Jaipur-Chandigarh Indigo flight News : ਪਾਇਲਟ ਨੇ ਸਮਝਦਾਰੀ ਨਾਲ ਜਹਾਜ਼ ਨੂੰ ਉਤਾਰਿਆ ਸੁਰੱਖਿਅਤ, ਜਾਂਚ ਦੇ ਹੁਕਮ ਜਾਰੀ
Both engines of Jaipur-Chandigarh Indigo flight fail for some time Latest News in Punjabi : ਜੈਪੁਰ ਤੋਂ ਚੰਡੀਗੜ੍ਹ ਜਾ ਰਹੀ ਇੰਡੀਗੋ ਏਅਰਲਾਈਨਜ਼ ਦੀ ਉਡਾਣ 6E-7742 ਬੀਤੇ ਦਿਨ ਨੂੰ ਉਤਰਨ ਤੋਂ ਪਹਿਲਾਂ ਅਚਾਨਕ ਖ਼ਰਾਬ ਹੋ ਗਈ। ਚੰਡੀਗੜ੍ਹ ਪਹੁੰਚਣ ਤੋਂ ਠੀਕ ਪਹਿਲਾਂ, ਫ਼ਲਾਈਟ ਦੇ ਦੋਵੇਂ ਇੰਜਣ ਕੁੱਝ ਸਮੇਂ ਲਈ ਕੰਮ ਕਰਨਾ ਬੰਦ ਕਰ ਗਏ। ਜਾਣਕਾਰੀ ਅਨੁਸਾਰ, ਆਟੋ ਇਗਨੀਸ਼ਨ ਸਿਸਟਮ ਨੇ ਤੁਰਤ ਦੋਵੇਂ ਇੰਜਣ ਚਾਲੂ ਕਰ ਦਿਤੇ ਅਤੇ ਫਿਰ ਜਹਾਜ਼ ਨੂੰ ਲੈਂਡ ਕੀਤਾ ਗਿਆ। ਡੀਜੀਸੀਏ ਨੇ ਇਸ ਪੂਰੇ ਮਾਮਲੇ ਦੀ ਜਾਂਚ ਦੇ ਹੁਕਮ ਦਿਤੇ ਹਨ।
ਜਾਣਕਾਰੀ ਅਨੁਸਾਰ, ਇੰਜਣ ਵਿਚ ਲਾਟ ਨਿਕਲਣਾ (ਫਲੇਮ ਆਊਟ) ਬੰਦ ਹੋ ਗਿਆ ਸੀ। ਦਰਅਸਲ, ਇੰਡੀਗੋ ਏਅਰਲਾਈਨਜ਼ ਦੀ ਉਡਾਣ 6E-7742 ਨੇ ਬੀਤੇ ਦਿਨ ਸਵੇਰੇ 5.50 ਵਜੇ ਜੈਪੁਰ ਹਵਾਈ ਅੱਡੇ ਤੋਂ ਚੰਡੀਗੜ੍ਹ ਲਈ ਉਡਾਣ ਭਰੀ। ਇਸ ਨੇ ਸਵੇਰੇ 7 ਵਜੇ ਚੰਡੀਗੜ੍ਹ ਪਹੁੰਚਣਾ ਸੀ, ਲਗਭਗ ਇਕ ਘੰਟਾ 10 ਮਿੰਟ ਬਾਅਦ, ਲੈਂਡਿੰਗ ਤੋਂ ਲਗਭਗ 15 ਮਿੰਟ ਪਹਿਲਾਂ, ਫ਼ਲਾਈਟ ਦੇ ਇਕ ਇੰਜਣ ਵਿਚ ਅਚਾਨਕ ਫਲੇਮ ਆਊਟ ਦੀ ਸਮੱਸਿਆ ਆ ਗਈ (ਇੰਜਣ ਜਲਨਾ ਬੰਦ ਹੋ ਗਿਆ)।
ਜਾਣਕਾਰੀ ਅਨੁਸਾਰ ਏਅਰਲਾਈਨ ਅਧਿਕਾਰੀਆਂ ਨੇ ਕਿਹਾ ਕਿ ਮੌਸਮ ਨਾਲ ਸਬੰਧਤ ਕਾਰਨਾਂ ਕਰ ਕੇ ਇੰਜਣ ਖ਼ਰਾਬ ਹੋ ਗਿਆ, ਜਿਸ ਕਾਰਨ ਪ੍ਰੋਪੈਲਰ ਸਪੀਡ (RPM) ਵਿਚ ਕਮੀ ਆਈ ਅਤੇ ਇੰਜਣ ਦੀ ਫ਼ਾਇਰਿੰਗ ਕੁੱਝ ਸਕਿੰਟਾਂ ਲਈ ਬੰਦ ਹੋ ਗਈ। ਹਾਲਾਂਕਿ, ਇੰਜਣ ਕੰਟਰੋਲ ਸਿਸਟਮ ਨੇ ਛੇਤੀ ਹੀ ਸਮੱਸਿਆ ਦਾ ਪਤਾ ਲਗਾ ਲਿਆ ਅਤੇ ਉਸ ਨੂੰ ਠੀਕ ਕਰ ਦਿਤਾ। ਉਡਾਣ ਦੌਰਾਨ ਯਾਤਰੀਆਂ ਨੂੰ ਕੁੱਝ ਵੀ ਅਸਾਧਾਰਨ ਅਨੁਭਵ ਨਹੀਂ ਹੋਇਆ।
ਸੂਤਰਾਂ ਅਨੁਸਾਰ ਜਦੋਂ ਜਹਾਜ਼ ਚੰਡੀਗੜ੍ਹ ਵਿਚ ਉਤਰ ਰਿਹਾ ਸੀ। ਉਸ ਸਮੇਂ ਬਹੁਤ ਤੇਜ਼ ਮੀਂਹ ਪੈ ਰਿਹਾ ਸੀ। ਇਸ ਨੂੰ ਵੀ ਇੰਜਣ ਫ਼ੇਲ ਹੋਣ ਦਾ ਇਕ ਕਾਰਨ ਮੰਨਿਆ ਜਾ ਰਿਹਾ ਹੈ।
ਇਸ ਘਟਨਾ ਤੋਂ ਬਾਅਦ, ਸਿਵਲ ਏਵੀਏਸ਼ਨ ਦੇ ਡਾਇਰੈਕਟਰ ਜਨਰਲ ਨੇ ਪੂਰੇ ਮਾਮਲੇ ਦੀ ਜਾਂਚ ਦੇ ਹੁਕਮ ਦਿਤੇ ਹਨ। ਜਿਸ ਦੇ ਅਨੁਸਾਰ ਆਖ਼ਰੀ ਸਮੇਂ 'ਤੇ ਜਹਾਜ਼ ਦੇ ਦੋਵੇਂ ਇੰਜਣ ਇਕੋ ਸਮੇਂ ਕਿਵੇਂ ਫ਼ੇਲ ਹੋ ਗਏ? ਕੀ ਉਡਾਣ ਤੋਂ ਪਹਿਲਾਂ ਜਹਾਜ਼ ਦੀ ਤਕਨੀਕੀ ਤੌਰ 'ਤੇ ਜਾਂਚ ਨਹੀਂ ਕੀਤੀ ਗਈ ਸੀ? ਕੀ ਕਿਸੇ ਨੇ ਜਾਣਬੁੱਝ ਕੇ ਜਹਾਜ਼ ਵਿਚ ਤਕਨੀਕੀ ਖ਼ਰਾਬੀ ਪੈਦਾ ਕੀਤੀ? ਆਦਿ ਨੁਕਤਿਆਂ ਦੀ ਜਾਂਚ ਕੀਤੀ ਜਾਵੇਗੀ। ਇਸ ਸਬੰਧੀ ਜਹਾਜ਼ ਬਣਾਉਣ ਵਾਲੀ ਕੰਪਨੀ ਨੂੰ ਵੀ ਜਾਂਚ ਦੇ ਹੁਕਮ ਦਿਤੇ ਗਏ ਹਨ।
