ਉਤਰਾਖੰਡ ਦੀ ਕੁੜੀ ਨੂੰ ਅਮਲੀਆਂ ਨੇ ਪਟਰੌਲ.......
ਨਵੀਂ ਦਿੱਲੀ (ਭਾਸ਼ਾ): ਉਤਰਾਖੰਡ ਦੀ ਕੁੜੀ ਨੂੰ ਅਮਲੀਆਂ ਨੇ ਪਟਰੌਲ ਪਾ ਕੇ ਅੱਗ ਲਗਾ ਦਿਤੀ। ਕੁੜੀ ਦਾ ਇਲਾਜ਼ ਦਿਲੀ ਦੇ ਸਫ਼ਦਰਜੰਗ ਹਸਪਤਾਲ ਵਿਚ ਚੱਲ ਰਿਹਾ ਹੈ। ਕੁੜੀ ਦੀ ਹਾਲਤ ਪਤਾ ਕਰਨ ਲਈ ਰਾਸ਼ਟਰੀ ਮਹਿਲਾ ਕਮਿਸ਼ਨ ਅਤੇ ਰਾਸ਼ਟਰੀ ਅਨੁਸੂਚੀਤ ਜਾਤੀ ਕਮਿਸ਼ਨ ਦੇ ਮੈਂਬਰ ਪੁੱਜੇ ਅਤੇ ਪੀੜਤ ਕੁੜੀ ਨੂੰ ਇੰਨਸਾਫ਼ ਦਵਾਉਣ ਦੀ ਗੱਲ ਕਹੀ। ਐਤਵਾਰ ਨੂੰ ਉਤਰਾਖੰਡ ਦੀ ਕੁੜੀ ਕਾਲਜ ਤੋਂ ਪ੍ਰੈਕਟੀਕਲ ਦੇ ਕੇ ਘਰ ਆ ਰਹੀ ਸੀ।
ਰਸਤੇ ਵਿਚ ਅਮਲੀਆਂ ਨੇ ਉਸ ਉਤੇ ਪਟਰੌਲ ਪਾ ਕੇ ਉਸ ਨੂੰ ਅੱਗ ਲਗਾ ਦਿਤੀ ਅਤੇ ਨਾ ਸਿਰਫ਼ ਅੱਗ ਲਗਾਈ ਸਗੋਂ ਅਪਣੇ ਆਪ ਫੋਨ ਕਰਕੇ ਕੁੜੀ ਦੇ ਪਰਵਾਰ ਵਾਲੀਆਂ ਨੂੰ ਦੱਸਿਆ ਕਿ ਉਨ੍ਹਾਂ ਦੀ ਧੀ ਨੂੰ ਸਾੜ ਦਿਤਾ ਹੈ। ਕੁੜੀ ਬੁਰੀ ਤਰ੍ਹਾਂ ਨਾਲ ਜਲ ਗਈ ਸੀ। ਉਸ ਨੂੰ ਐਬੂਲੰਸ ਤੋਂ ਦਿੱਲੀ ਦੇ ਸਫ਼ਦਰਜੰਗ ਹਸਪਤਾਲ ਲਿਜਾਇਆ ਗਿਆ ਹੈ। ਡਾਕਟਰਾਂ ਦੀਆਂ ਮੰਨੀਏ ਤਾਂ ਕੁੜੀ 70 ਫ਼ੀਸਦੀ ਜਲੀ ਹੋਈ ਹੈ। ਅਜਿਹੀ ਹਾਲਤ ਵਿਚ ਬਚਣਾ ਕਾਫ਼ੀ ਮੁਸ਼ਕਲ ਹੈ।
ਹਾਲਾਂਕਿ ਡਾਕਟਰ ਕੁੜੀ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਉਥੇ ਹੀ ਇਸ ਘਟਨਾ ਤੋਂ ਬਾਅਦ ਰਾਸ਼ਟਰੀ ਮਹਿਲਾ ਕਮਿਸ਼ਨ ਅਤੇ ਰਾਸ਼ਟਰੀ ਅਨੁਸੂਚਿਤ ਜਾਤੀ ਕਮਿਸ਼ਨ ਦੇ ਮੈਂਬਰ ਹਸਪਤਾਲ ਪੁੱਜੇ। ਮੁਲਜ਼ਮ ਜਵਾਨ ਨੂੰ ਉਤਰਾਖੰਡ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ।