ਪਿਛਲੇ ਸਾਲ ਮਈ ਤੋਂ ਲਾਪਤਾ ਹੋਣ ਮਗਰੋਂ ਮੰਨ ਲਿਆ ਗਿਆ ਸੀ ਮ੍ਰਿਤਕ, ਮੰਗਲਵਾਰ ਨੂੰ ਸੋਸ਼ਲ ਮੀਡੀਆ ’ਤੇ ਸਿਰ ਵੱਢਣ ਦਾ ਵੀਡੀਉ ਜਾਰੀ ਕੀਤਾ ਗਿਆ ਸੀ

ਇੰਫਾਲ: ਮਨੀਪੁਰ ਦੇ ਚੰਦੇਲ ਜ਼ਿਲ੍ਹੇ ਦੇ ਸੋਕੋਮ ਪਿੰਡ ’ਚ ਇਕ ਨੌਜੁਆਨ ਦੀ ਸਿਰਕਟੀ ਲਾਸ਼ ਮਿਲੀ ਹੈ। ਸ਼ੱਕ ਹੈ ਕਿ ਲਾਸ਼ 19 ਸਾਲ ਦੇ ਨੌਜੁਆਨ ਦੀ ਹੈ ਜੋ ਪਿਛਲੇ ਸਾਲ ਮਈ ਵਿਚ ਲਾਪਤਾ ਹੋ ਗਿਆ ਸੀ। ਪੁਲਿਸ ਨੇ ਇਹ ਜਾਣਕਾਰੀ ਦਿਤੀ। 

ਕਾਕਚਿੰਗ ਜ਼ਿਲ੍ਹੇ ਦੇ ਸੁਗਨੂੰ ਦੀ ਨਗਨਗੋਮ ਨੇਵੀ ਪਿਛਲੇ ਸਾਲ 28 ਮਈ ਤੋਂ ਲਾਪਤਾ ਸੀ ਅਤੇ ਉਸ ਨੂੰ ਮ੍ਰਿਤਕ ਮੰਨ ਲਿਆ ਗਿਆ ਸੀ। ਮੰਗਲਵਾਰ ਨੂੰ ਸੋਸ਼ਲ ਮੀਡੀਆ ’ਤੇ ਇਕ ਵੀਡੀਉ ਸਾਹਮਣੇ ਆਉਣ ਤੋਂ ਬਾਅਦ ਬੁਧਵਾਰ ਨੂੰ ਨਗਨਗੋਮ ਦੀ ਭਾਲ ਦੁਬਾਰਾ ਸ਼ੁਰੂ ਹੋਈ। ਵੀਡੀਉ ’ਚ ਸ਼ੱਕੀ ਅਤਿਵਾਦੀ ਉਸ ਦਾ ਸਿਰ ਕੱਟਦੇ ਨਜ਼ਰ ਆ ਰਹੇ ਹਨ। 

ਮਨੀਪੁਰ ਪੁਲਿਸ ਨੇ ਉਸ ਜਗ੍ਹਾ ਦੀ ਪਛਾਣ ਕੀਤੀ ਜਿੱਥੇ ਵੀਡੀਉ ਬਣਾਇਆ ਗਿਆ ਸੀ ਅਤੇ ਨਵੇਂ ਸਿਰੇ ਤੋਂ ਤਲਾਸ਼ੀ ਲਈ ਗਈ ਸੀ। ਇਸ ਦੌਰਾਨ ਬੁਧਵਾਰ ਨੂੰ ਨੌਜੁਆਨ ਦੀ ਸਿਰਕੱਟੀ ਹੋਈ ਲਾਸ਼ ਬਰਾਮਦ ਕੀਤੀ ਗਈ। ਪੁਲਿਸ ਨੇ ਕਿਹਾ ਕਿ ਵੀਡੀਉ ’ਚ ਵਿਖਾਈ ਦੇ ਰਹੇ ਕਪੜੇ ਬਰਾਮਦ ਕੀਤੇ ਕੱਪੜਿਆਂ ਨਾਲ ਮੇਲ ਖਾਂਦੇ ਜਾਪਦੇ ਹਨ। ਉਨ੍ਹਾਂ ਕਿਹਾ ਕਿ ਫੋਰੈਂਸਿਕ ਮਾਹਰ ਉਨ੍ਹਾਂ ਦੀ ਪਛਾਣ ਦੀ ਪੁਸ਼ਟੀ ਕਰਨ ਲਈ ਲਾਸ਼ਾਂ ਦੀ ਜਾਂਚ ਕਰ ਰਹੇ ਹਨ। ਮੁਰਦਾਘਰ ਨੂੰ ਜਵਾਹਰ ਲਾਲ ਨਹਿਰੂ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਜ਼ (ਜੇ.ਐਨ.ਆਈ.ਐਮ.ਐਸ.) ਦੇ ਮੁਰਦਾਘਰ ’ਚ ਰੱਖਿਆ ਗਿਆ ਹੈ।