ਅਪਣੇ ਦਫ਼ਤਰ ’ਚ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣੀਆਂ
ਜੀਂਦ : ਹਰਿਆਣਾ ਦੇ ਜੀਂਦ ਜ਼ਿਲ੍ਹੇ ਦੇ ਜੁਲਾਨਾ ਵਿਧਾਨ ਸਭਾ ਹਲਕੇ ਤੋਂ ਕਾਂਗਰਸ ਵਿਧਾਇਕ ਅਤੇ ਓਲੰਪੀਅਨ ਵਿਨੇਸ਼ ਫੋਗਾਟ ਨੇ ਸੋਮਵਾਰ ਨੂੰ ਦਾਅਵਾ ਕੀਤਾ ਕਿ ਉਹ ਇਲਾਕੇ ’ਚ ਹੀ ਹਨ ਅਤੇ ਜ਼ਿੰਦਾ ਹਨ, ਅਜੇ ਲਾਪਤਾ ਨਹੀਂ।
ਵਿਨੇਸ਼ ਨੇ ਕਿਹਾ, ‘‘ਮੈਂ ਜੁਲਾਨਾ ’ਚ ਹਾਂ, ਜ਼ਿੰਦਾ ਹਾਂ ਅਤੇ ਲਾਪਤਾ ਨਹੀਂ ਹਾਂ। ਮੈਂ ਅਪਣੇ ਪਿਆਰਿਆਂ ਦੇ ਵਿਚਕਾਰ ਰਿਹਾ ਹਾਂ ਅਤੇ ਮੈਂ ਅਪਣੇ ਪਿਆਰਿਆਂ ਦੇ ਵਿਚਕਾਰ ਰਹਾਂਗੀ। ਇਕ ਮਹੀਨੇ ’ਚ ਕੋਈ ਵੀ ਲਾਪਤਾ ਨਹੀਂ ਹੋ ਜਾਂਦਾ।’’
ਕਾਂਗਰਸੀ ਵਿਧਾਇਕ ਨੇ ਸ਼ੁਕਰਵਾਰ ਨੂੰ ਜੀਂਦ ਸਥਿਤ ਅਪਣੇ ਦਫ਼ਤਰ ਵਿਖੇ ਲੋਕਾਂ ਦੀਆਂ ਸਮੱਸਿਆਵਾਂ ਸੁਣੀਆਂ ਅਤੇ ਕਿਹਾ ਕਿ ਜੁਲਾਨਾ ਨੂੰ ਵਿਕਾਸ ਦੇ ਮਾਮਲੇ ’ਚ ਪਿੱਛੇ ਨਹੀਂ ਰਹਿਣ ਦਿਤਾ ਜਾਵੇਗਾ। ਪਿਛਲੇ ਹਫਤੇ ਕਾਂਗਰਸ ਵਿਧਾਇਕ ਵਿਨੇਸ਼ ਫੋਗਾਟ ਦੇ ਪੋਸਟਰ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋਏ ਸਨ। ਵਿਰੋਧੀ ਧਿਰ ਦੇ ਲੋਕ ਵੀ ਪੋਸਟਰ ’ਤੇ ਕਾਫੀ ਵਿਅੰਗ ਕਰ ਰਹੇ ਹਨ।
ਲਾਪਤਾ ਵਿਧਾਇਕ ਦਾ ਪੋਸਟਰ ਵਾਇਰਲ ਕਰਨ ਦੇ ਮੁੱਦੇ ’ਤੇ ਕਾਂਗਰਸੀ ਆਗੂ ਨੇ ਕਿਹਾ, ‘‘ਇਹ ਲੋਕਾਂ ਦੀ ਘਟੀਆ ਮਾਨਸਿਕਤਾ ਹੈ। ਉਹ ਲਾਪਤਾ ਨਹੀਂ ਹੈ ਅਤੇ ਜ਼ਿੰਦਾ ਹੈ। ਮੈਨੂੰ ਵਿਧਾਇਕ ਬਣੇ ਸਿਰਫ ਇਕ ਮਹੀਨਾ ਹੋਇਆ ਹੈ। ਅਜਿਹੇ ’ਚ ਉਹ ਲਗਾਤਾਰ ਲੋਕਾਂ ਦੇ ਵਿਚਕਾਰ ਜਾ ਰਹੀ ਹੈ।’’
