ਬਿਹਾਰ ਦੇ ਸਮਸਤੀਪੁਰ ਜ਼ਿਲ੍ਹੇ ਵਿਚ ਜਦੋਂ ਲੋਕਾਂ ਨੇ 'ਪੀਐਮ ਮੋਦੀ' ਨੂੰ ਹਾਥੀ 'ਤੇ ਸਵਾਰ ਹੋ ਕੇ ਨਿਕਲਦੇ ਦੇਖਿਆ ਤਾਂ ਹਰ ਕੋਈ ਹੈਰਾਨ ਰਹਿ ਗਿਆ।
ਪਟਨਾ: ਬਿਹਾਰ ਦੇ ਸਮਸਤੀਪੁਰ ਜ਼ਿਲ੍ਹੇ ਵਿਚ ਜਦੋਂ ਲੋਕਾਂ ਨੇ 'ਪੀਐਮ ਮੋਦੀ' ਨੂੰ ਹਾਥੀ 'ਤੇ ਸਵਾਰ ਹੋ ਕੇ ਨਿਕਲਦੇ ਦੇਖਿਆ ਤਾਂ ਹਰ ਕੋਈ ਹੈਰਾਨ ਰਹਿ ਗਿਆ। ਦੇਖਣ ਵਾਲਿਆਂ ਨੂੰ ਯਕੀਨ ਨਹੀਂ ਹੋ ਰਿਹਾ ਸੀ ਕਿ ਉਹਨਾਂ ਦੇ ਸ਼ਹਿਰ ਵਿਚ 'ਨਰਿੰਦਰ ਮੋਦੀ' ਹਾਥੀ 'ਤੇ ਸਵਾਰ ਹੋ ਕੇ ਲੋਕਾਂ ਨੂੰ ਕੋਰੋਨਾ ਵਾਇਰਸ ਤੋਂ ਬਚਣ ਲਈ ਲੌਕਡਾਊਨ ਅਤੇ ਸਮਾਜਕ ਦੂਰੀ ਦਾ ਪਾਲਣ ਕਰਨ ਦਾ ਸੰਦੇਸ਼ ਦੇ ਰਹੇ ਸੀ।
Photo
'ਨਰਿੰਦਰ ਮੋਦੀ' ਨੂੰ ਹਾਥੀ 'ਤੇ ਸਵਾਰ ਦੇਖ ਕੇ ਲੋਕਾਂ ਨੇ ਸੜਕਾਂ 'ਤੇ ਕੋਰੋਨਾ ਨੂੰ ਲੈ ਕੇ ਜਾਗਰੂਕ ਕਰਦੇ ਉਹਨਾਂ ਦੀ ਅਵਾਜ਼ ਸੁਣੀ। ਹਰ ਕੋਈ ਇਹ ਦੇਖ ਰਿਹਾ ਸੀ ਕਿ ਕੀ ਸਚ ਵਿਚ ਹੀ ਪੀਐਮ ਮੋਦੀ ਉਹਨਾਂ ਦੇ ਸ਼ਹਿਰ ਆਏ ਹਨ ਤੇ ਲੋਕਾਂ ਨੂੰ ਸੰਬੋਧਨ ਕਰ ਰਹੇ ਹਨ।
Photo
ਦਰਅਸਲ ਪੀਐਮ ਮੋਦੀ ਦੇ ਕੱਪੜਿਆਂ ਵਿਚ ਹਾਥੀ 'ਤੇ ਸਵਾਰ ਹੋ ਕੇ ਬਿਹਾਰ ਦੇ ਸਮਸਤੀਪੁਰ ਦੇ ਭੁਪਿੰਦਰ ਯਾਦਵ ਨੇ ਲੋਕਾਂ ਨੂੰ ਕੋਰੋਨਾ ਵਾਇਰਸ ਪ੍ਰਤੀ ਜਾਗਰੂਕ ਕੀਤਾ। ਇੱਥੋਂ ਦੇ ਕਾਲਜ ਦੇ ਪ੍ਰੋਫੈਸਰ ਭੁਪਿੰਦਰ ਯਾਦਵ ਸ਼ਹਿਰ ਦੇ ਲੋਕਾਂ ਨੂੰ ਅਨੋਖੇ ਅੰਦਾਜ਼ ਵਿਚ ਮਿਲੇ। ਉਹ ਪੀਐਮ ਮੋਦੀ ਦੇ ਬੋਲਣ ਦੀ ਨਕਲ ਕਰਦੇ ਹੋਏ ਲੋਕਾਂ ਨੂੰ ਜਾਗਰੂਕ ਕਰ ਰਹੇ ਸੀ।
Photo
ਉਹਨਾਂ ਨੇ ਕਿਹਾ ਕਿ ਉਹ ਇਸ ਸੰਕਟ ਦੀ ਘੜੀ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਤੋਂ ਕਾਫੀ ਖੁਸ਼ ਹਨ। ਪ੍ਰੋਫੈਸਰ ਭੁਪਿੰਦਰ ਨੂੰ ਦੇਖ ਕੇ ਲੋਕ ਹੈਰਾਨ ਰਹਿ ਗਏ। ਲੋਕਾਂ ਨੇ ਘਰ ਵਿਚੋਂ ਹੀ ਉਹਨਾਂ ਨੂੰ ਨਮਸਕਾਰ ਕੀਤਾ। ਇਸ ਅਨੋਖੀ ਪਹਿਲ ਨੂੰ ਸਮਾਜ ਦੇ ਸਾਰੇ ਵਰਗਾਂ ਦੇ ਲੋਕਾਂ ਨੇ ਸਰਾਹਿਆ।
Photo
ਉਹਨਾਂ ਨੂੰ ਦੇਖ ਕੇ ਲੋਕਾਂ ਦੇ ਮਨਾਂ ਵਿਚ ਉਤਸ਼ਾਹ ਪੈਦਾ ਹੋਇਆ। ਉਹ ਲੋਕਾਂ ਵਿਚਕਾਰ ਕੋਰੋਨਾ ਵਾਇਰਸ ਤੋਂ ਬਚਣ ਲਈ ਜਾਗਰੂਕਤਾ ਫੈਲਾ ਰਹੇ ਸੀ। ਦੱਸ ਦਈਏ ਕਿ ਇਹ ਸੁਝਾਅ ਪਸ਼ੂ ਪ੍ਰੇਮੀ ਮਹਿੰਦਰ ਪ੍ਰਧਾਨ ਦਾ ਹੈ।
PM Narendra Modi
ਉਹਨਾਂ ਅਨੁਸਾਰ ਪੀਐਮ ਮੋਦੀ ਦੇ ਇਕ ਸੱਦੇ 'ਤੇ ਲੋਕਾਂ ਨੇ ਜਨਤਾ ਕਰਫਿਊ, ਥਾਲ਼ੀ ਵਜਾਉਣਾ ਅਤੇ ਮੋਮਬੱਤੀਆਂ ਜਗਾਉਣਾ ਆਦਿ ਦਾ ਪਾਲਣ ਇਕ ਸਕਾਰਾਤਮਕ ਸੋਚ ਦੇ ਤਹਿਤ ਕੀਤਾ। ਇਸ ਲਈ ਪੀਐਮ ਮੋਦੀ ਦੇ ਹਮਸ਼ਕਲ ਦੀ ਖੋਜ ਕਰ ਕੇ ਉਹਨਾਂ ਨੂੰ ਹਾਥੀ 'ਤੇ ਬੈਠਾ ਕੇ ਕੋਰੋਨਾ ਪ੍ਰਤੀ ਜਾਗਰੂਕਤਾ ਮੁਹਿੰਮ ਚਲਾਾਈ ਗਈ, ਜਿਸ ਨਾਲ ਲੋਕਾਂ 'ਤੇ ਇਸ ਦਾ ਪ੍ਰਭਾਵ ਪਾਉਣ ਦੀ ਕੋਸ਼ਿਸ਼ ਕੀਤੀ ਗਈ।
