ਨਿਫਟੀ 100 ਅੰਕ ਦੀ ਛਲਾਂਗ ਲਗਾ ਕੇ 12871 ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ।
ਨਵੀਂ ਦਿੱਲੀ - ਕੋਰੋਨਾ ਵਾਇਰਸ ਟੀਕੇ ਬਾਰੇ ਵੱਡੀ ਖ਼ਬਰ ਆਉਣ ਤੋਂ ਬਾਅਦ ਭਾਰਤੀ ਸਟਾਕ ਮਾਰਕੀਟ ਆਲ ਟਾਈਮ ਸਿਖਰ 'ਤੇ ਪਹੁੰਚ ਗਿਆ ਹੈ। ਬੀ.ਐਸ.ਈ. ਦਾ 30 ਸ਼ੇਅਰਾਂ ਵਾਲਾ ਇੰਡੈਕਸ ਸੈਂਸੈਕਸ 350 ਅੰਕ ਚੜ੍ਹ ਕੇ 44 ਹਜ਼ਾਰ ਨੂੰ ਪਾਰ ਕਰ ਗਿਆ ਹੈ। ਸੈਂਸੈਕਸ ਨੇ ਪਹਿਲੀ ਵਾਰ 44 ਹਜ਼ਾਰ ਨੂੰ ਪਾਰ ਕੀਤਾ ਹੈ।
Nifty up
ਇਸ ਦੇ ਨਾਲ ਹੀ ਐਨ.ਐਸ.ਈ. ਦਾ 50 ਸ਼ੇਅਰਾਂ ਵਾਲਾ ਪ੍ਰਮੁੱਖ ਇੰਡੈਕਸ ਐਨ.ਐਸ.ਈ. ਨਿਫਟੀ 100 ਅੰਕ ਦੀ ਛਲਾਂਗ ਲਗਾ ਕੇ 12871 ਦੇ ਪੱਧਰ 'ਤੇ ਪਹੁੰਚ ਗਿਆ ਹੈ। ਮਾਹਰਾਂ ਦਾ ਕਹਿਣਾ ਹੈ ਕਿ ਪਹਿਲੇ 5 ਮਿੰਟਾਂ ਵਿਚ ਨਿਵੇਸ਼ਕਾਂ ਨੇ 71 ਹਜ਼ਾਰ ਕਰੋੜ ਦੀ ਕਮਾਈ ਕੀਤੀ ਹੈ।
Sensex
ਆਉਣ ਵਾਲੇ ਦਿਨਾਂ ਵਿਚ ਸਟਾਕ ਮਾਰਕੀਟ ਫਿਰ ਤੋਂ ਇੱਕ ਨਵੇਂ ਸ਼ਿਖ਼ਰ 'ਤੇ ਪਹੁੰਚਦਾ ਦਿਖਾਈ ਦੇ ਰਿਹਾ ਹੈ। ਅੱਜ ਏਸ਼ੀਆਈ ਬਾਜ਼ਾਰਾਂ ਵਿਚ ਵੀ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਜਾਪਾਨ ਦੇ ਬੈਂਚਮਾਰਕ ਇੰਡੈਕਸ ਦੀ ਨਿੱਕੇਈ 'ਚ ਉਚਾਈ ਜਾਰੀ ਹੈ। ਇਸ ਦੇ ਨਾਲ ਹੀ ਸਿੰਗਾਪੁਰ ਦੇ ਸਟ੍ਰੇਟ ਟਾਈਮਜ਼ 'ਚ 0.80 ਪ੍ਰਤੀਸ਼ਤ ਦੀ ਤੇਜ਼ੀ ਨਜ਼ਰ ਆ ਰਹੀ ਹੈ। ਹਾਂਗ ਕਾਂਗ ਦਾ ਵੱਡਾ ਬੈਂਚਮਾਰਕ ਇੰਡੈਕਸ ਹੈਂਗਸੈਂਗ ਵੀ ਮਜ਼ਬੂਤੀ ਨਾਲ 26,434 ਦੇ ਪੱਧਰ 'ਤੇ ਨਜ਼ਰ ਆ ਰਿਹਾ ਹੈ।
Moderna
ਮਾਡਰਨਾ ਦਾ ਕਹਿਣਾ ਹੈ ਕਿ ਉਸ ਦੀ ਕੋਰੋਨਾ ਵੈਕਸੀਨ 94.5 ਪ੍ਰਤੀਸ਼ਤ ਸਫਲ ਰਹੀ ਹੈ। ਇਸ ਤੋਂ ਪਹਿਲਾਂ ਫਾਈਜ਼ਰ ਨੇ ਵੀ ਆਪਣੇ ਟੀਕੇ ਨੂੰ 90 ਪ੍ਰਤੀਸ਼ਤ ਪ੍ਰਭਾਵਸ਼ਾਲੀ ਐਲਾਨ ਕੀਤਾ ਸੀ। ਟੀਕੇ 'ਤੇ ਖੁਸ਼ਖਬਰੀ ਅਤੇ ਰਾਹਤ ਪੈਕੇਜ ਨੇ ਬਾਜ਼ਾਰਾਂ ਵਿਚ ਉਤਸ਼ਾਹ ਭਰਿਆ ਹੈ। ਯੂ.ਐਸ. ਦੇ ਬਾਜ਼ਾਰਾਂ ਵਿਚ ਉਛਾਲ ਜਾਰੀ ਹੈ ਭਾਰਤ ਦੀ ਬਾਇਲੋਜੀਕਲ-ਈ. ਨੇ ਵੀ ਮਨੁੱਖੀ ਅਜ਼ਮਾਇਸ਼ਾਂ ਸ਼ੁਰੂ ਕਰ ਦਿੱਤੀਆਂ ਹਨ।
Brent crude
ਇਸ ਦੌਰਾਨ ਬ੍ਰੈਂਟ ਕਰੂਡ 'ਚ ਵੀ 3 ਪ੍ਰਤੀਸ਼ਤ ਦਾ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ। ਯੂ.ਐਸ. ਦੇ ਬਾਜ਼ਾਰਾਂ ਵਿਚ ਤੇਜ਼ੀ ਦੀ ਸਥਿਤੀ ਇਹ ਹੈ ਕਿ ਕੱਲ ਦੇ ਕਾਰੋਬਾਰ ਵਿਚ ਡਾਓ 471 ਅੰਕ ਵਧ ਕੇ 29950 ਦੇ ਪੱਧਰ 'ਤੇ ਬੰਦ ਹੋਇਆ ਸੀ। ਇਸ ਦੇ ਨਾਲ ਹੀ ਨੈਸਡੈਕ 95 ਅੰਕ ਦੀ ਤੇਜ਼ੀ ਨਾਲ ਅਤੇ 11924 ਰੇ ਦੇ ਪੱਧਰ 'ਤੇ ਬੰਦ ਹੋਇਆ।
