ਉਤਰਾਖੰਡ ਦੇ ਕੇਦਾਰਨਾਥ ਵਿਚ ਵੱਡਾ ਹਾਦਸਾ ਵਾਪਰਿਆ ਹੈ। ਇਥੇ ਇਕ ਐਮ-17 ਹੈਲੀਕਾਪਟਰ ਹਾਦਸਾਗ੍ਰਸਤ ਹੋਣ ਨਾਲ ਬੁਰੀ ਤਰ੍ਹਾਂ ਤਬਾਹ ਹੋ ਗਿਆ...
ਕੇਦਾਰਨਾਥ : ਉਤਰਾਖੰਡ ਦੇ ਕੇਦਾਰਨਾਥ ਵਿਚ ਵੱਡਾ ਹਾਦਸਾ ਵਾਪਰਿਆ ਹੈ। ਇਥੇ ਇਕ ਐਮ-17 ਹੈਲੀਕਾਪਟਰ ਹਾਦਸਾਗ੍ਰਸਤ ਹੋਣ ਨਾਲ ਬੁਰੀ ਤਰ੍ਹਾਂ ਤਬਾਹ ਹੋ ਗਿਆ। ਹਾਲਾਂਕਿ, ਹਾਦਸੇ ਵਿਚ ਕਿਸੇ ਦੇ ਮਾਰੇ ਜਾਣ ਦੀ ਖ਼ਬਰ ਨਹੀਂ ਹੈ। ਦਰਅਸਲ, ਭਾਰਤੀ ਹਵਾਈ ਫੌਜ ਦੇ ਇਸ ਹੈਲੀਕਾਪਟਰ ਵਿਚ ਉਸਾਰੀ ਕੰਮਾਂ ਨਾਲ ਜੁੜਿਆ ਸਮਾਨ ਭਰਿਆ ਹੋਇਆ ਸੀ।
ਗੁਪਤਕਾਸ਼ੀ ਤੋਂ ਇਹ ਹੈਲੀਕਾਪਟਰ ਕੇਦਾਰਨਾਥ ਜਾ ਰਿਹਾ ਸੀ, ਜਿਥੇ ਉਸਾਰੀ ਲਈ ਸਮਾਨ ਪਹੁੰਚਾਉਣਾ ਸੀ। ਇਸ ਦੌਰਾਨ ਐਮ-17 ਹਾਦਸਾਗ੍ਰਸਤ ਹੋ ਗਿਆ। ਹੈਲੀਕਾਪਟਰ ਵਿਚ ਜਿੰਨੇ ਇਕ ਵੀ ਲੋਕ ਸਨ, ਉਹ ਸੱਭ ਸੁਰੱਖਿਅਤ ਹਨ। ਪਰ ਹੈਲੀਕਾਪਟਰ ਨੂੰ ਕਾਫ਼ੀ ਨੁਕਸਾਨ ਪਹੁੰਚਿਆ ਹੈ। ਦਸਿਆ ਜਾ ਰਿਹਾ ਹੈ ਕਿ ਹੈਲੀਕਾਪਟਰ ਬੁਰੀ ਤਰ੍ਹਾਂ ਤਬਾਹ ਹੋ ਗਿਆ ਹੈ। ਹਾਲਾਂਕਿ ਹਾਦਸੇ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ।
ਜਿਕਰਯੋਗ ਹੈ ਕਿ ਕੇਦਾਰਨਾਥ ਵਿਚ 2013 ਵਿਚ ਕੁਦਰਤ ਆਫ਼ਤ ਨਾਲ ਭਾਰੀ ਨੁਕਸਾਨ ਹੋਇਆ ਸੀ। ਜਿਸ ਦੇ ਬਾਅਦ ਤੋਂ ਹੀ ਉਥੇ ਉਸਾਰੀ ਕਾਰਜ ਚਲ ਰਿਹਾ ਹੈ। ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਖ਼ੁਦ ਕੇਦਾਰਨਾਥ ਦੇ ਸੁਧਾਰ ਉਤੇ ਜ਼ੋਰ ਦਿੰਦੇ ਰਹੇ ਹਨ।