ਜੇ ਤੁਹਾਨੂੰ ਕਿਹਾ ਜਾਵੇ ਕਿ ਇੱਕ ਵਿਅਕਤੀ ਨੇ 139 ਸਕਿੰਟਾਂ ’ਚ 63 ਕਰੋੜ ਕਮਾਏ ਨੇ ਤਾਂ ਤੁਹਾਨੂੰ ਸ਼ਾਇਦ ਯਕੀਨ ਨਾ ਹੋਵੇ ਪਰ ਇਹ ਵੀਡੀਓ ਉਸ ਮੌਕੇ ਦੀ...

ਨਵੀਂ ਦਿੱਲੀ : ਜੇ ਤੁਹਾਨੂੰ ਕਿਹਾ ਜਾਵੇ ਕਿ ਇੱਕ ਵਿਅਕਤੀ ਨੇ 139 ਸਕਿੰਟਾਂ ’ਚ 63 ਕਰੋੜ ਕਮਾਏ ਨੇ ਤਾਂ ਤੁਹਾਨੂੰ ਸ਼ਾਇਦ ਯਕੀਨ ਨਾ ਹੋਵੇ ਪਰ ਇਹ ਵੀਡੀਓ ਉਸ ਮੌਕੇ ਦੀ ਗਵਾਹੀ ਭਰਦੀ ਏ ਜਦੋਂ ਇਹ ਸਭ ਕੁਝ ਹੋਇਆ। ਜਪਾਨ ਦੇ ਸਾਇਤਾਮਾ ਅਰੀਨਾ ’ਚ ਹੋਏ ਪ੍ਰਦਰਸ਼ਨੀ ਬਾਕਸਿੰਘ ਮੁਕਾਬਲੇ ਦਾ ਇਹ ਨਜ਼ਾਰਾ ਇਤਿਹਾਸ ਹੋ ਨਿਬੜਿਆ। ਇਹ ਮੈਚ ਅਮੇਰੀਕਨ ਪ੍ਰਫੈਸ਼ਨਲ ਬਾਕਸਰ ਫਲੋਇਡ ਮੇਅਵੈਦਰ ਅਤੇ ਜੈਪਨਿਜ਼ ਕਿੱਕ ਬਾਕਸਰ ਟੇਨਸ਼ਿਨ ਨਾਸੁਕਾਵਾ ਵਿਚਾਲੇ ਹੋਇਆ ਅਤੇ ਉਮੀਦ ਕੀਤੀ ਜਾ ਰਹੀ ਸੀ

ਇਹ ਮੈਚ ਤਿੰਨ ਰਾਊਂਡ ਦਾ ਹੋਵੇਗਾ ਪਰ ਮੇਅਵੈਦਰ ਨੇ ਆਪਣੀ ਖੇਡ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ 20 ਸਾਲਾਂ ਦੇ ਟੇਨਸ਼ਿਨ ਨੂੰ ਪਹਿਲੇ ਹੀ ਰਾਊਂਡ ’ਚ ਤਿੰਨ ਵਾਰ ਨਾਕ-ਡਾਊਨ ਕਰਕੇ ਚਿੱਤ ਕਰ ਦਿੱਤਾ। ਇਸੇ ਜਿੱਤ ਦੇ ਨਾਲ ਮੇਅਵੈਦਰ 9 ਮਿਲੀਅਨ ਡਾਲਰ ਕਰੀਬ 63 ਕਰੋੜ ਰੁਪਏ ਤੋਂ ਵੱਧ ਇਨਾਮੀ ਰਾਸ਼ੀ ਜਿੱਤ ਗਿਆ। ਮੇਅਵੈਦਰ ਨੇ ਟੇਨਸ਼ਿਨ ਨੂੰ ਸਿਰਫ 139 ਸਕਿੰਟਾਂ ’ਚ ਮਾਤ ਦੇ ਦਿੱਤੀ ਤੇ ਜੇ ਇਸ ਹਿਸਾਬ ਨਾਲ ਦੇਖੀਏ ਤਾਂ ਹਰ ਸਕਿੰਟ ਦੇ ਨਾਲ ਮੇਅਵੈਦਰ ਕਰੀਬ 45 ਲੱਖ ਰੁਪਏ ਦੀ ਕਮਾਈ ਕਰ ਗਿਆ।

ਇਸ ਜਿੱਤ ਤੋਂ ਬਾਅਦ ਮੇਅਵੈਦਰ ਨੇ ਕਿਹਾ ਕਿ ਉਹ ਹੁਣ ਵੀ ਰੀਟਾਇਰਡ ਨੇ ਅਤੇ ਇਹ ਸਭ ਮਨੋਰੰਜਨ ਲਈ ਸੀ। ਦੱਸ ਦੇਈਏ ਕਿ ਮੇਅਵੈਦਰ ਹੁਣ ਬਾਕਸਿੰਗ ਪ੍ਰਮੋਟਰ ਵਜੋਂ ਵਿਚਰ ਰਹੇ ਹਨ।