ਪਰਿਵਾਰ 'ਚ ਕੋਈ ਨਾ ਹੋਣ ਕਰਕੇ ਨਹੀਂ ਹੋਇਆ ਅਦਾਲਤ 'ਚ ਪੇਸ਼
ਕਨੌਜ— ਰੋਜ਼ਾਨਾ ਜ਼ਿੰਦਗੀ 'ਚ ਕਈ ਵਾਰ ਬਹੁਤ ਹੀ ਹੈਰਾਨੀਜਨਕ ਮਾਮਲੇ ਸਾਹਮਣੇ ਆਉਂਦੇ ਹਨ, ਜਿਨ੍ਹਾਂ 'ਤੇ ਯਕੀਨ ਕਰਨਾ ਮੁਸ਼ਕਿਲ ਹੋ ਜਾਂਦਾ ਹੈ। ਕਈ ਵਾਰ ਕਿਸੇ ਨੂੰ ਬਿਨਾਂ ਕਿਸੇ ਕਸੂਰ ਦੇ ਬੇਕਸੂਰ ਸਜ਼ਾ ਮਿਲ ਜਾਂਦੀ ਹੈ। ਬੰਦਾ ਆਪਣੀ ਸਾਰੀ ਜਵਾਨੀ ਜੇਲ੍ਹ ਵਿੱਚ ਬਿਤਾਉਂਦਾ ਹੈ। ਅਜਿਹਾ ਹੀ ਇੱਕ ਮਾਮਲਾ ਉੱਤਰ ਪ੍ਰਦੇਸ਼ ਦੇ ਕੰਨੌਜ ਦੇ ਛਿੱਬਰਾਮਾਊ ਤੋਂ ਸਾਹਮਣੇ ਆਇਆ ਹੈ। ਜਿੱਥੇ ਇੱਕ ਵਿਅਕਤੀ ਨੇ ਆਪਣੀ ਜ਼ਿੰਦਗੀ ਦੇ 3 ਦਹਾਕਿਆਂ ਤੋਂ ਵੱਧ ਸਮਾਂ ਬਿਨਾਂ ਕਿਸੇ ਗਲਤੀ ਦੇ ਜੇਲ੍ਹ ਵਿੱਚ ਗੁਜ਼ਾਰਿਆ। ਫਿਲਹਾਲ ਹਰਦੋਈ ਜੇਲ੍ਹ 'ਚ ਬੰਦ ਇਸ ਵਿਅਕਤੀ ਦੀ ਰਿਹਾਈ ਲਈ ਕਨੌਜ ਦੀ ਅਦਾਲਤ ਤੋਂ ਪਰਵਾਨਾ ਭੇਜ ਦਿੱਤਾ ਗਿਆ ।
ਜਾਣਕਾਰੀ ਅਨੁਸਾਰ ਫ਼ਿਰੋਜ਼ਾਬਾਦ ਦੇ ਮੁਹੱਲਾ ਕੰਬੋਹਣ ਦੇ ਰਹਿਣ ਵਾਲੇ ਰਾਜਿੰਦਰ ਸਿੰਘ ਨੇ 7 ਅਗਸਤ 1991 ਨੂੰ ਲੁੱਟ-ਖੋਹ ਦਾ ਮਾਮਲਾ ਦਰਜ ਕਰਵਾਇਆ ਸੀ। ਉਸ ਨੇ ਦੋਸ਼ ਲਾਇਆ ਸੀ ਕਿ ਛੀਬਰਾਮਾਉ ਦੇ ਬਜਾਰੀਆ ਵਿਖੇ ਕੁਝ ਲੋਕਾਂ ਨੇ ਉਸ ਦਾ ਗਹਿਣਿਆਂ ਨਾਲ ਭਰਿਆ ਬੈਗ ਲੁੱਟ ਲਿਆ। ਉਹ ਆਪਣੀ ਧੀ ਦੇ ਵਿਆਹ ਲਈ ਗਹਿਣੇ ਖਰੀਦ ਕੇ ਘਰ ਜਾ ਰਿਹਾ ਸੀ। ਪੁਲਿਸ ਨੇ ਜਲਦੀ ਹੀ ਮਾਮਲੇ ਦਾ ਖੁਲਾਸਾ ਕਰਨਾ ਸੀ। ਅਜਿਹੇ 'ਚ ਪੁਲਿਸ ਨੇ ਵਿਨੋਦ ਉਰਫ ਕੁਲੀਆ, ਰਾਮ ਉਰਫ ਰਮਾਸ਼ੰਕਰ, ਅਜੈ ਦੀਕਸ਼ਿਤ, ਰਾਮਪ੍ਰਕਾਸ਼ ਮਿਸ਼ਰਾ, ਉਮਾਕਾਂਤ ਮਿਸ਼ਰਾ, ਵਿਦਿਆਧਰ, ਨਰੇਸ਼ ਦੂਬੇ ਅਤੇ ਸਤੀਸ਼ ਚੰਦਰ ਵਾਸੀ ਛਿਬਰਾਮਾਉ ਨੂੰ ਗ੍ਰਿਫਤਾਰ ਕਰ ਲਿਆ। ਉਨ੍ਹਾਂ ਕੋਲੋਂ ਕੁਝ ਵੀ ਬਰਾਮਦ ਨਹੀਂ ਹੋਇਆ, ਪੁਲਿਸ ਨੇ ਉਨ੍ਹਾਂ ਦਾ ਚਲਾਨ ਕਰ ਦਿੱਤਾ।
ਕੇਸ ਅਦਾਲਤ ਵਿੱਚ ਆਉਣ ਤੋਂ ਬਾਅਦ ਵਕੀਲਾਂ ਨੇ ਬਾਕੀ ਮੁਲਜ਼ਮਾਂ ਦੀ ਪੈਰਵੀ ਕਰ ਕੇ ਉਨ੍ਹਾਂ ਨੂੰ ਰਿਹਾਅ ਕਰਵਾ ਦਿੱਤਾ, ਪਰ ਕੰਨੌਜ ਜ਼ਿਲ੍ਹੇ ਦੇ ਛਿਬਰਾਮਾਉ ਦੇ ਮੁਹੱਲਾ ਤਿਵਾਰੀਆਂ ਦਾ ਰਹਿਣ ਵਾਲਾ ਵਿਨੋਦ ਉਰਫ ਕੁਲੀਆ ਹੁਣ ਬਜ਼ੁਰਗ ਹੋ ਗਿਆ। ਉਸ ਦੇ ਪਰਿਵਾਰ ਵਿਚ ਕੋਈ ਮੈਂਬਰ ਨਾ ਹੋਣ ਕਾਰਨ ਉਹ ਜ਼ਿਲ੍ਹਾ ਅਦਾਲਤ ਵਿਚ ਪੇਸ਼ ਨਹੀਂ ਹੋ ਸਕਿਆ। ਅਜਿਹੇ ਵਿੱਚ ਉਹ 30 ਸਾਲ ਤੱਕ ਜੇਲ੍ਹ ਵਿੱਚ ਸੜਦਾ ਰਿਹਾ।
ਵਿਨੋਦ ਨੂੰ ਉਦੋਂ ਗ੍ਰਿਫਤਾਰ ਕੀਤਾ ਗਿਆ ਸੀ ਜਦੋਂ ਉਹ ਅਜੇ ਨਾਬਾਲਗ ਸੀ, ਪਰ ਹੁਣ ਉਹ 50 ਸਾਲਾਂ ਦਾ ਹੈ। ਚਿਹਰੇ 'ਤੇ ਝੁਰੜੀਆਂ ਹਨ, ਵਾਲ ਅਤੇ ਦਾੜ੍ਹੀ ਚਿੱਟੀ ਹੋ ਗਈ ਹੈ ਕਿਉਂਕਿ ਉਸ ਦਾ ਅਜੇ ਵਿਆਹ ਵੀ ਨਹੀਂ ਹੋਇਆ ਸੀ ਅਤੇ ਉਸ ਦੇ ਮਾਤਾ-ਪਿਤਾ ਦੀ ਮੌਤ ਜੇਲ੍ਹ ਵਿਚ ਹੀ ਹੋਈ ਸੀ। ਅਜਿਹੇ 'ਚ ਹੁਣ ਉਸ ਦੇ ਘਰ ਕੋਈ ਨਹੀਂ ਹੈ। ਸ਼ੁੱਕਰਵਾਰ ਨੂੰ ਉਸ ਨੂੰ ਦੋਸ਼ਾਂ ਤੋਂ ਬਰੀ ਕਰਦਿਆਂ ਰਿਹਾਈ ਦਾ ਹੁਕਮ ਜਾਰੀ ਕੀਤਾ ਗਿਆ ਹੈ।
