ਰਾਜੀਵ ਗਾਂਧੀ ਕਤਲ ਕੇਸ ਦੇ ਤਿੰਨ ਦੋਸ਼ੀ ਸ੍ਰੀਲੰਕਾ ਪਰਤੇ 
Published : Apr 3, 2024, 9:24 pm IST
Updated : Apr 3, 2024, 9:24 pm IST
SHARE ARTICLE
Three accused in the Rajiv Gandhi murder case
Three accused in the Rajiv Gandhi murder case

ਸੁਪਰੀਮ ਕੋਰਟ ਨੇ ਨਵੰਬਰ 2022 ’ਚ ਕਤਲ ਮਾਮਲੇ ’ਚ ਸੱਤ ਦੋਸ਼ੀਆਂ ਨੂੰ ਰਿਹਾਅ ਕਰ ਦਿਤਾ ਸੀ, ਜਿਨ੍ਹਾਂ ’ਚ ਤਿੰਨ ਸ਼੍ਰੀਲੰਕਾਈ ਨਾਗਰਿਕ ਵੀ ਸ਼ਾਮਲ ਸਨ

ਚੇਨਈ: ਰਾਜੀਵ ਗਾਂਧੀ ਕਤਲ ਮਾਮਲੇ ’ਚ ਤਿੰਨ ਮੁਲਜ਼ਮ ਬੁਧਵਾਰ ਨੂੰ ਸ਼੍ਰੀਲੰਕਾ ਪਰਤ ਆਏ। ਸ਼੍ਰੀਲੰਕਾ ਦੇ ਨਾਗਰਿਕ ਮੁਰੂਗਨ ਉਰਫ ਸ਼੍ਰੀਹਰਨ ਜੈਕੁਮਾਰ ਅਤੇ ਰਾਬਰਟ ਪਾਯਾਸ ਨੂੰ ਸੁਪਰੀਮ ਕੋਰਟ ਨੇ ਸਾਬਕਾ ਪ੍ਰਧਾਨ ਮੰਤਰੀ ਦੇ ਕਤਲ ਮਾਮਲੇ ’ਚ ਲਗਭਗ ਤਿੰਨ ਦਹਾਕੇ ਜੇਲ੍ਹ ’ਚ ਕੱਟਣ ਤੋਂ ਬਾਅਦ ਲਗਭਗ ਦੋ ਸਾਲ ਪਹਿਲਾਂ ਰਿਹਾਅ ਕਰ ਦਿਤਾ ਸੀ। 

ਅਧਿਕਾਰੀਆਂ ਨੇ ਦਸਿਆ ਕਿ ਮੁਰੂਗਨ ਉਰਫ ਸ਼੍ਰੀਹਰਨ ਜੈਕੁਮਾਰ ਅਤੇ ਰਾਬਰਟ ਪਾਯਾਸ ਬੁਧਵਾਰ ਨੂੰ ਸ਼੍ਰੀਲੰਕਾ ਦੀ ਉਡਾਣ ਰਾਹੀਂ ਕੋਲੰਬੋ ਲਈ ਰਵਾਨਾ ਹੋਏ। ਤਾਮਿਲਨਾਡੂ ਸਰਕਾਰ ਨੇ ਪਿਛਲੇ ਮਹੀਨੇ ਮਦਰਾਸ ਹਾਈ ਕੋਰਟ ਨੂੰ ਸੂਚਿਤ ਕੀਤਾ ਸੀ ਕਿ ਮੁਰੂਗਨ ਅਤੇ ਹੋਰਾਂ ਨੂੰ ਸ਼੍ਰੀਲੰਕਾ ਹਾਈ ਕਮਿਸ਼ਨ ਨੇ ਯਾਤਰਾ ਦਸਤਾਵੇਜ਼ ਜਾਰੀ ਕੀਤੇ ਹਨ ਅਤੇ ਵਿਦੇਸ਼ੀ ਖੇਤਰੀ ਰਜਿਸਟ੍ਰੇਸ਼ਨ ਦਫਤਰ (ਐਫ.ਆਰ.ਆਰ.ਓ.) ਵਲੋਂ ਦੇਸ਼ ਨਿਕਾਲੇ ਦੇ ਹੁਕਮ ਜਾਰੀ ਹੋਣ ਤੋਂ ਬਾਅਦ ਉਹ ਘਰ ਵਾਪਸ ਜਾ ਸਕਦੇ ਹਨ। ਮੁਰੂਗਨ ਨੇ ਅਦਾਲਤ ’ਚ ਪਟੀਸ਼ਨ ਦਾਇਰ ਕਰ ਕੇ ਸਬੰਧਤ ਅਧਿਕਾਰੀਆਂ ਨੂੰ ਉਸ ਨੂੰ ਫੋਟੋ ਪਛਾਣ ਪੱਤਰ ਪ੍ਰਦਾਨ ਕਰਨ ਦਾ ਹੁਕਮ ਦੇਣ ਦੀ ਮੰਗ ਕੀਤੀ ਸੀ। 

ਸੁਪਰੀਮ ਕੋਰਟ ਨੇ ਨਵੰਬਰ 2022 ’ਚ ਕਤਲ ਮਾਮਲੇ ’ਚ ਸੱਤ ਦੋਸ਼ੀਆਂ ਨੂੰ ਰਿਹਾਅ ਕਰ ਦਿਤਾ ਸੀ, ਜਿਨ੍ਹਾਂ ’ਚ ਤਿੰਨ ਸ਼੍ਰੀਲੰਕਾਈ ਨਾਗਰਿਕ ਵੀ ਸ਼ਾਮਲ ਸਨ। ਦੋਸ਼ੀਆਂ ਦੀ ਰਿਹਾਈ ਤੋਂ ਬਾਅਦ ਉਨ੍ਹਾਂ ਨੂੰ ਤਿਰੂਚਿਰਾਪੱਲੀ ਦੇ ਇਕ ਵਿਸ਼ੇਸ਼ ਕੈਂਪ ਵਿਚ ਰੱਖਿਆ ਗਿਆ ਸੀ। ਉਹ ਬੀਤੀ ਰਾਤ ਇੱਥੇ ਪਹੁੰਚੇ ਅਤੇ ਅੱਜ (ਬੁਧਵਾਰ) ਕੋਲੰਬੋ ਲਈ ਰਵਾਨਾ ਹੋ ਗਏ। 

ਇਸ ਤੋਂ ਪਹਿਲਾਂ ਮੁਰੂਗਨ ਦੀ ਪਤਨੀ ਨਲਿਨੀ ਨੇ ਵੀ ਅਦਾਲਤ ’ਚ ਪਟੀਸ਼ਨ ਦਾਇਰ ਕਰ ਕੇ ਅਧਿਕਾਰੀਆਂ ਨੂੰ ਹੁਕਮ ਦੇਣ ਦੀ ਮੰਗ ਕੀਤੀ ਸੀ ਕਿ ਉਹ ਅਪਣੇ ਪਤੀ ਨੂੰ ਸਾਰੇ ਦੇਸ਼ਾਂ ਦੇ ਪਾਸਪੋਰਟ ਹਾਸਲ ਕਰਨ ਲਈ ਸ਼੍ਰੀਲੰਕਾ ਹਾਈ ਕਮਿਸ਼ਨ ਦੇ ਸਾਹਮਣੇ ਪੇਸ਼ ਹੋਣ ਦੀ ਇਜਾਜ਼ਤ ਦੇਣ। ਜੋੜੇ ਦਾ ਟੀਚਾ ਅਪਣੀ ਧੀ ਨੂੰ ਮਿਲਣਾ ਹੈ, ਜੋ ਇਸ ਸਮੇਂ ਯੂਕੇ ’ਚ ਰਹਿੰਦੀ ਹੈ। ਇਸ ਮਾਮਲੇ ਵਿਚ ਦੋਸ਼ੀ ਕਰਾਰ ਦਿਤੇ ਗਏ ਇਕ ਹੋਰ ਸ਼੍ਰੀਲੰਕਾਈ ਨਾਗਰਿਕ ਸੰਥਨ ਦੀ ਹਾਲ ਹੀ ਵਿਚ ਇੱਥੇ ਮੌਤ ਹੋ ਗਈ ਸੀ। ਇਸ ਮਾਮਲੇ ’ਚ ਦੋਸ਼ੀ ਠਹਿਰਾਏ ਗਏ ਅਤੇ ਰਿਹਾਅ ਕੀਤੇ ਗਏ ਹੋਰ ਸਾਰੇ ਭਾਰਤੀ ਹਨ। 

ਰਿਹਾਅ ਕੀਤੇ ਗਏ ਦੋਸ਼ੀਆਂ ਦੀ ਪਛਾਣ ਪੇਰਾਰੀਵਲਨ, ਰਵੀਚੰਦਰਨ ਅਤੇ ਨਲਿਨੀ ਵਜੋਂ ਹੋਈ ਹੈ। ਸਾਰੇ ਸੱਤ ਦੋਸ਼ੀ 30 ਸਾਲ ਤੋਂ ਵੱਧ ਜੇਲ੍ਹ ’ਚ ਬਿਤਾ ਚੁਕੇ ਸਨ। ਨਲਿਨੀ ਨੇ ਘਰ ਵਾਪਸ ਜਾਣ ਤੋਂ ਪਹਿਲਾਂ ਬੁਧਵਾਰ ਨੂੰ ਹਵਾਈ ਅੱਡੇ ’ਤੇ ਮੁਰੂਗਨ ਅਤੇ ਹੋਰਾਂ ਨਾਲ ਮੁਲਾਕਾਤ ਕੀਤੀ। ਰਾਜੀਵ ਗਾਂਧੀ ਦੀ 21 ਮਈ, 1991 ਦੀ ਰਾਤ ਨੂੰ ਸ਼੍ਰੀਪੇਰੰਬਦੂਰ ਨੇੜੇ ਇਕ ਚੋਣ ਰੈਲੀ ਦੌਰਾਨ ਐਲ.ਟੀ.ਟੀ.ਈ. ਦੇ ਆਤਮਘਾਤੀ ਹਮਲਾਵਰ ਧਨੁ ਨੇ ਹੱਤਿਆ ਕਰ ਦਿਤੀ ਸੀ। ਇਸ ਮਾਮਲੇ ਵਿਚ ਦੋਸ਼ੀ ਠਹਿਰਾਏ ਗਏ ਸੱਤ ਵਿਅਕਤੀਆਂ ਵਿਚੋਂ ਨਲਿਨੀ ਸਮੇਤ ਚਾਰ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਸੀ ਪਰ ਬਾਅਦ ਵਿਚ ਇਸ ਨੂੰ ਉਮਰ ਕੈਦ ਵਿਚ ਬਦਲ ਦਿਤਾ ਗਿਆ ਸੀ। 

Tags: rajiv gandhi

SHARE ARTICLE

ਏਜੰਸੀ

Advertisement

Punjab Flood News : Sutlej River ਦੇ ਪਾਣੀ ਨੇ ਡੋਬੇ ਸੈਂਕੜੇ ਪਿੰਡ, 'ਕੋਠੀਆਂ ਟੁੱਟ-ਟੁੱਟ ਪਾਣੀ 'ਚ ਡਿੱਗ ਰਹੀਆਂ'

01 Sep 2025 3:21 PM

Punjab Flood : ਮਿੰਟਾਂ-ਸਕਿੰਟਾਂ 'ਚ ਤੋੜ ਦਿੱਤਾ ਧੁੱਸੀ ਬੰਨ੍ਹ, ਹੜ੍ਹ ਦੀ ਤਬਾਹੀ ਦੇਖ ਕੇ ਬਜ਼ੁਰਗ ਫੁੱਟ-ਫੁੱਟ ਰੋਇਆ

01 Sep 2025 3:20 PM

Punjab Flood Emotional Video : ਮੀਂਹ ਨਾਲ ਚੋਂਦੀ ਛੱਤ ਥੱਲੇ ਬੈਠੀ ਬਜ਼ੁਰਗ ਮਾਤਾ, ਹਾਲਾਤ ਦੱਸਦਿਆਂ ਰੋ ਪਈ

29 Aug 2025 3:12 PM

Flood News : Madhopur ਹੈੱਡ ਵਰਕਸ ਦੇ ਕਿਉਂ ਟੁੱਟੇ Flood Gate? ਹੁਣ ਕਿੰਝ ਕਾਬੂ ਹੋਵੇਗਾ Ravi River ਦਾ ਪਾਣੀ ?

29 Aug 2025 3:11 PM

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM
Advertisement