ਲੌਕਡਾਊਨ ਤੋਂ ਬਾਅਦ ਵੀ BS VI ਪੈਟਰੋਲ, ਡੀਜ਼ਲ ਲਈ ਗਾਹਕਾਂ ‘ਤੇ ਬੋਝ ਨਹੀਂ ਪਵੇਗਾ।
ਨਵੀਂ ਦਿੱਲੀ: ਲੌਕਡਾਊਨ ਤੋਂ ਬਾਅਦ ਵੀ BS VI ਪੈਟਰੋਲ, ਡੀਜ਼ਲ ਲਈ ਗਾਹਕਾਂ ‘ਤੇ ਬੋਝ ਨਹੀਂ ਪਵੇਗਾ। ਸੂਤਰਾਂ ਮੁਤਾਬਕ ਪੈਟਰੋਲੀਅਮ ਮੰਤਰਾਲੇ ਨੇ ਸਰਕਾਰੀ ਤੇਲ ਕੰਪਨੀਆਂ ਨੂੰ ਕਿਹਾ ਹੈ ਕਿ ਵਧੀ ਹੋਈ ਲਾਗਤ ਨੂੰ ਤੇਲ ਕੀਮਤਾਂ ਵਿਚ ਮੌਜੂਦਾ ਗਿਰਾਵਟ ਨਾਲ ਐਡਜਸਟ ਕੀਤਾ ਜਾਵੇ ਅਤੇ ਕੁਝ ਹੀ ਹਿੱਸਾ ਗਾਹਕ ‘ਤੇ ਪਾਇਆ ਜਾਵੇ।
Photo
ਪੈਟਰੋਲੀਅਮ ਮੰਤਰਾਲੇ ਨੇ ਤੇਲ ਕੰਪਨੀਆਂ ਨੂੰ ਨਿਰਦੇਸ਼ ਜਾਰੀ ਕੀਤੇ ਹਨ ਕਿ ਉਹ BS -VI ਪੈਟਰੋਲ ਡੀਜ਼ਲ ਦੀ ਲਾਗਤ ਦਾ ਭਾਰ ਗਾਹਕਾਂ 'ਤੇ ਨਾ ਪਾਉਣ। ਪੈਟਰੋਲੀਅਮ ਮੰਤਰਾਲੇ ਨੇ ਤੇਲ ਕੰਪਨੀਆਂ ਨੂੰ ਕਰੂਡ 'ਚ ਗਿਰਾਵਟ ਕਾਰਨ ਲਾਗਤ ਨੂੰ ਐਡਜਸਟ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।
Photo
ਭਾਰਤ ਦੇ ਪੈਟਰੋਲੀਅਮ ਮੰਤਰਾਲੇ ਨੇ ਕੰਪਨੀਆਂ ਸਪੱਸ਼ਟ ਕਰ ਦਿੱਤਾ ਹੈ ਕਿ ਤੇਲ ਕੰਪਨੀਆਂ ਨੂੰ ਖਪਤਕਾਰਾਂ ਤੋਂ ਲਾਗਤ ਦਾ ਥੋੜ੍ਹਾ ਜਿਹਾ ਹੀ ਹਿੱਸਾ ਲੈਣਾ ਚਾਹੀਦਾ ਹੈ। ਦੇਸ਼ ਦੀਆਂ ਤੇਲ ਕੰਪਨੀਆਂ ਨੇ ਲੌਕਡਾਊਨ ਵਿਚ ਡਾਇਨਾਮਿਕ ਪ੍ਰੋਸੈਸਿੰਗ ਰੋਕੀ ਹੈ।
Photo
ਜਿਸ ਦੇ ਚਲਦਿਆਂ 37 ਦਿਨਾਂ ਤੋਂ ਕੋਈ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਵਿਚ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਲੌਕਡਾਊਨ ਤੋਂ ਬਾਅਦ ਕੰਪਨੀਆਂ 'ਤੇ ਮੰਗ ਵਧਾਉਣ ਦਾ ਦਬਾਅ ਹੈ। ਦੱਸ ਦਈਏ ਕਿ ਚਾਲੂ ਵਿੱਤੀ ਸਾਲ ਵਿਚ ਫਿਊਲ ਦੀ ਮੰਗ ਵਿਚ 15 ਫੀਸਦੀ ਗਿਰਾਵਟ ਦਾ ਅਨੁਮਾਨ ਹੈ।
Photo
ਤੇਲ ਦੀਆਂ ਕੀਮਤਾਂ ਦੋ ਮੁੱਖ ਚੀਜ਼ਾਂ 'ਤੇ ਨਿਰਭਰ ਕਰਦੀਆਂ ਹਨ। ਇਕ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੱਚੇ ਤੇਲ ਦੀ ਕੀਮਤ ਅਤੇ ਦੂਜਾ ਸਰਕਾਰੀ ਟੈਕਸ। ਕੱਚੇ ਤੇਲ ਦੀ ਦਰ 'ਤੇ ਸਰਕਾਰ ਦਾ ਕੋਈ ਕੰਟਰੋਲ ਨਹੀਂ ਹੈ, ਪਰ ਟੈਕਸ ਸਰਕਾਰ ਅਪਣੇ ਪੱਧਰ ‘ਤੇ ਘਟਾ ਜਾ ਵਧਾ ਸਕਦੀ ਹੈ।
