ਮੋਦੀ ਸਰਕਾਰ ਵਲੋਂ ਇਕ ਪਾਸੇ ਤਾਂ ਦੇਸ਼ ਭਰ 'ਚ ‘ਬੇਟੀ ਬਚਾਓ, ਬੇਟੀ ਪੜਾਓ’ ਦੀ ਮੁਹਿਮ ਚੱਲ ਰਹੀ ਹੈ ਅਤੇ ਇਸ ਮੁਹਿਮ ਨੂੰ ਤੇ ਕੁਝ ਲੋਕਾਂ ਵਲੋਂ ਅਮਲ ਕੀਤਾ ਜਾ ਰਿਹਾ ਪਰ...
ਮੰਬਈ: ਮੋਦੀ ਸਰਕਾਰ ਵਲੋਂ ਇਕ ਪਾਸੇ ਤਾਂ ਦੇਸ਼ ਭਰ 'ਚ ‘ਬੇਟੀ ਬਚਾਓ, ਬੇਟੀ ਪੜਾਓ’ ਦੀ ਮੁਹਿਮ ਚੱਲ ਰਹੀ ਹੈ ਅਤੇ ਇਸ ਮੁਹਿਮ ਨੂੰ ਤੇ ਕੁਝ ਲੋਕਾਂ ਵਲੋਂ ਅਮਲ ਕੀਤਾ ਜਾ ਰਿਹਾ ਪਰ ਦੂਜੇ ਪਾਸੇ ਕੁੜੀਆਂ ਅਪਣੇ ਹੀ ਘਰ 'ਚ ਸੁਰੱਖਿਅਤ ਨਹੀਂ ਹਨ। ਅਜਿਹੀ ਹੀ ਇਕ ਘਟਨਾ ਮੁੰਬਈ ਦੇ ਵਿਰਾਰ ਚੋਂ ਸਾਹਮਣੇ ਆਈ ਹੈ। ਜਿੱਥੇ ਦੇ ਗੋਪਚਰਪਾਡਾ ਇਲਾਕੇ 'ਚ ਸੋਮਵਾਰ ਦੁਪਹਿਰ ਇਕ ਵਿਅਕਤੀ ਨੇ ਅਪਣੀ 16 ਸਾਲ ਦੀ ਧੀ 'ਤੇ ਕੇਰੋਸੀਨ ਪਾ ਕੇ ਅੱਗ ਲਗਾ ਦਿਤੀ, ਜਿਸ 'ਚ ਉਹ ਬੁਰੀ ਤਰ੍ਹਾਂ ਝੁਲਸ ਗਈ, ਜਿਸ ਦੇ ਚਲਦੀਆਂ ਉਸ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ।
Crime
ਪੁਲਿਸ ਨੇ ਦੱਸਿਆ ਕਿ ਕੁੜੀ ਕਿਸੇ ਮੁੰਡੇ ਨਾਲ ਮੋਬਾਇਲ 'ਤੇ ਗੱਲ ਕਰ ਰਹੀ ਸੀ, ਜੋ ਉਸ ਦੇ ਪਿਤਾ ਨੂੰ ਬਰਦਾਸ਼ਤ ਨਹੀ ਹੋਇਆ। ਉਸ ਨੇ ਕੁੜੀ ਨੂੰ ਅੱਗ ਦੇ ਹਵਾਲੇ ਕਰ ਦਿਤਾ। ਸੀਨੀਅਰ ਪੀਆਈ ਘਨਸ਼ਯਾਮ ਆਢਾਵ ਨੇ ਦੱਸਿਆ ਕਿ ਨੂਰ ਮੰਜਿਲ ਨਿਵਾਸੀ ਮੁਹਮਦ ਮੁਰਤੀਜਾ ਮੰਸੂਰੀ (35) ਅਪਣੇ ਪਰਵਾਰ ਦੇ ਨਾਲ ਰਹਿੰਦਾ ਹੈ। ਸੋਮਵਾਰ ਦੁਪਹਿਰ 2 ਵਜੇ ਮੰਸੂਰੀ ਦੀ 16 ਸਾਲਾਂ ਲੜਕੀ ਸ਼ਾਹਿਸਤਾ ਮੋਬਾਇਲ 'ਤੇ ਕਿਸੇ ਨਾਲ ਗੱਲ ਕਰ ਰਹੀ ਸੀ। ਪਿਤਾ ਨੂੰ ਸ਼ੱਕ ਹੋਇਆ ਕਿ ਉਹ ਕਿਸੇ ਮੁੰਡੇ ਨਾਲ ਗੱਲ ਕਰ ਰਹੀ ਹੈ।
crime
ਇਸ ਗੱਲ ਨੂੰ ਲੈ ਕੇ ਪਿਤਾ ਨੂੰ ਗੁੱਸਾ ਆ ਗਿਆ ਅਤੇ ਉਸ ਦਾ ਮੋਬਾਇਲ ਖੋਹ ਕੇ ਜ਼ਮੀਨ 'ਤੇ ਸੁੱਟ ਦਿਤਾ। ਜਿਸ ਤੋਂ ਬਾਅਦ ਪਿਤਾ ਦੇ ਪੁੱਛਣ 'ਤੇ ਧੀ ਨੇ ਕੋਈ ਜਵਾਬ ਨਹੀਂ ਦਿਤਾ। ਪਿਤਾ ਨੇ ਗ਼ੁੱਸੇ 'ਚ ਕੁੜੀ 'ਤੇ ਕੇਰੋਸੀਨ ਦਾ ਡਬਾ ਪਲਟਾ ਦਿਤਾ ਅਤੇ ਅੱਗ ਲਗਾ ਦਿਤੀ। ਹਾਦਸੇ 'ਚ ਧੀ ਲੜਕੀ ਤਰ੍ਹਾਂ ਝੁਲਸ ਗਈ। ਸਥਾਨਕ ਲੋਕਾਂ ਦੀ ਮਦਦ ਨਾਲ ਉਸ ਨੂੰ ਪੱਛਮ ਦੇ ਸੰਜੀਵਨੀ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ
ਪਰ 70 ਫ਼ੀਸਦੀ ਝੁਲਸ ਜਾਣ ਕਾਰਨ ਉਸ ਨੂੰ ਮੁੰਬਈ ਸਥਿਤ ਕੇ.ਈ.ਐਮ ਹਸਪਤਾਲ 'ਚ ਭੇਜ ਦਿਤਾ ਗਿਆ। ਡਾਕਟਰਾਂ ਮੁਤਾਬਕ, ਕੁੜੀ ਦੀ ਹਾਲਤ ਨਾਜ਼ਕ ਬਣੀ ਹੋਈ ਹੈ। ਪੁਲਿਸ ਨੇ ਮੁਲਜ਼ਮ ਪਿਤਾ ਨੂੰ ਗਿਰਫਤਾਰ ਕਰ ਲਿਆ ਹੈ।
