ਅਮਰੀਕਾ ਦੇ 45ਵੇਂ ਰਾਸ਼ਟਰਪਤੀ ਡੋਨਾਲਡ ਟਰੰਪ 9ਵੀਂ ਵਾਰੀ ਦਾਦਾ ਬਣੇ ਹਨ। ਰਾਸ਼ਟਰਪਤੀ ਡੋਨਾਲਡ ਸੰਗਠਨ ਨੇ ਟਵੀਟ ਕਰ ਕੇ ਘਰ ਆਏ ਨਵੇਂ ਮਹਿਮਾਨ ਬਾਰੇ ਦੱਸਿਆ। ਟਰੰਪ ਨੇ ਟਵੀਟ ਕਰ ਆਪਣੇ ਬੇਟੇ ਏਰਿਕ ਅਤੇ ਨੂੰਹ ਲਾਰਾ ਨੂੰ ਵਧਾਈ ਦਿੱਤੀ। ਏਰਿਕ, ਡੋਨਾਲਡ ਟਰੰਪ ਅਤੇ ਇਵਾਨਾ ਟਰੰਪ ਦੇ ਬੇਟੇ ਹਨ।
ਡੋਨਾਲਡ ਟਰੰਪ ਦੇ ਬੇਟੇ ਏਰਿਕ ਟਰੰਪ ਅਤੇ ਡਾਨ ਜੂਨੀਅਰ ਨੇ ਅਮਰੀਕੀ ਰਾਸ਼ਟਰਪਤੀ ਚੋਣ ਵਿਚ ਆਪਣੇ ਪਿਤਾ ਲਈ ਪ੍ਰਚਾਰ ਕੀਤਾ ਸੀ। ਏਰਿਕ ਅਤੇ ਡਾਨ ਦੋਵੇਂ ਨਿਊਯਾਰਕ ਵਿਚ ਆਪਣੇ ਪਰਿਵਾਰ ਦਾ ਬਿਜ਼ਨਸ ਸੰਭਾਲਦੇ ਹਨ। ਏਰਿਕ ਦੀ ਪਤਨੀ ਲਾਰਾ ਟਰੰਪ ਨੇ ਵੀ ਰਾਸ਼ਟਰਪਤੀ ਚੋਣ ਵਿੱਚ ਡੋਨਾਲਡ ਟਰੰਪ ਲਈ ਕੈਂਪੇਨ ਵਿੱਚ ਹਿੱਸਾ ਲਿਆ ਸੀ।
ਏਰਿਕ ਟਰੰਪ , ਡੋਨਾਲਡ ਟਰੰਪ ਅਤੇ ਇਵਾਨਾ ਟਰੰਪ ਦੇ ਦੂਜੇ ਬੇਟੇ ਹਨ। ਟਰੰਪ ਪਰਿਵਾਰ ਸ਼ੁਰੂ ਤੋਂ ਬਿਜਨਸ ਵਿੱਚ ਰਿਹਾ ਹੈ। ਏਰਿਕ ਟਰੰਪ ਦੇ ਦਾਦੇ ਫਰੇਡ ਟਰੰਪ ਅਤੇ ਉਨ੍ਹਾਂ ਦੀ ਦਾਦੀ ਐਲੀਜਾਬੇਥ ਟਰੰਪ ਨੇ ਬਿਜਨਸ ਸ਼ੁਰੂ ਕੀਤਾ। ਇਵਾਨਾ ਟਰੰਪ ਅਮਰੀਕਾ ਦੇ ਮੌਜੂਦਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਪਹਿਲੀ ਪਤਨੀ ਹਨ।
ਰਾਸ਼ਟਰਪਤੀ ਟਰੰਪ ਨੇ ਇਵਾਨਾ ਨਾਲ ਸਾਲ 1977 ਵਿੱਚ ਵਿਆਹ ਰਚਾਇਆ ਸੀ। ਪਰ ਇਸ ਕਪਲ ਨੇ ਹੋਟਲ ਅਤੇ ਰਿਅਲ ਅਸਟੇਟ ਇੰਡਸਟਰੀ ਵਿੱਚ ਨਵੇਂ ਆਯਾਮ ਹਾਸਿਲ ਕੀਤੇ। ਇਵਾਨਾ ਟਰੰਪ ਨੇ ਇੱਕ ਫ਼ੈਸ਼ਨ ਮਾਡਲ ਦੇ ਤੌਰ ਤੇ ਵੀ ਨਾਮ ਕਮਾਇਆ ਹੈ।
