ਕਾਬੁਲ: ਅਫਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਸ਼ਨੀਵਾਰ ਨੂੰ ਇਕ ਜਬਰਦਸਤ ਬੰਬ ਬਲਾਸਟ ਨਾਲ ਦਹਿਲ ਉੱਠੀ। ਜਬਰਦਸਤ ਵਿਸਫੋਟ ਵਿਚ ਘੱਟ ਤੋਂ ਘੱਟ 40 ਲੋਕਾਂ ਦੇ ਮਾਰੇ ਜਾਣ ਦੀ ਖਬਰ ਹੈ ਜਦੋਂ ਕਿ 140 ਤੋਂ ਜਿਆਦਾ ਲੋਕ ਜਖ਼ਮੀ ਹੋਏ ਹਨ ਜਿਨ੍ਹਾਂ ਵਿਚ ਕਈਆਂ ਦੀ ਹਾਲਤ ਗੰਭੀਰ ਹੈ। ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਸਕਦੀ ਹੈ। ਅਧਿਕਾਰੀਆਂ ਦੀ ਮੰਨੀਏ ਤਾਂ ਕਾਬੁਲ ਵਿਚ ਵਿਦੇਸ਼ੀ ਦੂਤਾਵਾਸ ਅਤੇ ਸਰਕਾਰੀ ਇਮਾਰਤਾਂ ਦੇ ਕੋਲ ਇਕ ਐਂਬੁਲੈਂਸ ਵਿਚ ਬੰਬ ਛੁਪਾਇਆ ਗਿਆ ਸੀ, ਉਥੋਂ ਹੀ ਇਹ ਭਿਆਨਕ ਵਿਸਫੋਟ ਹੋਇਆ।
ਮੀਡੀਆ ਰਿਪੋਰਟਸ ਦੇ ਮੁਤਾਬਕ, ਵਿਸਫੋਟ ਜਮਹੂਰੀਅਤ ਹਸਪਤਾਲ ਦੇ ਸਾਹਮਣੇ ਦੁਪਹਿਰ ਲਗਭਗ 12 . 50 ਵਜੇ ਹੋਇਆ, ਜਿੱਥੇ ਕਈ ਸਰਕਾਰੀ ਦਫ਼ਤਰ ਅਤੇ ਵਿਦੇਸੀ ਦੂਤਾਵਾਸ ਸਥਿਤ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਇਲਾਕੇ ਵਿਚ ਭਿਆਨਕ ਵਿਸਫੋਟ ਸੁਣਾਈ ਦਿੱਤਾ, ਜੋ ਸਿਧਾਰਥ ਸਕੇਅਰ ਤੋਂ ਕੁਝ ਮੀਟਰ ਦੂਰ ਹੈ। ਫਿਲਹਾਲ, ਪੂਰੇ ਇਲਾਕੇ ਨੂੰ ਸੀਲ ਕਰ ਦਿੱਤਾ ਗਿਆ ਹੈ।
ਚਸ਼ਮਦੀਦਾਂ ਦੇ ਅਨੁਸਾਰ ਹਸਪਤਾਲ ਦੀ ਇਮਾਰਤਾਂ ਦੀਆਂ ਖਿੜਕੀਆਂ ਟੁੱਟ ਗਈਆਂ। ਕਥਿੱਤ ਰੂਪ ਨਾਲ ਇਸ ਵਿਸਫੋਟ ਦੀ ਜੋ ਆਨਲਾਇਨ ਤਸਵੀਰ ਪਾਈ ਗਈ ਹੈ ਉਸ ਵਿੱਚ ਧੂੰਏ ਦਾ ਗੁਬਾਰ ਉੱਠਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਇਸ ਵਿਸਫੋਟ ਦੀ ਜ਼ਿੰਮੇਦਾਰੀ ਤਾਲੀਬਾਨ ਨੇ ਲਈ ਹੈ। ਦੱਸ ਦਈਏ ਕਿ ਇਸਤੋਂ ਪਹਿਲਾਂ ਕਾਬੁਲ ਵਿਚ ਇੰਟਰਕਾਂਟਿਨੈਂਟਲ ਹੋਟਲ ਉਤੇ ਹਮਲੇ ਦੀ ਜ਼ਿੰਮੇਦਾਰੀ ਵੀ ਤਾਲੀਬਾਨ ਨੇ ਹੀ ਲਈ ਸੀ, ਜਿਸ ਵਿਚ 20 ਤੋਂ ਜ਼ਿਆਦਾ ਲੋਕ ਮਾਰੇ ਗਏ ਸਨ।
