ਏਲਨਾਬਾਦ, 26 ਜੁਲਾਈ (ਪਰਦੀਪ ਧੁੰਨਾ ਚੂਹੜਚੱਕ): 132 ਕੇਵੀ ਸਬ ਸਟੇਸ਼ਨ ਮਿੱਠੀ ਸੁਰੇਰਾ ਦੇ 5 ਪਿੰਡਾਂ ਦੀ ਪਿਛਲੇ ਕਈ ਸਾਲਾਂ ਤੋਂ ਚਲਦੀ ਆ ਰਹੀ ਮੰਗ ਨੂੰ ਸਰਕਾਰ ਨੇ ਪੂਰਾ ਕਰ ਦਿਤਾ ਹੈ।

ਏਲਨਾਬਾਦ, 26 ਜੁਲਾਈ (ਪਰਦੀਪ ਧੁੰਨਾ ਚੂਹੜਚੱਕ): 132 ਕੇਵੀ ਸਬ ਸਟੇਸ਼ਨ ਮਿੱਠੀ ਸੁਰੇਰਾ ਦੇ 5 ਪਿੰਡਾਂ ਦੀ ਪਿਛਲੇ ਕਈ ਸਾਲਾਂ ਤੋਂ ਚਲਦੀ ਆ ਰਹੀ ਮੰਗ ਨੂੰ ਸਰਕਾਰ ਨੇ ਪੂਰਾ ਕਰ ਦਿਤਾ ਹੈ। ਏਲਨਾਬਾਦ ਦੇ ਪਿੰਡ ਮਿੱਠੀ ਸੁਰੇਰਾ, ਕਿਸ਼ਨਪੁਰਾ, ਕਰਮਸ਼ਾਨਾ, ਮਿਠਨਪੁਰਾ ਅਤੇ ਢਾਣੀ ਸ਼ੇਰਾਵਾਲੀ ਇਨ੍ਹਾਂ ਪਿੰਡਾਂ ਨੂੰ ਬਿਜਲੀ ਦੀ ਸਪਲਾਈ ਧੋਲਪਾਲੀਆ ਸਬ ਸਟੇਸ਼ਨ ਤੋਂ ਆ ਰਹੀ ਸੀ, ਇਸ ਕਾਰਨ ਬਿਜਲੀ ਦੀ ਸਪਲਾਈ ਘੱਟ ਹੋਣ ਦੇ ਨਾਲ-ਨਾਲ ਬਿਜਲੀ ਹਰ ਵਕਤ ਖ਼ਰਾਬ ਰਹਿੰਦੀ ਸੀ ਜਿਸ ਕਾਰਨ ਪਿੰਡਾਂ ਦੇ ਕਿਸਾਨਾਂ ਨੂੰ ਭਾਰੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਦਾ ਸੀ।
  ਪਿੰਡਾਂ ਵਾਲਿਆਂ ਦੀ ਸਰਕਾਰ ਤੋ ਮੰਗ ਸੀ ਕਿ ਇਨ੍ਹਾਂ ਪਿੰਡਾਂ ਦੀ ਬਿਜਲੀ ਦੀ ਸਪਲਾਈ132 ਕੇ ਵੀ ਸਬ ਸਟੇਸ਼ਨ ਮਿੱਠੀ ਸੁਰੇਰਾ ਤੋਂ ਕੀਤੀ ਜਾਵੇ। ਕਿਸਾਨਾਂ ਅਤੇ ਪਿੰਡ ਵਾਲਿਆਂ ਦੀ ਮੰਗ ਨੂੰ ਵੇਖਦੇ ਹੋਏ ਸਰਕਾਰ ਨੇ ਇਨ੍ਹਾਂ ਪਿੰਡਾਂ ਨੂੰ ਧੋਲਪਾਲੀਆ ਸਬ ਸਟੇਸ਼ਨ ਤੋਂ ਹਟਾ ਕੇ ਮਿੱਠੀ ਸੁਰੇਰਾ ਨਾਲ ਜੋੜ ਦਿਤਾ ਹੈ। ਹੁਣ ਇਨ੍ਹਾਂ ਪਿੰਡਾਂ ਬਿਜਲੀ ਸਪਲਾਈ ਵਿਚ ਆ ਰਹੀ ਪ੍ਰੇਸ਼ਾਨੀ ਦੂਰ ਹੋ ਜਾਵੇਗੀ।
   ਹਰਿਆਣਾ ਬੀਜ ਵਿਕਾਸ ਨਿਗਮ ਦੇ ਚੇਅਰਮੈਨ ਪਵਨ ਬੈਨੀਵਾਲ ਨੇ ਇਸ ਦਾ ਉਦਘਾਟਨ ਕੀਤਾ ਇਸ ਮੌਕੇ ਬਿਜਲੀ ਬੋਰਡ ਦੇ ਐਸਡੀਓ ਵਿਕਾਸ ਠਕਰਾਲ, ਨਗਰ ਪਾਲਿਕਾ ਦੇ ਚੇਅਰਮੈਨ ਰਵਿੰਦਰ ਕੁਮਾਰ ਲੱਢਾ, ਮਹਿਲਾ ਮੋਰਚਾ ਦੀ ਜ਼ਿਲ੍ਹਾ ਪ੍ਰਧਾਨ ਨਿਤਾਸ਼ਾ ਰਾਕੇਸ਼ ਸਿਹਾਗ, ਉਪ ਪ੍ਰਧਾਨ ਈਸ਼ਾ ਸਿੰਗਲਾ ਹਰਵਿੰਦਰ ਕੌਰ, ਹਰੀ ਤਲਵਾੜੀਆ, ਕਿਸ਼ਨਪੁਰਾ ਦੇ ਸਰਪੰਚ ਪ੍ਰਤਾਪ, ਅਨਿਲ ਲੱਢਾ, ਦਲਵੀਰ ਸਿੰਘ ਆਦਿ ਹਾਜ਼ਰ ਸਨ।