ਵਿਸ਼ਵ ਬੈਂਕ ਨੇ ਚਾਲੂ ਮਾਲੀ ਸਾਲ ਵਿਚ ਭਾਰਤ ਦੀ ਵਿਕਾਸ ਦਰ 7.3 ਫ਼ੀ ਸਦ ਰਹਿਣ ਦਾ ਅੰਦਾਜ਼ਾ ਲਗਾਇਆ ਹੈ। ਸੰਸਾਰਕ ਸੰਸਥਾ ਦੇ ਜੀਐਸਟੀ ...
ਵਾਸ਼ਿੰਗਟਨ : ਵਿਸ਼ਵ ਬੈਂਕ ਨੇ ਚਾਲੂ ਮਾਲੀ ਸਾਲ ਵਿਚ ਭਾਰਤ ਦੀ ਵਿਕਾਸ ਦਰ 7.3 ਫ਼ੀ ਸਦ ਰਹਿਣ ਦਾ ਅੰਦਾਜ਼ਾ ਲਗਾਇਆ ਹੈ। ਸੰਸਾਰਕ ਸੰਸਥਾ ਦੇ ਜੀਐਸਟੀ ਲਾਗੂ ਕਰਨ ਤੋਂ ਬਾਅਦ ਵਿਕਾਸ ਦਰ ਵਿਚ ਆਈ ਗਿਰਾਵਟ ਦੇ ਦੌਰ ਤੋਂ ਭਾਰਤੀ ਅਰਥ ਵਿਵਸਥਾ ਉਭਰ ਚੁੱਕੀ ਹੈ। ਸਾਲ 2019-20 ਅਤੇ 2020-21 ਵਿਚ ਅਰਥ ਵਿਵਸਥਾ ਦੀ ਵਿਕਾਸ ਦਰ 7.5 ਫ਼ੀ ਸਦ ਦੇ ਪੱਧਰ 'ਤੇ ਪਹੁੰਚ ਜਾਵੇਗੀ।
world bank forecasts over 7percent growth for india this year
ਸਾਲ ਵਿਚ ਦੋ ਵਾਰ ਜਾਰੀ ਹੋਣ ਵਾਲੀ ਸਾਊਥ ਏਸ਼ੀਆ ਇਕੋਨਾਮਿਕ ਫੋਕਸ ਰਿਪੋਰਟ ਵਿਚ ਵਿਸ਼ਵ ਬੈਂਕ ਨੇ ਕਿਹਾ ਕਿ ਭਾਰਤ ਦੀ ਅਰਥਵਿਵਸਥਾ ਵਿਚ ਸੁਧਾਰ ਕਰ ਕੇ ਇਸ ਖੇਤਰ ਨੇ ਦੁਨੀਆਂ ਵਿਚ ਸਭ ਤੋਂ ਤੇਜ਼ੀ ਨਾਲ ਵਧਦੇ ਖੇਤਰ ਦਾ ਦਰਜਾ ਫਿ਼ਰ ਤੋਂ ਹਾਸਲ ਕਰ ਲਿਆ ਹੈ। ਰਿਪੋਰਟ ਮੁਤਾਬਕ ਭਾਰਤ ਵਿਚ ਆਰਥਿਕ ਵਿਕਾਸ ਦਰ 2017 ਵਿਚ 6.7 ਫ਼ੀ ਸਦ ਤੋਂ ਵਧ ਕੇ 2018 ਵਿਚ 7.3 ਫ਼ੀ ਸਦ ਹੋ ਸਕਦੀ ਹੈ।
world bank forecasts over 7percent growth for india this year
ਨਿੱਜੀ ਨਿਵੇਸ਼ ਅਤੇ ਨਿੱਜੀ ਖ਼ਪਤ ਵਿਚ ਸੁਧਾਰ ਨਾਲ ਇਸ ਦੇ ਲਗਾਤਾਰ ਅੱਗੇ ਵਧਣ ਦੀ ਉਮੀਦ ਹੈ। ਅਨੁਮਾਨ ਹੈ ਕਿ ਦੇਸ਼ ਦੀ ਵਾਧਾ ਦਰ 2019-20 ਅਤੇ 2020-21 ਵਿਚ ਵਧ ਕੇ 7.5 ਫ਼ੀ ਸਦੀ ਹੋ ਜਾਵੇਗੀ। ਭਾਰਤ ਨੂੰ ਸੰਸਾਰਕ ਵਾਧੇ ਦਾ ਫ਼ਾਇਦਾ ਉਠਾਉਣ ਲਈ ਨਿਵੇਸ਼ ਅਤੇ ਬਰਾਮਦ ਵਧਾਉਣ ਦਾ ਸੁਝਾਅ ਦਿਤਾ ਹੈ। ਵਿਸ਼ਵ ਬੈਂਕ ਨੇ ਮੰਨਿਆ ਕਿ ਜੀਐਸਟੀ ਲਾਗੂ ਹੋਣ ਨਾਲ ਭਾਰਤ ਵਿਚ ਆਰਥਿਕ ਗਤੀਵਿਧੀਆਂ ਪ੍ਰਭਾਵਤ ਹੋਈਆਂ ਸਨ ਅਤੇ ਇਸ ਦਾ ਨਕਰਾਤਮਕ ਅਸਰ ਪਿਆ ਸੀ ਪਰ
world bank forecasts over 7percent growth for india this year
ਅਰਥਵਿਵਸਥਾ ਹੁਣ ਇਸ ਤੋਂ ਉਭਰ ਚੁੱਕੀ ਹੈ ਅਤੇ ਇਹ ਵਿੱਤੀ ਸਾਲ 2019 ਵਿਚ ਵਿਕਾਸ ਦਰ ਨੂੰ 7.4 ਫ਼ੀ ਸਦ ਤਕ ਪਹੁੰਚਣ ਵਿਚ ਸਹਾਇਕ ਹੋਵੇਗੀ।
ਬੈਂਕ ਨੇ ਕਿਹਾ ਕਿ ਮੱਧ ਸਮੇਂ ਵਿਚ ਨਿੱਜੀ ਨਿਵੇਸ਼ ਦੀ ਵਾਪਸੀ ਵੱਡੀ ਚੁਣੌਤੀ ਹੈ। ਇਸ ਵਿਚ ਕਈ ਘਰੇਲੂ ਰੁਕਾਵਟਾਂ ਹਨ, ਜਿਵੇਂ ਕਾਰਪੋਰੇਟ 'ਤੇ ਵਧਦਾ ਕਰਜ਼, ਰੈਗੁਲੇਟਰੀ ਅਤੇ ਨੀਤੀਗਤ ਚੁਣੌਤੀਆਂ, ਅਮਰੀਕਾ ਵਿਚ ਵਿਆਜ਼ ਵਧਣ 'ਤੇ ਵੀ ਨਕਰਾਤਮਕ ਪ੍ਰਭਾਵ ਪੈ ਸਕਦਾ ਹੈ।
world bank forecasts over 7percent growth for india this year
ਵਿਸ਼ਵ ਬੈਂਕ ਨੇ ਕਿਹਾ ਕਿ ਭਾਰਤ ਨੂੰ ਅਪਣੀ ਰੁਜ਼ਗਾਰ ਦਰ ਬਰਕਰਾਰ ਰਖਣ ਲਈ ਸਾਲਾਨਾ 81 ਲੱਖ ਰੁਜ਼ਗਾਰ ਪੈਦਾ ਕਰਨ ਦੀ ਲੋੜ ਹੈ। ਰਿਪੋਰਟ ਅਨੁਸਾਰ ਹਰ ਮਹੀਨੇ 13 ਲੱਖ ਨਵੇਂ ਲੋਕ ਕੰਮਕਾਜ ਕਰਨ ਦੀ ਉਮਰ ਵਿਚ ਦਾਖ਼ਲ ਹੋ ਜਾਂਦੇ ਹਨ। ਵਿਸ਼ਵ ਬੈਂਕ ਦੇ ਦਖਣ ਏਸ਼ੀਆ ਖੇਤਰ ਦੇ ਪ੍ਰਮੁੱਖ ਅਰਥਸਾਸ਼ਤਰੀ ਮਾਰਟਿਨ ਰਾਮਾ ਨੇ ਕਿਹਾ ਕਿ 2025 ਤਕ ਹਰ ਮਹੀਨੇ 18 ਲੱਖ ਤੋਂ ਜ਼ਿਆਦਾ ਲੋਕ ਕੰਮਕਾਜ ਕਰਨ ਦੀ ਉਮਰ ਵਿਚ ਪਹੁੰਚਣਗੇ। ਚੰਗੀ ਖ਼ਬਰ ਇਹ ਹੈ ਕਿ ਆਰਥਿਕ ਵਾਧਾ ਨਵੀਂ ਨੌਕਰੀਆਂ ਪੈਦਾ ਕਰ ਰਿਹਾ ਹੈ।
