ਨਵੀਂ ਦਿੱਲੀ, 11 ਨਵੰਬਰ: ਰੋਜ਼ਮਰਾ ਵਰਤੋਂ 'ਚ ਆਉੁਣ ਵਾਲਾ ਸਮਾਨ ਬਣਾਉਣ ਵਾਲੀ ਦਿੱਗਜ ਕੰਪਨੀ ਬ੍ਰਿਟਾਨੀਆ ਇੰਡਸਟ੍ਰੀਜ਼ ਦਾ ਚਾਲੂ ਵਿੱਤੀ ਸਾਲ ਦੀ ਸਤੰਬਰ 'ਚ ਖ਼ਤਮ ਹੋਈ ਦੂਜੀ ਤਿਮਾਹੀ 'ਚ ਸ਼ੁਧ ਲਾਭ 11.52 ਫ਼ੀ ਸਦੀ ਵਧ ਕੇ 261.03 ਕਰੋੜ ਰੁਪਏ ਹੋ ਗਿਆ।
ਪਿਛਲੇ ਸਾਲ ਇਸੇ ਤਿਮਾਹੀ 'ਚ ਕੰਪਨੀ ਨੇ 234.05 ਕਰੋੜ ਰੁਪਏ ਦਾ ਸ਼ੁਧ ਲਾਭ ਪ੍ਰਾਪਤ ਕੀਤਾ ਸੀ। ਬੰਬਈ ਸ਼ੇਅਰ ਬਾਜ਼ਾਰ ਨੂੰ ਦਿਤੀ ਜਾਣਕਾਰੀ 'ਚ ਬ੍ਰਿਟਾਨੀਆ ਨੇ ਕਿਹਾ ਕਿ ਜੁਲਾਈ ਤੋਂ ਸਤੰਬਰ 2017 ਕੰਪਨੀ ਦੀ ਦੂਜੀ ਤਿਮਾਹੀ 'ਚ ਉਸ ਦੀ ਆਮਦਨ 3.95 ਫ਼ੀ ਸਦੀ ਵਧ ਕੇ 2,596.11 ਕਰੋੜ ਰੁਪਏ ਹੋ ਗਈ। ਪਿਛਲੇ ਸਾਲ ਇਸੇ ਤਿਮਾਹੀ 'ਚ ਉਸ ਦੀ ਇਹ ਆਮਦਨ 2,497.27 ਕਰੋੜ ਰੁਪਏ ਰਹੀ ਸੀ। (ਭਾਸ਼ਾ)
