ਵਾਸ਼ਿੰਗਟਨ: ਇਕ ਰਿਸਰਚ 'ਚ ਪਤਾ ਚੱਲਿਆ ਹੈ ਕਿ 2005 ਤੋਂ 2015 ਦਰਮਿਆਨ ਪ੍ਰਵਾਸੀ ਭਾਰਤੀਆਂ ਨੇ ਅਮਰੀਕੀ ਨਾਗਰਿਕਤਾ ਹਾਸਲ ਕਰਨ ਵਿਚ ਜ਼ਿਆਦਾ ਦਿਲਚਸਪੀ ਦਿਖਾਈ। ਪੇਵ ਰਿਸਰਚ ਸੈਂਟਰ ਨੇ ਦੱਸਿਆ ਕਿ 2015 ਤੱਕ ਘੱਟ ਤੋਂ ਘੱਟ 80 ਫੀਸਦੀ ਪ੍ਰਵਾਸੀ ਭਾਰਤੀਆਂ ਨੇ ਅਮਰੀਕੀ ਨਾਗਰਿਕਤਾ ਹਾਸਲ ਕਰਨ ਵਿਚ ਦਿਲਚਸਪੀ ਦਿਖਾਈ। ਉਥੇ ਹੀ 2005 ਵਿਚ ਇਹ ਅੰਕੜਾ 69 ਫੀਸਦੀ ਸੀ। 10 ਸਾਲਾਂ ਵਿਚ ਇਸ ਵਿਚ 12 ਫੀਸਦੀ ਦਾ ਇਜ਼ਾਫਾ ਹੋਇਆ ਹੈ।
ਭਾਰਤ ਨਾਲ ਹੀ ਇਕਵਾਡੋਰ ਦੇ ਲੋਕਾਂ ਨੇ ਵੀ ਅਮਰੀਕੀ ਨਾਗਰਿਕ ਬਣਨ ਵਿਚ ਦਿਲਚਸਪੀ ਦਿਖਾਈ ਹੈ। ਇਕਵਾਡੋਰ ਵਿਚ ਵੀ ਇਸ ਮਿਆਦ ਵਿਚ ਅਮਰੀਕੀ ਨਾਗਰਿਕਤਾ ਹਾਸਲ ਕਰਨ ਵਾਲਿਆਂ ਦੀ ਗਿਣਤੀ ਵਿਚ 12 ਫੀਸਦੀ ਦਾ ਵਾਧਾ ਹੋਇਆ ਹੈ। ਪੇਵ ਨੇ ਕਿਹਾ, 'ਸਾਲ 2005 ਤੋਂ 2015 ਤੱਕ ਭਾਰਤ ਤੋਂ ਅਮਰੀਕਾ ਦੀ ਨਾਗਰਿਕਤਾ ਲੈਣ ਦੇ ਯੋਗ ਪ੍ਰਵਾਸੀਆਂ ਦੀ ਗਿਣਤੀ 12 ਫੀਸਦੀ ਦੇ ਵਾਧੇ ਨਾਲ 80 ਫੀਸਦੀ ਰਹੀ ਹੈ।'
ਅਮਰੀਕੀ ਨਾਗਰਿਕਤਾ ਹਾਸਲ ਕਰਨ ਲਈ ਪ੍ਰਵਾਸੀ ਨੂੰ ਘੱਟ ਤੋਂ ਘੱਟ 18 ਸਾਲ ਦਾ ਹੋਣਾ ਚਾਹੀਦਾ ਹੈ, ਕਾਨੂੰਨੀ ਸਥਾਈ ਨਿਵਾਸੀ ਦੇ ਤੌਰ 'ਤੇ ਉਹ ਦੇਸ਼ ਵਿਚ ਘੱਟ ਤੋਂ ਘੱਟ 5 ਸਾਲ ਰਹਿ ਚੁੱਕਾ ਹੋਵੇ ਅਤੇ ਅਮਰੀਕੀ ਨਾਗਰਿਕ ਨਾਲ ਉਸ ਦੇ ਵਿਆਹ ਨੂੰ 3 ਸਾਲ ਬੀਤੇ ਚੁੱਕੇ ਹੋਣ।