ਨਵੀਂ ਦਿੱਲੀ, 29 ਜਨਵਰੀ : ਘਰੇਲੂ ਗਹਿਣਾ ਮੰਗ 'ਚ ਸੁਧਾਰ ਦੇ ਬਾਵਜੂਦ ਦੁਨੀਆ ਦੀਆਂ ਹੋਰ ਮੁੱਖ ਮੁਦਰਾਵਾਂ ਦੀ ਤੁਲਨਾ 'ਚ ਡਾਲਰ ਦੇ ਮਜ਼ਬੂਤ ਹੋਣ ਨਾਲ ਦਿੱਲੀ ਸਰਾਫ਼ਾ ਬਾਜ਼ਾਰ 'ਚ ਅੱਜ ਸੋਨਾ 80 ਰੁਪਏ ਫਿਸਲ ਕੇ 31,120 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਆ ਗਿਆ ਹੈ। ਚਾਂਦੀ ਵੀ 250 ਰੁਪਏ ਫਿਸਲ ਕੇ 40,450 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਹਿ ਗਈ।
ਸੰਸਾਰਿਕ ਪੱਧਰ 'ਤੇ ਲੰਡਨ ਦਾ ਸੋਨਾ ਹਾਜ਼ਰ 3.20 ਡਾਲਰ ਫਿਸਲ ਕੇ 1,346.00 ਡਾਲਰ ਪ੍ਰਤੀ 10 ਗ੍ਰਾਮ 'ਤੇ ਰਿਹਾ। ਫ਼ਰਵਰੀ ਦਾ ਅਮਰੀਕੀ ਸੋਨਾ ਵਾਇਦਾ ਵੀ 7.80 ਡਾਲਰ ਡਿੱਗ ਕੇ 1,344.30 ਡਾਲਰ ਪ੍ਰਤੀ ਔਂਸ ਬੋਲਿਆ ਗਿਆ। ਚਾਂਦੀ ਹਾਜ਼ਰ 0.04 ਡਾਲਰ ਫਿੱਕੀ ਹੋ ਕੇ 17,33 ਡਾਲਰ ਪ੍ਰਤੀ ਔਂਸ 'ਤੇ ਰਹੀ। ਵਿਵਾਹਿਕ ਮੌਸਮ ਹੋਣ ਨਾਲ ਬਾਜ਼ਾਰ 'ਚ ਸੋਨੇ ਦੀ ਗਹਿਣਾ ਮੰਗ 'ਚ ਹਲਕਾ ਸੁਧਾਰ ਆਇਆ ਹੈ ਪਰ ਪਿਛਲੇ ਕਈ ਦਿਨਾਂ 'ਚ ਗਿਰਾਵਟ ਵਿਚ ਰਹਿਣ ਵਾਲੇ ਡਾਲਰ 'ਚ ਮਜ਼ਬੂਤੀ ਆਉਣ ਨਾਲ ਇਸ ਦੀ ਕੀਮਤ ਫਿਸਲ ਗਈ ਹੈ। (ਏਜੰਸੀ)
