ਨਵੀਂ ਦਿੱਲੀ, 24 ਨਵੰਬਰ: ਭਾਰਤੀ ਏਅਰਟੈੱਲ ਦੇ ਚੇਅਰਮੈਨ ਸੁਨੀਲ ਭਾਰਤੀ ਮਿੱਤਰ ਨੇ ਕੰਪਨੀ 'ਚ 3 ਫ਼ੀ ਸਦੀ ਹਿੱਸਾ ਭਾਰਤੀ ਫ਼ਾਊਂਡੇਸ਼ਨ ਨੂੰ ਦੇਣ ਦਾ ਐਲਾਨ ਕੀਤਾ ਹੈ। ਭਾਰਤੀ ਫ਼ਾਊਂਡੇਸ਼ਨ ਸਿੱਖਿਆ ਦੇ ਖੇਤਰ 'ਚ ਯੋਗਦਾਨ ਪਾਵੇਗੀ। ਫ਼ਾਊਂਡੇਸ਼ਨ ਵਿਗਿਆਨ, ਤਕਨੀਕੀ ਸਿੱਖਿਆ ਲਈ ਸੱਤਿਆ ਭਾਰਤੀ ਯੂਨੀਵਰਸਟੀ ਖੋਲ੍ਹੇਗੀ। ਨਾਲ ਹੀ ਭਾਰਤੀ ਪਰਵਾਰ ਜਾਇਦਾਦ ਦਾ 10 ਫ਼ੀ ਸਦੀ ਹਿੱਸਾ ਜਾਨੀ ਕਿ ਕਰੀਬ 7 ਹਜ਼ਾਰ ਕਰੋੜ ਰੁਪਏ ਫ਼ਾਊਂਡੇਸ਼ਨ ਨੂੰ ਦੇਵੇਗਾ।
ਸੁਨੀਲ ਮਿੱਤਲ ਨੇ ਕਿਹਾ ਕਿ ਇਸ ਪਹਿਲ 'ਚ ਫ਼ੇਸਬੁਕ, ਗੂਗਲ, ਐਪਲ ਤੇ ਮਾਈਕ੍ਰੋਸਾਫ਼ਟ ਵੀ ਜੁੜਨਗੇ। ਐਲਾਨ ਦੇ ਚਲਦਿਆਂ ਸ਼ੇਅਰ 'ਚ ਮਜਬੂਤੀ ਦਿਖੀ। ਭਾਰਤੀ ਇਟਰਪ੍ਰਾਈਜੇਜ਼ ਦੇ ਵਾਈਸ ਚੇਅਰਮੈਨ ਰਾਕੇਸ਼ ਭਾਰਤੀ ਮਿੱਤਲ ਨੇ ਕਿਹਾ ਕਿ ਸੱਤਿਆ ਭਾਰਤੀ ਯੂਨੀਵਰਸਟੀ 'ਚ ਸਾਇੰਸ ਐਂਡ ਟੈਕਨਾਲੌਜੀ 'ਤੇ ਖ਼ਾਸ ਧਿਆਨ ਰੱਖਿਆ ਜਾਵੇਗਾ। ਯੂਨੀਵਰਸਟੀ 'ਚ ਆਰਥਕ ਤੌਰ 'ਤੇ ਕਮਜ਼ੋਰ ਵਿਦਿਆਰਥੀਆਂ ਲਈ ਮੁਫ਼ਤ ਸਿੱਖਿਆ ਅਤੇ ਸਹੂਲਤਾਂ ਮੁਹਈਆ ਕਰਵਾਈਆਂ ਜਾਣਗੀਆਂ। (ਏਜੰਸੀ)
