ਇਸ ਤੋਂ ਪਹਿਲਾਂ ਕਦੇ ਵੀ ਰਾਜ ਵੱਲੋ ਚਲਾਈ ਜਾ ਰਹੀ ਕਿਸੇ ਵੀ ਪਰਿਯੋਜਨਾ ਨੂੰ ਬਿਨਾ ਬਿਆਜ ਦੇ ਕਰਜ਼ ਨਹੀਂ ਦਿਤਾ ਗਿਆ ਹੈ। ਕਰਜ਼ ਮਾਫੀ ਲਈ ਮਿਆਦ ਨਿਰਧਾਰਤ ਨਹੀਂ ਕੀਤੀ ਗਈ।
ਮੁੰਬਈ, ( ਪੀਟੀਆਈ ) : ਆਰਥਿਕ ਸੰਕਟ ਦੀ ਮਾਰ ਝੱਲ ਰਹੀ ਮਹਾਰਾਸ਼ਟਰਾ ਸਰਕਾਰ ਨੂੰ ਸ਼ਿਰੜੀ ਦੇ ਸਾਂਈਬਾਬਾ ਮੰਦਰ ਟਰੱਸਟ ਨੇ 500 ਕਰੋੜ ਰੁਪਏ ਦਾ ਬਿਆਜ ਮੁਕਤ ਕਰਜ਼ ਦਿਤਾ ਹੈ। ਟਰੱਸਟ ਵੱਲੋਂ ਸਰਕਾਰ ਨੂੰ ਨੀਲਵਾਂਡੇ ਸਿੰਚਾਈ ਪ੍ਰੋਜੈਕਟ ਦੇ ਕੰਮ ਨੂੰ ਪੂਰਾ ਕਰਨ ਲਈ ਇਹ ਕਰਜ਼ ਦਿਤਾ ਗਿਆ ਹੈ। ਇਸ ਪਰਿਯੋਜਨਾ ਰਾਹੀ ਅਹਿਮਦਨਗਰ ਜਿਲ੍ਹੇ ਦੀਆਂ ਜਿਆਦਾਤਰ ਤਹਿਸੀਲਾਂ ਨੂੰ ਪੀਣ ਦਾ ਪਾਣੀ ਮੁੱਹਈਆ ਕਰਵਾਇਆ ਜਾਵੇਗਾ। ਸਰਕਾਰ ਵੱਲੋਂ ਜਦ ਟਰੱਸਟ ਤੋਂ ਸਿੰਚਾਈ ਪਰਿਯੋਜਨਾ ਨੂੰ ਪੂਰਾ ਕਰਨ ਲਈ ਕਰਜ਼ ਮੰਗਿਆ ਗਿਆ ਤਾਂ ਭਾਜਪਾ ਨੇਤਾ
Shri Saibaba Sansthan Trust, Shirdi
ਸੁਰੇਸ਼ ਹਵਾਰੇ ਜੋ ਕਿ ਇਸ ਸਮੇਂ ਟਰੱਸਟ ਦੇ ਮੁਖੀ ਵੀ ਹਨ, ਨੇ ਇਸ ਨੂੰ ਮੰਨ ਲੈਣ ਦਾ ਫੈਸਲਾ ਲਿਆ। ਇਸ ਤੋਂ ਪਹਿਲਾਂ ਕਦੇ ਵੀ ਰਾਜ ਵੱਲੋ ਚਲਾਈ ਜਾ ਰਹੀ ਕਿਸੇ ਵੀ ਪਰਿਯੋਜਨਾ ਨੂੰ ਬਿਨਾ ਬਿਆਜ ਦੇ ਕਰਜ਼ ਨਹੀਂ ਦਿਤਾ ਗਿਆ ਹੈ। ਇਸ ਤੋਂ ਇਲਾਵਾ ਕਰਜ਼ ਮਾਫੀ ਲਈ ਕੋਈ ਮਿਆਦ ਵੀ ਨਿਰਧਾਰਤ ਨਹੀਂ ਕੀਤੀ ਗਈ। ਹੈ ਇਕ ਸੀਨੀਅਰ ਅਧਿਕਾਰੀ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ
Chairman of Shirdi Saibaba Trust Suresh Haware
ਸਾਂਈਬਾਬਾ ਮੰਦਰ ਟਰੱਸਟ ਅਤੇ ਗੋਦਾਵਰੀ-ਮਰਾਠਵਾੜਾ ਸਿੰਚਾਈ ਵਿਕਾਸ ਨਿਗਮ ਨੇ ਇਸ ਦੇ ਲਈ ਸਹਿਮਤੀ ਪ੍ਰਗਟਾਉਂਦੇ ਹੋਏ ਦਸਤਾਵੇਜ਼ਾਂ 'ਤੇ ਹਸਤਾਖ਼ਰ ਕਰ ਲਏ ਹਨ। ਇਹ ਮੰਦਰ ਇਤਿਹਾਸ ਵਿਚ ਇਕ ਖਾਸ ਮਾਮਲਾ ਹੋਵੇਗਾ। ਅਧਿਕਾਰੀ ਨੇ ਦੱਸਿਆ ਕਿ ਇਸ ਪਰਿਯੋਜਨਾ ਦਾ ਕੰਮ ਬਹੁਤ ਚਿਰਾਂ ਤੋਂ ਲਟਕਦਾ ਆ ਰਿਹਾ ਹੈ । ਪਰਿਯੋਜਨਾ 'ਤੇ ਕੁਲ 1,200 ਕਰੋੜ ਰੁਪਏ ਖਰਚ ਹੋਣਗੇ।
Water Resources Dept. Maharashtra
ਜਿਸ ਦੇ ਲਈ ਮੰਦਰ ਟਰੱਸਟ ਨੇ 500 ਕਰੋੜ ਰੁਪਏ ਜਾਰੀ ਕੀਤੇ ਹਨ। ਜਲ ਸਰੋਤ ਵਿਭਾਗ ਇਸ ਸਾਲ ਦੇ ਬਜਟ ਵਿਚ 300 ਕਰੋੜ ਰੁਪਏ ਲੋੜੀਂਦੇ ਪ੍ਰਬੰਧਾਂ ਲਈ ਦੇ ਚੁੱਕਾ ਹੈ ਅਤੇ ਅਗਲੇ ਸਾਲ ਦੇ ਬਜਟ ਵਿਚ 400 ਕਰੋੜ ਰੁਪਏ ਦੇਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਆਸ ਹੈ ਕਿ ਨਹਿਰ ਦਾ ਕੰਮ ਦੋ ਸਾਲਾਂ ਤੱਕ ਪੂਰਾ ਹੋ ਜਾਵੇਗਾ।
