ਹੋਟਲ ਲੀਲਾ ਵੈਂਚਰ ਲਿਮਟਿਡ ਨੇ 18 ਅਪ੍ਰੈਲ ਨੂੰ ਅਪਣੇ ਚਾਰ ਹੋਟਲਾਂ ਅਤੇ ਇਕ ਹੋਰ ਸੰਪਤੀ ਨੂੰ ਬਰੁਕਫ਼ੀਲਡ ਨੂੰ 3,950 ਕਰੋੜ ਰੁਪਏ 'ਚ ਵੇਚਣ ਦੀ ਘੋਸ਼ਣਾ ਕੀਤੀ ਸੀ
ਨਵੀਂ ਦਿੱਲੀ : ਬਾਜ਼ਾਰ ਰੈਗੂਲੇਟਰ ਸੇਬੀ ਨੇ ਵਿੱਤੀ ਸੰਕਟ ਨਾਲ ਜੂਝ ਰਹੇ ਹੋਟਲ ਲੀਲਾ ਵੈਂਚਰ ਨੂੰ ਅਪਣੇ ਚਾਰ ਹੋਟਲ ਅਤੇ ਹੋਰ ਸੰਪਤੀਆਂ ਨੂੰ ਕੈਨੇਡਾ ਦੇ ਇੰਵੈਸਟਮੈਂਟ ਫ਼ੰਡ ਬਰੁਕਫ਼ੀਲਡ ਐਸੇਟ ਮੈਨੇਜ਼ਮੈਂਟ ਨੂੰ ਵੇਚਣ ਤੋਂ ਰੋਕ ਦਿਤਾ ਹੈ। ਆਈ.ਟੀ.ਸੀ. ਦੇ ਵਿਰੋਧ ਦੀ ਵਜ੍ਹਾ ਨਾਲ ਅਜਿਹਾ ਕੀਤਾ ਗਿਆ ਹੈ। ਹੋਟਲ ਲੀਲਾ ਨੇ ਬੁਧਵਾਰ ਨੂੰ ਇਹ ਜਾਣਕਾਰੀ ਦਿਤੀ।
SEBI
ਹੋਟਲ ਲੀਲਾ ਵੈਂਚਰ ਲਿਮਟਿਡ (ਐੱਚ.ਐੱਲ.ਵੀ.ਐੱਲ.) ਨੇ 18 ਅਪ੍ਰੈਲ ਨੂੰ ਬੰਗਲੁਰੂ, ਚੇਨਈ, ਦਿੱਲੀ ਅਤੇ ਉਦੇਪੁਰ 'ਚ ਸਥਿਤ ਅਪਣੇ ਚਾਰ ਹੋਟਲਾਂ ਅਤੇ ਇਕ ਹੋਰ ਸੰਪਤੀ ਨੂੰ ਬਰੁਕਫ਼ੀਲਡ ਨੂੰ 3,950 ਕਰੋੜ ਰੁਪਏ 'ਚ ਵੇਚਣ ਦੀ ਘੋਸ਼ਣਾ ਕੀਤੀ ਸੀ। ਇਸ ਲਈ ਉਸ ਨੇ ਸ਼ੇਅਰਧਾਰਕਾਂ ਦੀ ਮਨਜ਼ੂਰੀ ਮੰਗੀ ਹੈ। ਭਾਰਤੀ ਪ੍ਰਤੀ ਭੂਤੀ ਅਤੇ ਰੈਗੂਲੇਟਰ ਬੋਰਡ (ਸੇਬੀ) ਨੇ ਹੋਟਲ ਲੀਲਾ ਨੂੰ ਲਿਖੇ ਪੱਤਰ 'ਚ ਕਿਹਾ ਕਿ ਉਸ ਨੂੰ ਫ਼ੁਟਕਲ ਕਾਰੋਬਾਰ ਕਰਨ ਵਾਲੇ ਆਈ.ਟੀ.ਸੀ. ਗਰੁੱਪ ਅਤੇ ਘੱਟ ਗਿਣਤੀ ਸ਼ੇਅਰਧਾਰਕ ਜੀਵਨ ਬੀਮਾ ਰੇਗੂਲੇਟਰ (ਐੱਨ.ਸੀ.ਐੱਲ.ਟੀ.) ਦਾ ਵੀ ਰੁਖ ਕੀਤਾ ਹੈ।
Leelaventure
ਗਰੁੱਪ ਨੇ ਹੋਟਲ ਲੀਲਾ ਵੈਂਚਰ 'ਤੇ ਉਤਪੀੜਣ ਅਤੇ ਕੁਪ੍ਰਬੰਧਨ ਦਾ ਦੋਸ਼ ਲਗਾਇਆ ਹੈ। ਹੋਟਲ ਲੀਲਾ ਵੈਂਚਰ ਨੇ ਸ਼ੇਅਰ ਬਾਜ਼ਾਰ ਨੂੰ ਦਿਤੀ ਸੂਚਨਾ 'ਚ ਕਿਹਾ ਕਿ ਇਸ ਮਾਮਲੇ 'ਚ ਸੇਬੀ ਨੂੰ ਹੋਟਲ ਲੀਲਾ ਵੈਂਚਰ ਵਿਰੁਧ ਵਿਰੋਧ-ਪੱਤਰ/ਦੋਸ਼ ਮਿਲੇ ਹਨ। ਸੇਬੀ ਨੇ ਪ੍ਰਤੀ ਭੂਤੀ ਬਾਜ਼ਾਰ 'ਚ ਨਿਵੇਸ਼ਕਾਂ ਦੇ ਹਿੱਤਾਂ ਨੂੰ ਲੈ ਕੇ ਚਿੰਤਾ ਜਤਾਈ ਹੈ, ਸੇਬੀ ਇਤਰਾਜ਼ ਦੀ ਜਾਂਚ ਕਰ ਰਹੀ ਹੈ। ਸੇਬੀ ਨੇ ਅਗਲੇ ਨਿਰਦੇਸ਼ ਤਕ ਹੋਟਲ ਲੀਲਾ ਵੈਂਚਰ ਨੂੰ ਪ੍ਰਸਤਾਵਤ ਲੈਣ-ਦੇਣ 'ਤੇ ਅੱਗੇ ਵਧਣ ਤੋਂ ਰੋਕਿਆ ਹੈ।
