ਇਸ ਹਾਦਸੇ ਦੀਆਂ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਸੇਂਟ ਪੀਟਰਸਬਰਗ : ਰੂਸ ਦੇ ਸੇਂਟ ਪੀਟਰਸਬਰਗ ਵਿੱਚ ਐਤਵਾਰ ਨੂੰ ਇੱਕ ਕੈਫੇ ਵਿੱਚ ਧਮਾਕਾ ਹੋਇਆ। ਇਸ ਵਿੱਚ ਰੂਸ ਦੇ ਮਸ਼ਹੂਰ ਫੌਜੀ ਬਲਾਗਰ ਬਲੈਡਲੇਨ ਟਾਰਟਸਕੀ ਦੀ ਮੌਤ ਹੋ ਗਈ। ਇਸ ਘਟਨਾ 'ਚ 25 ਲੋਕ ਜ਼ਖਮੀ ਹੋਏ ਹਨ। ਨਿਊਜ਼ ਏਜੰਸੀ ਮੁਤਾਬਕ ਟੈਰਾਟਸਕੀ ਦਾ ਅਸਲੀ ਨਾਂ ਮੈਕਸਿਮ ਫੋਮਿਨ ਸੀ ਅਤੇ ਟੈਲੀਗ੍ਰਾਮ 'ਤੇ ਉਨ੍ਹਾਂ ਦੇ 5 ਲੱਖ ਤੋਂ ਜ਼ਿਆਦਾ ਫਾਲੋਅਰਜ਼ ਸਨ।
ਉਹ ਰੂਸ-ਯੂਕਰੇਨ ਯੁੱਧ 'ਤੇ ਟਿੱਪਣੀ ਕਰਨ ਲਈ ਪ੍ਰਸਿੱਧ ਹੋ ਗਿਆ ਸੀ। ਸਥਾਨਕ ਮੀਡੀਆ ਅਨੁਸਾਰ, ਧਮਾਕਾ ਰੂਸ ਲਈ ਲੜਨ ਵਾਲੀ ਵੈਗਨਰ ਪ੍ਰਾਈਵੇਟ ਮਿਲਟਰੀ ਦੇ ਸੰਸਥਾਪਕ ਯੇਵਗੇਨੀ ਪ੍ਰਿਗੋਜਿਨ ਦੀ ਮਲਕੀਅਤ ਵਾਲੇ ਸਟ੍ਰੀਟ ਫੂਡ ਬਾਰ ਕੈਫੇ ਨੰਬਰ 1 ਵਿੱਚ ਹੋਇਆ।
ਰੂਸੀ ਮੀਡੀਆ ਮੁਤਾਬਕ ਟੈਰਾਟਸਕੀ ਇਵੈਂਟ ਲਈ ਕੈਫੇ 'ਚ ਆਏ ਸਨ। ਉਦੋਂ ਇਕ ਔਰਤ ਖਾਣੇ ਦਾ ਡੱਬਾ ਲੈ ਕੇ ਉਸ ਕੋਲ ਪਹੁੰਚੀ ਤਾਂ ਧਮਾਕਾ ਹੋ ਗਿਆ। ਇਸ ਪ੍ਰੋਗਰਾਮ ਦਾ ਆਯੋਜਨ ਕਰਨ ਵਾਲੀ ਸੰਸਥਾ ਨੇ ਇਸ ਘਟਨਾ 'ਤੇ ਨਿਰਾਸ਼ਾ ਪ੍ਰਗਟਾਈ ਹੈ।
ਇਸ ਦੇ ਨਾਲ ਹੀ ਰੂਸ ਦੇ ਗ੍ਰਹਿ ਮੰਤਰਾਲੇ ਦੇ ਸੂਤਰਾਂ ਅਨੁਸਾਰ, ਔਰਤ ਜੋ ਡੱਬਾ ਲੈ ਕੇ ਆਈ ਸੀ, ਉਸ ਵਿੱਚ ਭੋਜਨ ਨਹੀਂ ਸੀ ਬਲਕਿ ਇੱਕ ਬੰਬ ਸੀ। ਇਸ ਹਾਦਸੇ ਦੀਆਂ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
