ਰੋਮ : ਇਟਲੀ ਦੇ ਮਸ਼ਹੂਰ ਫੁੱਟਬਾਲਰ ਡੇਵਿਡ ਐਸਟਰੋਈ ਦੀ ਰਹੱਸਮਈ ਪ੍ਰਸਥਿਤੀਆਂ 'ਚ ਮੌਤ ਹੋ ਗਈ। ਉਨ੍ਹਾਂ ਦੀ ਮ੍ਰਿਤਕ ਦੇਹ ਸ਼ਨੀਵਾਰ-ਐਤਵਾਰ ਦੀ ਰਾਤ ਉਨ੍ਹਾਂ ਦੇ ਹੋਟਲ ਦੇ ਕਮਰੇ 'ਚ ਮਿਲੀ। ਇਹ ਜਾਣਕਾਰੀ ਫਿਓਰੋਟੀਨਾ ਵਲੋਂ ਦਿੱਤੀ ਗਈ। ਦੱਸ ਦਈਏ ਕਿ ਡੇਵਿਡ ਇਸੇ ਹੀ ਕਲੱਬ ਵਲੋਂ ਖੇਡਿਆ ਕਰਦੇ ਸਨ। ਜਾਣਕਾਰੀ ਮੁਤਾਬਕ ਡੇਵਿਡ ਦੀ ਮੌਤ ਦੀ ਸੂਚਨਾ ਦੇ ਬਾਅਦ ਤੋਂ ਫਿਓਰੋਟੀਨਾ ਕਲੱਬ 'ਚ ਸੋਗ ਦੀ ਲਹਿਰ ਹੈ।
ਕਲੱਬ ਵਲੋਂ ਟਵੀਟ ਕਰਕੇ ਦੱਸਿਆ ਗਿਆ ਕਿ ਡੇਵਿਡ ਦੀ ਮੌਤ ਅਚਾਨਕ ਕਿਸੀ ਬੀਮਾਰੀ ਦੇ ਚੱਲਦੇ ਹੋਈ। ਦੱਸ ਦਈਏ ਕਿ 31 ਸਾਲਾਂ ਦੇ ਡੇਵਿਡ ਦੀ 2 ਸਾਲ ਦੀ ਬੇਟੀ ਹੈ। ਡੇਵਿਡ ਐਸਟਰੋਈ ਨੂੰ ਯੂਡੀਨੀਸ ਖਿਲਾਫ ਮੈਚ ਖੇਡਣਾ ਸੀ। ਫਿਲਹਾਲ ਇਸ ਮੈਚ ਨੂੰ ਟਾਲ ਦਿੱਤਾ ਗਿਆ ਹੈ।
ਮ੍ਰਿਤਕ ਦਾਬੀਦੇ ਅਸਟੋਰੀ ਇਟਾਲੀਅਨ ਲੋਕਾਂ ਵਿਚ ਬਹੁਤ ਪੰਸਦੀਦਾ ਖਿਡਾਰੀ ਸੀ। ਸਮਝਿਆ ਜਾਂਦਾ ਹੈ ਕਿ ਇਟਲੀ ਦੇ ਉਦਨੇ ਸ਼ਹਿਰ ਦੇ ਵਸਨੀਕ ਇਸ ਖਿਡਾਰੀ ਦੀ ਬੇਵਕਤ ਮੌਤ ਨਾਲ ਹੁਣ ਚੋਣਾਂ ਵਿਚ ਵੀ ਬਹੁਤ ਸਾਰੇ ਲੋਕ ਸ਼ਾਇਦ ਆਪਣੇ ਘਰੋਂ ਘੱਟ ਹੀ ਨਿਕਲਣਗੇ।
