ਡਿਜੀਟਲ ਬਾਜ਼ਾਰਾਂ ’ਤੇ ਕਬਜ਼ਾ ਰੋਕਣ ਲਈ ਨਵੇਂ ਯੂਰਪੀਅਨ ਕਾਨੂੰਨ ਤਹਿਤ ਐਪਲ, ਗੂਗਲ, ਮੈਟਾ ਵਿਰੁਧ ਜਾਂਚ ਸ਼ੁਰੂ
Published : Mar 25, 2024, 8:14 pm IST
Updated : Mar 25, 2024, 8:14 pm IST
SHARE ARTICLE
Representative Image.
Representative Image.

ਰੈਗੂਲੇਟਰ ਜਾਂਚ ਕਰ ਰਿਹਾ ਹੈ ਕਿ ਕੀ ਗੂਗਲ ਅਤੇ ਐਪਲ DMA ਦੇ ਨਿਯਮਾਂ ਦੀ ਪੂਰੀ ਤਰ੍ਹਾਂ ਪਾਲਣਾ ਕਰ ਰਹੇ ਹਨ

ਲੰਡਨ: ਯੂਰਪੀਅਨ ਯੂਨੀਅਨ ਦੇ ਰੈਗੂਲੇਟਰਾਂ ਨੇ ਸੋਮਵਾਰ ਨੂੰ ਐਪਲ, ਗੂਗਲ ਅਤੇ ਮੈਟਾ ਦੀ ਜਾਂਚ ਸ਼ੁਰੂ ਕੀਤੀ, ਜੋ ਵੱਡੀਆਂ ਤਕਨਾਲੋਜੀ ਕੰਪਨੀਆਂ ਨੂੰ ਡਿਜੀਟਲ ਬਾਜ਼ਾਰਾਂ ’ਤੇ ਕਬਜ਼ਾ ਕਰਨ ਤੋਂ ਰੋਕਣ ਲਈ ਤਿਆਰ ਕੀਤੇ ਗਏ ਨਵੇਂ ਕਾਨੂੰਨ ਦੇ ਤਹਿਤ ਪਹਿਲਾ ਮਾਮਲਾ ਹੈ। 

ਯੂਰਪੀਅਨ ਕਮਿਸ਼ਨ, ਜੋ 27 ਦੇਸ਼ਾਂ ਦੇ ਸਮੂਹ ਦੀ ਕਾਰਜਕਾਰੀ ਬ੍ਰਾਂਚ ਵਜੋਂ ਕੰਮ ਕਰਦਾ ਹੈ, ਨੇ ਕਿਹਾ ਕਿ ਉਹ ਡਿਜੀਟਲ ਮਾਰਕੀਟ ਐਕਟ (DMA) ਦੀ ‘ਪਾਲਣਾ ਨਾ ਕਰਨ’ ਲਈ ਕੰਪਨੀਆਂ ਦੀ ਜਾਂਚ ਕਰ ਰਿਹਾ ਹੈ। ਡਿਜੀਟਲ ਮਾਰਕੀਟ ਐਕਟ ਇਸ ਮਹੀਨੇ ਦੀ ਸ਼ੁਰੂਆਤ ’ਚ ਪੂਰੀ ਤਰ੍ਹਾਂ ਲਾਗੂ ਹੋਇਆ ਸੀ। ਇਹ ਇਕ ਵਿਆਪਕ ਨਿਯਮ ਕਿਤਾਬ ਹੈ ਜੋ ‘ਮੁੱਖ ਪਲੇਟਫਾਰਮ ਸੇਵਾਵਾਂ’ ਪ੍ਰਦਾਨ ਕਰਨ ਵਾਲੀਆਂ ਵੱਡੀਆਂ ਤਕਨਾਲੋਜੀ ਕੰਪਨੀਆਂ ਨੂੰ ਨਿਸ਼ਾਨਾ ਬਣਾਉਂਦੀ ਹੈ। 

ਯੂਰਪੀਅਨ ਕਮਿਸ਼ਨ ਦੇ ਉਪ ਪ੍ਰਧਾਨ ਮਾਰਗ੍ਰੇਥ ਵੇਸਟੇਗਰ ਨੇ ਬ੍ਰਸੇਲਜ਼ ਵਿਚ ਇਕ ਪ੍ਰੈਸ ਕਾਨਫਰੰਸ ਵਿਚ ਕਿਹਾ ਕਿ ਕਮਿਸ਼ਨ ਨੂੰ ਸ਼ਿਕਾਇਤਾਂ ਮਿਲੀਆਂ ਹਨ ਕਿ ਤਕਨਾਲੋਜੀ ਕੰਪਨੀਆਂ ਵਲੋਂ ਕਾਨੂੰਨ ਦੀ ਪਾਲਣਾ ਉਪਾਵਾਂ ਦੀ ਗਿਣਤੀ ਘੱਟ ਗਈ ਹੈ। ਉਨ੍ਹਾਂ ਕਿਹਾ, ‘‘ਅੱਜ ਅਸੀਂ ਇਨ੍ਹਾਂ ’ਚੋਂ ਕਈ ਸ਼ੱਕੀ ਗੈਰ-ਪਾਲਣਾ ਮੁੱਦਿਆਂ ਦੀ ਜਾਂਚ ਕਰਨ ਦਾ ਫੈਸਲਾ ਕੀਤਾ ਹੈ। ਅਤੇ, ਜਿਵੇਂ ਹੀ ਸਾਨੂੰ ਹੋਰ ਸਮੱਸਿਆਵਾਂ ਦਾ ਪਤਾ ਲੱਗੇਗਾ, ਅਸੀਂ ਉਨ੍ਹਾਂ ਨਾਲ ਵੀ ਨਜਿੱਠਾਂਗੇ।’’

ਵੇਸਟੇਗਰ ਨੇ ਕਿਹਾ ਕਿ ਕੰਪਨੀਆਂ ਨੂੰ ਕੁੱਝ ਦਸਤਾਵੇਜ਼ ਮੰਗੇ ਗਏ ਸਨ ਜੋ ਕਮਿਸ਼ਨ ਮੌਜੂਦਾ ਅਤੇ ਭਵਿੱਖ ਦੀ ਜਾਂਚ ਕਰ ਸਕਦਾ ਹੈ। ਰੈਗੂਲੇਟਰ ਜਾਂਚ ਕਰ ਰਿਹਾ ਹੈ ਕਿ ਕੀ ਗੂਗਲ ਅਤੇ ਐਪਲ DMA ਦੇ ਨਿਯਮਾਂ ਦੀ ਪੂਰੀ ਤਰ੍ਹਾਂ ਪਾਲਣਾ ਕਰ ਰਹੇ ਹਨ। 

ਕਮਿਸ਼ਨ ਨੇ ਕਿਹਾ ਕਿ ਇਹ ਚਿੰਤਾਜਨਕ ਹੈ ਕਿ ਦੋਵੇਂ ਕੰਪਨੀਆਂ ਵੱਖ-ਵੱਖ ਪਾਬੰਦੀਆਂ ਅਤੇ ਸੀਮਾਵਾਂ ਲਗਾ ਰਹੀਆਂ ਹਨ, ਜਿਸ ਵਿਚ ਰਿਕਰਿੰਗ ਫੀਸ ਵੀ ਸ਼ਾਮਲ ਹੈ, ਜੋ ਐਪਸ ਨੂੰ ਪੇਸ਼ਕਸ਼ ਦਾ ਸੁਤੰਤਰ ਪ੍ਰਚਾਰ ਕਰਨ ਤੋਂ ਰੋਕਦੀਆਂ ਹਨ। ਗੂਗਲ ਨੇ ਕਿਹਾ ਕਿ ਉਸ ਨੇ DMA ਦੀ ਪਾਲਣਾ ਕਰਨ ਲਈ ਯੂਰਪ ’ਚ ਅਪਣੀਆਂ ਸੇਵਾਵਾਂ ਦੇ ਕੰਮ ਕਰਨ ਦੇ ਤਰੀਕੇ ’ਚ ‘ਮਹੱਤਵਪੂਰਣ ਤਬਦੀਲੀਆਂ’ ਕੀਤੀਆਂ ਹਨ। 

ਕਮਿਸ਼ਨ ਇਹ ਵੀ ਜਾਂਚ ਕਰ ਰਿਹਾ ਹੈ ਕਿ ਕੀ ਐਪਲ ਆਈਫੋਨ ਉਪਭੋਗਤਾਵਾਂ ਨੂੰ ਆਸਾਨੀ ਨਾਲ ਵੈੱਬ ਬ੍ਰਾਊਜ਼ਰ ਬਦਲਣ ਦੀ ਇਜਾਜ਼ਤ ਦੇਣ ਲਈ ਲੋੜੀਂਦੇ ਕਦਮ ਚੁੱਕ ਕਰ ਰਿਹਾ ਹੈ। ਐਪਲ ਨੇ ਕਿਹਾ ਕਿ ਉਸ ਨੂੰ ਭਰੋਸਾ ਹੈ ਕਿ ਉਸ ਦੀ ਯੋਜਨਾ DMA ਦੀ ਪਾਲਣਾ ਕਰਦੀ ਹੈ ਅਤੇ ਉਹ ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਯੂਰਪੀਅਨ ਕਮਿਸ਼ਨ ਨਾਲ ਰਚਨਾਤਮਕ ਸਹਿਯੋਗ ਕਰਨਾ ਜਾਰੀ ਰੱਖੇਗੀ।

ਕਮਿਸ਼ਨ ਫੇਸਬੁੱਕ ਜਾਂ ਇੰਸਟਾਗ੍ਰਾਮ ਦੇ ਵਿਗਿਆਪਨ-ਮੁਕਤ ਸੰਸਕਰਣਾਂ ਲਈ ਮਹੀਨਾਵਾਰ ਫੀਸ ਅਦਾ ਕਰਨ ਵਾਲੇ ਯੂਰਪੀਅਨ ਉਪਭੋਗਤਾਵਾਂ ਲਈ ਮੈਟਾ ਦੇ ਬਦਲ ਦੀ ਵੀ ਪੜਚੋਲ ਕਰ ਰਿਹਾ ਹੈ। ਮੇਟਾ ਨੇ ਕਿਹਾ ਕਿ ਉਹ ਕਮਿਸ਼ਨ ਨਾਲ ਰਚਨਾਤਮਕ ਸਹਿਯੋਗ ਕਰਨਾ ਜਾਰੀ ਰੱਖੇਗਾ। ਕਮਿਸ਼ਨ ਨੇ ਕਿਹਾ ਕਿ ਉਸ ਦਾ ਟੀਚਾ 12 ਮਹੀਨਿਆਂ ਦੇ ਅੰਦਰ ਅਪਣੀ ਜਾਂਚ ਪੂਰੀ ਕਰਨਾ ਹੈ।

Tags: google, apple, meta

SHARE ARTICLE

ਏਜੰਸੀ

Advertisement

'ਕਾਗ਼ਜ਼ੀ ਮੁੱਖ ਮੰਤਰੀ ਬਣਾਉਣ ਦੀ ਸ਼ੁਰੂਆਤ ਭਾਜਪਾ ਨੇ ਹੀ ਕੀਤੀ ਸੀ'

25 May 2024 2:17 PM

'ਕਾਗ਼ਜ਼ੀ ਮੁੱਖ ਮੰਤਰੀ ਬਣਾਉਣ ਦੀ ਸ਼ੁਰੂਆਤ ਭਾਜਪਾ ਨੇ ਹੀ ਕੀਤੀ ਸੀ'

25 May 2024 2:15 PM

TODAY BARNALA NEWS : ਤਾਪਮਾਨ 45 ਡਿਗਰੀ ਤੋਂ ਪਾਰ ! ਕੋਈ ਪੀ ਰਿਹਾ ਗੰਨੇ ਦਾ ਜੂਸ ਤੇ ਕੋਈ ਪੀ ਰਿਹਾ ਨਿੰਬੂ ਪਾਣੀ

25 May 2024 9:58 AM

Punjab Weather Update : ਲਓ ਜੀ ਆ ਗਿਆ ਤੇਜ਼ ਮੀਂਹ, ਪੰਜਾਬ 'ਚ ਲੋਕਾਂ ਨੂੰ ਮਿਲੀ ਗਰਮੀ ਤੋਂ ਰਾਹਤ, ਦੇਖੋ LIVE

25 May 2024 8:57 AM

ਕਾਕਾ ਬਰਾੜ ਨੂੰ ਕਮਜ਼ੋਰ ਦੱਸਣ ਵਾਲਿਆਂ ਨੂੰ Goldy Kamboj ਦਾ ਜਵਾਬ"ਇੱਕ ਆਮ ਇਨਸਾਨ ਇਨ੍ਹਾਂ ਨੂੰ ਸਹਿਣ ਨਹੀਂ ਹੋ ਰਿਹਾ"

24 May 2024 4:29 PM
Advertisement