ ਦੇ ਰੂਪ 'ਚ 3,250 ਕਰੋੜ ਰੁਪਏ ਜੁਟਾਉਣ ਦੇ ਸਮਝੌਤੇ 'ਤੇ ਹਸਤਾਖ਼ਰ ਕੀਤੇ ਹਨ।
ਟੈਲੀਕਾਮ ਆਪਰੇਟਰ ਰਿਲਾਇੰਸ ਜੀਓ ਨੇ ਜਾਪਾਨ ਦੇ ਵੱਖਰੇ ਬੈਂਕਾਂ ਤੋਂ ਸਮੁਰਾਈ ਮਿਆਦ ਕਰਜ਼ ਦੇ ਰੂਪ 'ਚ 3,250 ਕਰੋੜ ਰੁਪਏ ਜੁਟਾਉਣ ਦੇ ਸਮਝੌਤੇ 'ਤੇ ਹਸਤਾਖ਼ਰ ਕੀਤੇ ਹਨ। ਇਸ ਲਈ ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ ਨੇ ਗਰੰਟੀ ਦਿਤੀ ਹੈ ਅਤੇ ਇਸ ਦਾ ਇਸਤੇਮਾਲ ਜੀਓ ਦੇ ਪੂੰਜੀਕਰਣ ਖ਼ਰਚੇ 'ਚ ਕੀਤਾ ਜਾਵੇਗਾ।
Mizuho Bank
ਇਕ ਜਾਪਾ,ਨੀ ਯੇਨ ਦੀ ਕੀਮਤ 60 ਰੁਪਏ ਦੇ ਲਗਭੱਗ ਪੈਂਦੀ ਹੈ। ਇਸ ਲਿਹਾਜ਼ ਤੋਂ ਕਰਜ਼ ਦੀ ਕੁੱਲ ਰਕਮ 3,248 ਕਰੋਡ਼ ਰੁਪਏ ਦੇ ਲਗਭੱਗ ਬੈਠਦੀ ਹੈ। ਕੰਪਨੀ ਨੇ ਅਪਣੇ ਬਿਆਨ 'ਚ ਜਾਣਕਾਰੀ ਦਿਤੀ ਹੈ ਕਿ ਇਹ ਕਿਸੇ ਵੀ ਏਸ਼ੀਆਈ ਕਾਰਪੋਰੇਟ ਨੂੰ ਸਮੁਰਾਈ ਕਰਜ਼ ਦੇ ਰੂਪ 'ਚ ਦਿਤੀ ਗਈ ਹੁਣ ਤਕ ਦੀ ਸੱਭ ਤੋਂ ਵੱਡੀ ਰਕਮ ਹੈ। ਰਿਲਾਇੰਸ ਜੀਓ ਨੇ ਦਸਿਆ ਕਿ ਉਸ ਮੀਜ਼ੂਹੋ ਬੈਂਕ ਲਿਮਟਿਡ, ਐਮਯੂਐਫ਼ਜੀ ਬੈਂਕ ਅਤੇ ਸੁਮਿਤੋਮੋ ਮਿਤਸਈ ਬੈਂਕਿੰਗ ਨਿਗਮ ਦੇ ਨਾਲ ਇਸ ਮਿਆਦ ਕਰਜ਼ ਨੂੰ ਲੈ ਕੇ ਸਮਝੌਤਾ ਹੋਇਆ ਹੈ।
MUFG Bank
ਪਿਛਲੇ ਮਹੀਨੇ ਰਿਲਾਇੰਸ ਜੀਓ ਬੋਰਡ ਨੇ 20,000 ਕਰੋਡ਼ ਰੁਪਏ ਦਾ ਕਰਜ਼ ਜੁਟਾਉਣ ਨੂੰ ਮਨਜ਼ੂਰੀ ਦਿਤੀ ਸੀ। ਤੁਹਾਨੂੰ ਦਸ ਦਈਏ ਕਿ ਜੀਓ ਨੇ ਅਪਣੇ ਮੋਬਾਈਲ ਬਿਜ਼ਨਸ 'ਚ 3 ਲੱਖ ਕਰੋਡ਼ ਦਾ ਨਿਵੇਸ਼ ਕੀਤਾ ਹੈ ਅਤੇ ਮੁਕੇਸ਼ ਅੰਬਾਨੀ ਦੀ ਕੰਪਨੀ ਅਪਣੇ ਭਰਾ ਅਨਿਲ ਅੰਬਾਨੀ ਦੇ ਮੋਬਾਈਲ ਬਿਜ਼ਨਸ ਅਸੈਟਸ ਨੂੰ ਖ਼ਰੀਦਣ 'ਚ 25,000 ਕਰੋਡ਼ ਦਾ ਨਿਵੇਸ਼ ਕਰਨ ਜਾ ਰਹੀ ਹੈ।
