ਕੰਪਨੀ ਨੇ ਪਿਛਲੇ ਹਫਤੇ ਉਸ ਨੂੰ ਹਟਾਉਣ ਦਾ ਐਲਾਨ ਕਰ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿਤਾ ਸੀ
Sam Altman : ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏ.ਆਈ.) ਆਧਾਰਤ ਮੰਚ ਚੈਟ-ਜੀ.ਪੀ.ਟੀ. ਬਣਾਉਣ ਵਾਲੀ ਕੰਪਨੀ ਓਪਨ ਏ.ਆਈ. ਨੇ ਕਿਹਾ ਕਿ ਬੇਦਖਲ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀ.ਈ.ਓ.) ਸੈਮ ਆਲਟਮੈਨ ਕੰਪਨੀ ਵਿਚ ਵਾਪਸ ਆ ਰਹੇ ਹਨ। ਕੰਪਨੀ ਨੇ ਪਿਛਲੇ ਹਫਤੇ ਉਸ ਨੂੰ ਹਟਾਉਣ ਦਾ ਐਲਾਨ ਕਰ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿਤਾ ਸੀ।
ਸੈਨ ਫ੍ਰਾਂਸਿਸਕੋ ਸਥਿਤ ਕੰਪਨੀ ਨੇ ਮੰਗਲਵਾਰ ਦੇਰ ਰਾਤ ਇਕ ਬਿਆਨ ’ਚ ਕਿਹਾ, ‘‘ਅਸੀਂ ਇਕ ਨਵੇਂ ਸ਼ੁਰੂਆਤੀ ਬੋਰਡ ਰਾਹੀਂ ਸੀ.ਈ.ਓ. ਦੇ ਰੂਪ ’ਚ ਸੈਮ ਆਲਟਮੈਨ ਨੂੰ ਓਪਨ ਏ.ਆਈ. ’ਚ ਵਾਪਸ ਲਿਆਉਣ ਲਈ ਸਿਧਾਂਤ ’ਚ ਇਕ ਸਮਝੌਤੇ ’ਤੇ ਪਹੁੰਚ ਗਏ ਹਾਂ।’’
ਇਸ ਬੋਰਡ ਆਫ਼ ਡਾਇਰੈਕਟਰਜ਼ ’ਚ ਸਾਬਕਾ ਸੇਲਸਫੋਰਸ ਸਹਿ-ਸੀ.ਈ.ਓ. ਬ੍ਰੈਟ ਟੇਲਰ, ਸਾਬਕਾ ਅਮਰੀਕੀ ਵਿਦੇਸ਼ ਮੰਤਰੀ ਲੈਰੀ ਸਮਰਸ ਅਤੇ ਕੋਓਰਾ ਦੇ ਸੀ.ਈ.ਓ. ਐਡਮ ਡੀ ਐਂਜੇਲੋ ਸ਼ਾਮਲ ਹੋਣਗੇ।
ਕੰਪਨੀ ਵਲੋਂ ਪਿਛਲੇ ਸ਼ੁਕਰਵਾਰ ਨੂੰ ਜਾਰੀ ਕੀਤੇ ਗਏ ਇਕ ਬਿਆਨ ’ਚ ਕਿਹਾ ਗਿਆ ਸੀ, ‘‘ਬੋਰਡ ਨੂੰ ਹੁਣ ਓਪਨ ਏ.ਆਈ. ਦੀ ਅਗਵਾਈ ਕਰਨ ਦੀ ਆਲਟਮੈਨ ਦੀ ਯੋਗਤਾ ’ਤੇ ਭਰੋਸਾ ਨਹੀਂ ਹੈ।’’ ਓਪਨ ਏ.ਆਈ. ਦੀ ਮੁੱਖ ਤਕਨਾਲੋਜੀ ਅਧਿਕਾਰੀ ਮੀਰਾ ਮੂਰਤੀ ਨੂੰ ਤੁਰਤ ਪ੍ਰਭਾਵ ਨਾਲ ਅੰਤਰਿਮ ਸੀ.ਈ.ਓ. ਨਿਯੁਕਤ ਕੀਤਾ ਗਿਆ ਸੀ।
(For more news apart from Sam Altman, stay tuned to Rozana Spokesman)
