ਦੁਨੀਆ ਦੀ ਸੱਭ ਤੋਂ ਵੱਡੀ ਆਨਲਾਈਨ ਖੁਦਰਾ ਕਾਰੋਬਾਰੀ ਕੰਪਨੀ ਐਮੇਜ਼ਾਨ, ਗੋਲਡਮੈਨ ਸੈਸ਼ ਅਤੇ ਸਮਾਰਾ ਕੈਪੀਟਲ ਨਾਲ ਮਿਲ ਕੇ ਭਾਰਤ 'ਚ ਆਦਿਤਯ ਬਿਰਲਾ ਰਿਟੇਲ ਲਿਮਟਿਡ..........
ਨਵੀਂ ਦਿੱਲੀ : ਦੁਨੀਆ ਦੀ ਸੱਭ ਤੋਂ ਵੱਡੀ ਆਨਲਾਈਨ ਖੁਦਰਾ ਕਾਰੋਬਾਰੀ ਕੰਪਨੀ ਐਮੇਜ਼ਾਨ, ਗੋਲਡਮੈਨ ਸੈਸ਼ ਅਤੇ ਸਮਾਰਾ ਕੈਪੀਟਲ ਨਾਲ ਮਿਲ ਕੇ ਭਾਰਤ 'ਚ ਆਦਿਤਯ ਬਿਰਲਾ ਰਿਟੇਲ ਲਿਮਟਿਡ ਦੀ ਸੁਪਰਮਾਰਕੀਟ ਚੇਨ ਨੂੰ 4500 ਤੋਂ 5000 ਕਰੋੜ ਰੁਪਏ 'ਚ ਖ਼ਰੀਦਣ ਦੀ ਤਿਆਰੀ 'ਚ ਹੈ। ਜਾਣਕਾਰੀ ਮੁਤਾਬਕ ਮੰਗਲਮ ਬਿਰਲਾ ਦੀ ਨਿੱਜੀ ਕੰਪਨੀ ਆਦਿਤਯ ਬਿਰਲਾ ਰਿਟੇਲ ਲਿਮਟਿਡ ਅਤੇ ਸਮਾਰਾ ਦਰਮਿਆਨ ਜੂਨ ਦੇ ਅੰਤ 'ਚ ਦੋਪੱਖੀ ਸੌਦੇ 'ਤੇ ਸਮਝੌਤਾ ਕੀਤਾ ਗਿਆ ਹੈ। ਅਜਿਹਾ ਹੋਣ 'ਤੇ ਭਾਰਤੀ ਰਿਟੇਲ ਬਾਜ਼ਾਰ 'ਚ ਤੇਜ਼ ਬਦਲਾਅ ਦੇਣ ਨੂੰ ਮਿਲ ਸਕਦਾ ਹੈ।
ਨਾਲ ਹੀ ਭਾਰਤ 'ਚ ਖ਼ਰੀਦਦਾਰੀ ਦੇ ਤਰੀਕੇ 'ਚ ਬਦਲਾਅ ਅਤੇ ਦੇਸੀ ਰਿਟੇਲ ਕੰਪਨੀਆਂ ਦੀ ਸਖ਼ਤ ਮੁਕਾਬਲੇਬਾਜ਼ੀ ਦੇਖਣ ਨੂੰ ਮਿਲ ਸਕਦੀ ਹੈ। ਸਮਾਰਾ ਕੈਪੀਟਲ, ਗੋਲਡਮੈਨ ਸੈਸ਼ ਅਤੇ ਐਮੇਜ਼ਾਨ ਮਿਲ ਕੇ ਇਕ ਸਾਂਝੀ ਕੰਪਨੀ ਖੜ੍ਹੀ ਕਰਨਗੇ। ਇਹ ਤਿੰਨੇ ਮਿਲ ਕੇ ਜੋ ਕੰਪਨੀ ਬਣਾਉਣਗੇ, ਉਸ 'ਚ ਐਮੇਜ਼ਾਨ ਦੀ ਹਿੱਸੇਦਾਰੀ 49 ਫ਼ੀ ਸਦੀ ਹੋਵੇਗੀ, ਜੋ ਇਕ ਰਣਨੀਤਿਕ ਹਿੱਸੇਦਾਰੀ ਦੇ ਤੌਰ 'ਤੇ ਹੋਵੇਗੀ। ਇਸ ਨਵੀਂ ਕੰਪਨੀ ਦੀ ਰੂਪਰੇਖਾ ਜਾਂ ਅਕਾਰ ਤੈਅ ਕਰਨ 'ਤੇ ਤਿੰਨਾਂ ਕੰਪਨੀਆਂ ਕੰਮ ਕਰ ਰਹੀਆਂ ਹਨ ਅਤੇ ਉਮੀਦ ਹੈ ਕਿ ਇਸ ਦਾ ਰਸਮੀ ਐਲਾਨ ਇਸ ਮਹੀਨੇ ਦੇ ਅੰਤ 'ਚ ਜਾਂ ਅਗਲੇ ਮਹੀਨੇ ਦੀ ਸ਼ੁਰੂਆਤ 'ਚ ਹੋ ਸਕਦਾ ਹੈ। (ਏਜੰਸੀ)
