ਓਨਟਾਰੀਓ: ਕੈਨੇਡਾ ਦੇ ਓਨਟਾਰੀਓ 'ਚ ਜਲਦ ਹੀ ਡਰਾਈਵਰ-ਲੈੱਸ ਕਾਰਾਂ ਸੜਕਾਂ 'ਤੇ ਦੋੜਨਗੀਆਂ ਤੇ ਚਾਲਕ ਡਰਾਈਵਰ ਵਾਲੀ ਸੀਟ 'ਤੇ ਬੈਠ ਕੇ ਰਾਈਡ ਦਾ ਆਨੰਦ ਮਾਨਣਗੇ।
ਸੂਬੇ ਦੀ ਲਿਬਰਲ ਸਰਕਾਰ ਦੀ ਟੀਚਾ ਹੈ ਕਿ 10 ਸਾਲਾਂ ਦੇ ਅੰਦਰ ਆਟੋਮੇਟਿਡ ਵ੍ਹੀਕਲ ਪਾਇਲਟ ਪ੍ਰੋਜੈਕਟ ਦੇ ਤਹਿਤ ਕਾਰਾਂ ਨੂੰ ਡਰਾਈਵਰ ਲੈੱਸ ਬਣਾਇਆ ਜਾਵੇ ਤੇ ਇਸੇ ਤਹਿਤ ਕੰਪਨੀ ਡਰਾਈਵਰ-ਲੈੱਸ ਕਾਰਾਂ ਦੀ ਟੈਸਟਿੰਗ ਸ਼ੁਰੂ ਕਰਨ ਜਾ ਰਹੀ ਹੈ। ਇਸ ਟੈਸਟਿੰਗ ਦੌਰਾਨ ਚਾਲਕ ਡਰਾਈਵਰ ਦੀ ਸੀਟ ਬੈਠੇਗਾ ਜ਼ਰੂਰ ਪਰ ਕਾਰ ਖੁਦ ਚਲੇਗੀ। ਇਸ ਸਬੰਧੀ ਸਰਕਾਰ ਨੇ ਆਮ ਲੋਕਾਂ ਤੋਂ ਵੀ ਰਾਇ ਮੰਗੀ ਹੈ।
ਟ੍ਰਾਂਸਪੋਰਟ ਮੰਤਰੀ ਸਟੀਵਨ ਡੈਲ ਨੇ ਕਿਹਾ ਕਿ ਓਨਟਾਰੀਓ ਵਿਕਾਸ ਦੇ ਪੱਧਰ 'ਤੇ ਦੁਨੀਆ ਦੀ ਅਗਵਾਈ ਕਰਨ ਲਈ ਤਿਆਰ ਹੈ ਤੇ ਇਸ ਭੂਮਿਕਾ ਨੂੰ ਸੁਰੱਖਿਅਤ ਕਰਨ ਲਈ ਕਦਮ ਚੁੱਕੇ ਜਾ ਰਹੇ ਹਨ। ਓਨਟਾਰੀਓ ਕੈਨੇਡਾ ਦਾ ਪਹਿਲਾ ਸੂਬਾ ਹੈ, ਜਿਸ 'ਚ ਇਸ ਪ੍ਰੋਜੈਕਟ ਦੇ ਤਹਿਤ ਪਹਿਲੀ ਟੈਸਟਿੰਗ ਸ਼ੁਰੂ ਕੀਤੀ ਜਾ ਰਹੀ ਹੈ।
ਵਰਤਮਾਨ ਸਮੇਂ 'ਚ ਬਲੈਕਬੇਰੀ ਦੇ ਕਿਊ.ਐੱਨ.ਐਕਸ., ਮਾਗਨਾ, ਉਬੇਰ ਤੇ ਯੂਨੀਵਰਸਿਟੀ ਆਫ ਵਾਟਰਲੂ ਇਸ ਪ੍ਰੋਜੈਕਟ 'ਚ ਹਿੱਸਾ ਲੈ ਰਹੇ ਹਨ। ਓਨਟਾਰੀਓ ਨੇ ਬੀਤੇ 5 ਸਾਲਾਂ 'ਚ ਇਸ ਪ੍ਰੋਜੈਕਟ ਦੇ ਤਹਿਤ ਇੰਡਸਟਰੀ ਲਗਾਉਣ ਤੇ ਇਸ ਦੇ ਵਿਕਾਸ ਲਈ 80 ਮਿਲੀਅਨ ਡਾਲਰ ਇਕੱਠੇ ਕੀਤੇ ਹਨ, ਜਿਸ 'ਚ ਸਟ੍ਰਾਟਫੋਰਡ ਦਾ ਇਕ ਸ਼ੋਅਰੂਮ ਵੀ ਸ਼ਾਮਿਲ ਹੈ।
