ਸਾਰੇ ਪੰਜਾਂ ਦੋਸ਼ੀਆਂ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ ਅਤੇ ਸਜਾ 'ਤੇ ਦਲੀਲਾਂ ਦੀ ਬਹਿਸ 3 ਦਸੰਬਰ ਨੂੰ ਹੋਵੇਗੀ। ਦੋਸ਼ੀਆਂ ਨੂੰ ਵਧ ਤੋ ਵਧ 7 ਸਾਲ ਦੀ ਜੇਲ ਹੋ ਸਕਦੀ ਹੈ।
ਨਵੀਂ ਦਿੱਲੀ, ( ਪੀਟੀਆਈ ) : ਦਿੱਲੀ ਦੀ ਇਕ ਅਦਾਲਤ ਨੇ ਸਾਬਕਾ ਕੋਲ ਸੱਕਤਰ ਐਚ.ਸੀ. ਗੁਪਤਾ ਨੂੰ ਕੋਲਾ ਘਪਲੇ ਦੇ ਮਾਮਲੇ ਵਿਚ ਭ੍ਰਿਸ਼ਟਾਚਾਰ ਅਤੇ ਅਪਰਾਧਿਕ ਸਾਜਸ਼ ਦਾ ਦੋਸ਼ੀ ਠਹਿਰਾਇਆ ਹੈ। ਇਹ ਮਾਮਲਾ ਪੱਛਮ ਬੰਗਾਲ ਵਿਚ ਕੋਲ ਬਲਾਕ ਦੀ ਅਲਾਟਮੈਂਟ ਨਾਲ ਜੁੜਿਆ ਹੋਇਆ ਹੈ। ਇਕ ਸਮੇਂ ਸੀਬੀਆਈ ਇਸ ਮਾਮਲੇ ਨੂੰ ਬੰਦ ਕਰਨਾ ਚਾਹੁੰਦੀ ਸੀ। ਸੀਬੀਆਈ ਦੇ ਵਿਸ਼ੇਸ਼ ਜੱਜ ਭਰਤ ਪਰਾਸ਼ਰ ਨੇ ਗੁਪਤਾ ਤੋਂ ਇਲਾਵਾ ਨਿਜੀ ਕੰਪਨੀ ਵਿਕਾਸ ਮੇਟਲਸ ਐਂਡ ਪਾਵਰ ਲਿਮਿਟੇਡ, ਇਕ ਸੇਵਾਅਧੀਨ ਅਤੇ ਇਕ ਸੇਵਾਮੁਕਤ ਨੌਕਰਸ਼ਾਹ,
ਕੋਲਾ ਮੰਤਰਾਲਾ ਵਿਚ ਸਾਬਕਾ ਜੁਆਇੰਟ ਸੱਕਤਰ ਕੇ.ਐਸ.ਕਰੋਫਾ ਅਤੇ ਕੋਲਾ ਮੰਤਰਾਲਾ ਵਿਚ ਤੱਤਕਾਲੀਨ ਨਿਰਦੇਸ਼ਕ ਕੇ.ਸੀ.ਸਾਮਰਿਯਾ ਨੂੰ ਮਾਮਲੇ ਵਿਚ ਦੋਸ਼ੀ ਠਹਿਰਾਇਆ। ਅਦਾਲਤ ਨੇ ਕੰਪਨੀ ਦੇ ਪ੍ਰਬੰਧਕੀ ਨਿਰਦੇਸ਼ਕ ਵਿਕਾਸ ਪਟਾਨੀ ਅਤੇ ਦਸਤਖਤ ਅਥਾਰਿਟੀ ਆਨੰਦ ਮਲਿਕ ਨੂੰ ਵੀ ਮਾਮਲੇ ਵਿਚ ਦੋਸ਼ੀ ਠਹਿਰਾਇਆ। ਦੱਸ ਦਈਏ ਕਿ ਪੱਛਮ ਬੰਗਾਲ ਵਿਚ ਮੋਇਰਾ ਅਤੇ ਮਧੂਝੋਰ ( ਉਤਰ ਅਤੇ ਦੱਖਣੀ ) ਕੋਲਾ ਬਲਾਕਾਂ ਦੀ ਵੀਐਮਪੀਐਲ ਨੂੰ ਕੀਤੀ ਗਈ ਅਲਾਟਮੈਂਟ ਵਿਚ ਕਥਿਤ ਅਨਿਯਮਿਤਤਾ ਨਾਲ ਸਬੰਧਤ ਹੈ।
ਸੀਬੀਆਈ ਨੇ ਸਤੰਬਰ 2012 ਵਿਚ ਇਸ ਮਾਮਲੇ ਵਿਚ ਇਕ ਐਫਆਈਆਰ ਦਰਜ ਕੀਤੀ ਸੀ। ਸਾਰੇ ਪੰਜਾਂ ਦੋਸ਼ੀਆਂ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ ਅਤੇ ਸਜਾ 'ਤੇ ਦਲੀਲਾਂ ਦੀ ਬਹਿਸ 3 ਦਸੰਬਰ ਨੂੰ ਹੋਵੇਗੀ। ਦੋਸ਼ੀਆਂ ਨੂੰ ਵਧ ਤੋ ਵਧ 7 ਸਾਲ ਦੀ ਜੇਲ ਹੋ ਸਕਦੀ ਹੈ। ਸਾਬਕਾ ਕੋਲਾ ਸੱਕਤਰ ਐਚ.ਸੀ.ਗੁਪਤਾ ਕੋਲਾ ਘਪਲੇ ਦੇ ਹੋਰਨਾਂ 2 ਮਾਮਲਿਆਂ ਵਿਚ ਵੀ ਦੋਸ਼ੀ ਠਹਿਰਾਏ ਜਾ ਚੁੱਕੇ ਹਨ। ਉਨ੍ਹਾਂ ਮਾਮਲਿਆਂ ਵਿਚ
ਉਨ੍ਹਾਂ ਨੂੰ ਲੜੀਵਾਰ 2 ਅਤੇ 3 ਸਾਲ ਦੀ ਸਜਾ ਹੋਈ ਹੈ। ਇਸ ਦੌਰਾਨ ਕੋਰਟ ਨੇ ਸੀਬੀਆਈ ਨੂੰ ਫਟਕਾਰ ਲਗਾਉਂਦੇ ਹੋਏ ਕਿਹਾ ਕਿ ਉਹ ਸੁਪਰੀਮ ਕੋਰਟ ਦੇ ਹੁਕਮਾਂ ਦਾ ਪਾਲਨ ਨਹੀਂ ਕਰ ਰਹੀ। ਵਿਸ਼ੇਸ਼ ਸੀਬੀਆਈ ਜੱਜ ਪਰਾਸ਼ਰ ਨੇ ਕਿਹਾ ਕਿ ਸੀਬੀਆਈ ਸੁਪਰੀਮ ਕੋਰਟ ਦੇ ਨਿਰਦੇਸਾਂ ਦੇ ਬਾਵਜੂਦ ਕੋਲਾ ਘਪਲੇ ਦੀ ਜਾਂਚ ਵਿਚ ਗੁਪਤਤਾ ਨਹੀਂ ਵਰਤ ਰਹੀ। ਜੱਜ ਨੇ ਲੋਕਸੇਵਕਾਂ ਦੀਆਂ ਦਲੀਲਾਂ 'ਤੇ ਜਾਇਜਾ ਲੈਂਦੇ ਹੋਏ ਇਹ ਟਿੱਪਣੀ ਕੀਤੀ। ਇਹ ਦਲੀਲਾਂ ਐਡਵੋਕੇਟ ਰਾਹੁਲ ਤਿਆਗੀ ਵੱਲੋਂ ਲਿਖਤੀ ਤੌਰ 'ਤੇ ਦਿਤੀਆਂ ਗਈਆਂ ਸਨ।