ਕਹਿੰਦੇ ਹਨ ਸ਼ੌਕ ਵੱਡੀ ਚੀਜ ਹੈ, ਕੁਝ ਅਜਿਹਾ ਹੀ ਸ਼ੌਕ ਕੁਝ ਲੋਕਾਂ ਨੂੰ ਪੁਰਾਣੀ ਅਤੇ ਆਕਰਸ਼ਕ ਚੀਜ਼ ਨੂੰ ਖਰੀਦਣ ਦਾ ਹੁੰਦਾ ਹੈ। ਇਸ ਸ਼ੌਕ ਦੇ ਚਲਦੇ ਹਾਂਗਕਾਂਗ ਵਿੱਚ ਇੱਕ ਨੀਲਾਮੀ ਦੇ ਦੌਰਾਨ ਇੱਕ ਕੌਲੀ ਨੂੰ 248 ਕਰੋੜ ਰੁਪਏ ਵਿੱਚ ਇੱਕ ਪੁਰਾਣੀ ਚੀਜ਼ ਦੇ ਸ਼ੌਕੀਨ ਸ਼ਖਸ ਨੇ ਖਰੀਦ ਲਿਆ ਹੈ।ਇਹ ਕਟੋਰੀ ਚੀਨੀ ਮਿੱਟੀ ਤੋਂ ਬਣੀ ਕਰੀਬ ਇੱਕ ਹਜ਼ਾਰ ਸਾਲ ਪੁਰਾਣੀ ਹੈ।
ਚੀਨ ਦੇ ਸਾਂਗ ਰਾਜਵੰਸ਼ ਦੌਰ ਦੀ ਇਹ ਕਟੋਰੀ ਦੀ ਮੰਗਲਵਾਰ ਨੂੰ ਨੀਲਾਮੀ ਲਾਈ ਸੀ।ਬੋਲੀ ਲਾਉਣ ਵਾਲੇ ਨੇ ਆਪਣੀ ਪਛਾਣ ਗੁਪਤ ਰੱਖੀ ਹੈ। ਔਕਸ਼ਨ ਹਾਊਸ ਦੇ ਸੋਥਬੇ ਨੇ ਦੱਸਿਆ ਕਿ ਇਹ ਦੁਰਲੱਭ ਚੀਨੀ ਬਰਤਣ 20 ਮਿੰਟ ਦੀ ਬੋਲੀ ਵਿੱਚ ਹੀ ਵਿਕ ਗਿਆ। ਕੁਝ ਲੋਕਾਂ ਨੇ ਫ਼ੋਨ ਉੱਤੇ ਵੀ ਬੋਲੀ ਲਾਈ।
ਇਸ ਛੋਟੇ ਜਿਹੇ ਬਰਤਣ ਦਾ ਆਕਾਰ 13 ਸੈਂਟੀਮੀਟਰ ਦਾ ਹੈ ਤੇ ਇਹ ਨੀਲੇ ਹਰੇ ਰੰਗ ਦਾ ਹੈ।ਕਟੋਰੀ ਦੀ ਅਹਿਮੀਅਤ ਦਾ ਅੰਦਾਜ਼ਾ ਇਸ ਗੱਲ ਤੋਂ ਵੀ ਲਾਇਆ ਜਾ ਸਕਦਾ ਹੈ ਕਿ ਇਸ ਦੀ ਸ਼ੁਰੂਆਤ 10.2 ਮਿਲੀਅਨ ਡਾਲਰ ਦੀ ਬੋਲੀ ਤੋਂ ਹੋਈ।
ਨੀਲਾਮੀ ਜਿੱਤਣ ਵਾਲਾ ਖ਼ਰੀਦਦਾਰ ਆਕਸ਼ਨ ਰੂਮ ਵਿੱਚ ਮੌਜੂਦ ਨਹੀਂ ਸੀ।ਉਸ ਨੇ ਫ਼ੋਨ ਉੱਤੇ ਬੋਲੀ ਲਾਈ। ਇਸ ਤੋਂ ਪਹਿਲਾ ਸਾਲ 2014 ਵਿੱਚ ਮਿੰਗ ਰਾਜਵੰਸ਼ ਦੌਰ ਦਾ ਇੱਕ ਸ਼ਰਾਬ ਦਾ ਪਿਆਲਾ 36 ਮਿਲੀਅਨ ਡਾਲਰ ਦੀ ਰਿਕਾਰਡ ਕੀਮਤ ਉੱਤੇ ਵਿਕਿਆ ਸੀ।
