ਸੱਭ ਤੋਂ ਵੱਧ ਜਾਇਦਾਦ ਸਾਬਕਾ ਮੁੱਖ ਮੰਤਰੀ ਬੰਸੀ ਲਾਲ ਦੀ ਪੋਤੀ ਸ਼ਰੂਤੀ ਚੌਧਰੀ ਦੀ ਹੈ
ਚੰਡੀਗੜ੍ਹ : ਸਰਕਾਰ ਮੁਤਾਬਕ ਹਰਿਆਣਾ ਦੇ ਸਾਰੇ ਨਵੇਂ ਨਿਯੁਕਤ ਮੰਤਰੀ ਕਰੋੜਪਤੀ ਹਨ, ਜਿਨ੍ਹਾਂ ਦੀ ਔਸਤ ਜਾਇਦਾਦ 30.80 ਕਰੋੜ ਰੁਪਏ ਹੈ। ਐਸੋਸੀਏਸ਼ਨ ਡੈਮੋਕ੍ਰੇਟਿਕ ਰਿਫਾਰਮਸ (ਏ.ਡੀ.ਆਰ.) ਨੇ ਅਪਣੀ ਰੀਪੋਰਟ ’ਚ ਇਹ ਜਾਣਕਾਰੀ ਦਿਤੀ ਹੈ। ਏ.ਡੀ.ਆਰ. ਨੇ ਇਹ ਵੀ ਕਿਹਾ ਕਿ ਕਿਸੇ ਵੀ ਮੰਤਰੀ ਨੇ ਅਪਣੇ ਵਿਰੁਧ ਅਪਰਾਧਕ ਮਾਮਲਿਆਂ ਦਾ ਐਲਾਨ ਨਹੀਂ ਕੀਤਾ ਹੈ। ਏ.ਡੀ.ਆਰ. ਅਤੇ ਹਰਿਆਣਾ ਇਲੈਕਸ਼ਨ ਵਾਚ ਨੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਸਮੇਤ ਸਾਰੇ 14 ਮੰਤਰੀਆਂ ਦੇ ਹਲਫਨਾਮਿਆਂ ਦਾ ਵਿਸ਼ਲੇਸ਼ਣ ਕੀਤਾ ਹੈ।
ਏ.ਡੀ.ਆਰ. ਦੀ ਰੀਪੋਰਟ ਮੁਤਾਬਕ ਕਿਸੇ ਵੀ ਮੰਤਰੀ ਨੇ ਅਪਣੇ ਵਿਰੁਧ ਕਿਸੇ ਅਪਰਾਧਕ ਮਾਮਲੇ ਦਾ ਐਲਾਨ ਨਹੀਂ ਕੀਤਾ ਹੈ। ਇਕ ਵਿਸ਼ਲੇਸ਼ਣ ਤੋਂ ਪਤਾ ਲੱਗਾ ਹੈ ਕਿ ਸਾਰੇ 14 ਮੰਤਰੀ ਕਰੋੜਪਤੀ ਹਨ, ਜਿਨ੍ਹਾਂ ਦੀ ਔਸਤ ਜਾਇਦਾਦ 30.82 ਕਰੋੜ ਰੁਪਏ ਹੈ। ਏ.ਡੀ.ਆਰ. ਨੇ ਕਿਹਾ ਕਿ ਸੱਭ ਤੋਂ ਵੱਧ ਜਾਇਦਾਦ ਸਾਬਕਾ ਮੁੱਖ ਮੰਤਰੀ ਬੰਸੀ ਲਾਲ ਦੀ ਪੋਤੀ ਸ਼ਰੂਤੀ ਚੌਧਰੀ ਦੀ ਹੈ। ਤੋਸ਼ਮ ਹਲਕੇ ਤੋਂ ਵਿਧਾਇਕ ਸ਼ਰੂਤੀ ਚੌਧਰੀ ਕੋਲ 134.56 ਕਰੋੜ ਰੁਪਏ ਦੀ ਜਾਇਦਾਦ ਹੈ।
ਸੱਭ ਤੋਂ ਘੱਟ ਜਾਇਦਾਦ ਵਾਲੇ ਮੰਤਰੀ ਸ਼ਿਆਮ ਸਿੰਘ ਰਾਣਾ ਹਨ। ਉਸ ਕੋਲ 1.16 ਕਰੋੜ ਰੁਪਏ ਦੀ ਜਾਇਦਾਦ ਹੈ। ਉਹ ਰਾਦੌਰ ਹਲਕੇ ਦਾ ਲੋਕ ਪ੍ਰਤੀਨਿਧੀ ਹੈ। ਮੁੱਖ ਮੰਤਰੀ ਸੈਣੀ ਕੋਲ 5 ਕਰੋੜ ਰੁਪਏ ਅਤੇ ਭਾਜਪਾ ਦੇ ਸੀਨੀਅਰ ਨੇਤਾ ਅਨਿਲ ਵਿਜ ਕੋਲ 1.49 ਕਰੋੜ ਰੁਪਏ ਦੀ ਜਾਇਦਾਦ ਹੈ। ਸੈਣੀ ਗ੍ਰੈਜੂਏਟ ਹੈ।
ਇਕ ਹੋਰ ਮੰਤਰੀ ਵਿਪੁਲ ਗੋਇਲ ਨੇ 100 ਕਰੋੜ ਰੁਪਏ ਤੋਂ ਵੱਧ ਦੀ ਜਾਇਦਾਦ ਦਾ ਐਲਾਨ ਕੀਤਾ ਹੈ, ਜਦਕਿ ਆਰਤੀ ਰਾਓ ਕੋਲ 68 ਕਰੋੜ ਰੁਪਏ ਦੀ ਜਾਇਦਾਦ ਹੈ। 10 ਮੰਤਰੀਆਂ ਨੇ ਕਰਜ਼ੇ ਦਾ ਐਲਾਨ ਕੀਤਾ ਹੈ। ਇਨ੍ਹਾਂ ’ਚੋਂ ਸ਼ਰੂਤੀ ਚੌਧਰੀ ’ਤੇ ਸੱਭ ਤੋਂ ਵੱਧ 13.37 ਕਰੋੜ ਰੁਪਏ ਦਾ ਕਰਜ਼ਾ ਹੈ। ਤਿੰਨ ਮੰਤਰੀਆਂ ਨੇ ਐਲਾਨ ਕੀਤਾ ਹੈ ਕਿ ਉਹ 12 ਵੀਂ ਪਾਸ ਹਨ ਜਦਕਿ 11 ਨੇ ਕਿਹਾ ਹੈ ਕਿ ਉਹ ਗ੍ਰੈਜੂਏਸ਼ਨ ਜਾਂ ਇਸ ਤੋਂ ਉੱਪਰ ਦੀ ਪੜ੍ਹਾਈ ਕਰ ਰਹੇ ਹਨ।
