Aditya G. Nair sets world record : ਸੰਸਕ੍ਰਿਤ ’ਚ ਸ੍ਰੀ ਗਣਪਤੀ ਅਥਰਵਸ਼ੀਰਸ਼ਾ ਦੇ ਸੁਰੀਲੇ ਗਾਇਨ ਨਾਲ ਰਚਿਆ ਇਤਿਹਾਸ
10-year-old singer Master Aditya G. Nair sets world record Latest News in Punjabi : ਮੁੰਬਈ : ਭਗਤੀ ਸੰਗੀਤ ਤੇ ਨੌਜਵਾਨ ਕਲਾ ਲਈ ਇਕ ਮਹੱਤਵਪੂਰਨ ਪ੍ਰਾਪਤੀ ਵਿਚ, 10 ਸਾਲਾ ਗਾਇਕ ਮਾਸਟਰ ਆਦਿਤਿਆ ਜੀ. ਨਾਇਰ ਨੇ ਸ੍ਰੀ ਗਣਪਤੀ ਅਥਰਵਸ਼ੀਰਸ਼ਾ ਦੇ ਅਪਣੇ ਸ਼ਕਤੀਸ਼ਾਲੀ ਤੇ ਸੁਰੀਲੇ ਸੰਸਕ੍ਰਿਤ ਗਾਇਨ ਨਾਲ ਇਤਿਹਾਸ ਰਚਿਆ ਹੈ।
ਇਹ ਇਤਿਹਾਸਕ ਪ੍ਰਾਪਤੀ ਉਸ ਨੂੰ ਇਸ ਸਤਿਕਾਰਯੋਗ ਵੈਦਿਕ ਜਾਪ ਨੂੰ ਇਸ ਦੇ ਮੂਲ ਸੰਸਕ੍ਰਿਤ ਰੂਪ ਵਿਚ ਪੇਸ਼ ਕਰਨ ਅਤੇ ਕਿਊਰੇਟ ਕਰਨ ਵਾਲੇ ਵਿਸ਼ਵ ਪੱਧਰ ’ਤੇ ਸੱਭ ਤੋਂ ਘੱਟ ਉਮਰ ਦੇ ਗਾਇਕ ਵਜੋਂ ਸਥਾਪਤ ਕਰਦੀ ਹੈ। ਆਦਿਤਿਆ ਦੀ ਪੇਸ਼ਕਾਰੀ ਭਾਰਤ ਦੀਆਂ ਪ੍ਰਾਚੀਨ ਅਧਿਆਤਮਕ ਪਰੰਪਰਾਵਾਂ ਨੂੰ ਸ਼ਰਧਾਂਜਲੀ ਤੇ ਨੌਜਵਾਨ ਮਨਾਂ ਦੀਆਂ ਅਸਾਧਾਰਨ ਯੋਗਤਾਵਾਂ ਦਾ ਪ੍ਰਮਾਣ ਹੈ।
ਇਸ ਦੌਰਾਨ ਗੱਲ ਕਰਦੇ ਹੋਏ ਆਦਿੱਤਿਆ ਨੇ ਕਿਹਾ ਕਿ ਮੈਨੂੰ ਯਾਦ ਹੈ ਕਿ ਮੇਰੇ ਸਵ. ਦਾਦਾ ਜੀ ਡਾ. ਕੇ.ਐਸ.ਆਰ. ਨਾਇਰ ਸ੍ਰੀ ਗਣਪਤੀ ਅਥਰਵਸ਼ੀਰਸ਼ ਦਾ ਜਾਪ ਕਰਦੇ ਸਨ ਅਤੇ ਮੈਨੂੰ ਉਨ੍ਹਾਂ ਨਾਲ ਜੁੜਨ ਲਈ ਉਤਸ਼ਾਹਤ ਕਰਦੇ ਸਨ। ਇਸ ਤਰ੍ਹਾਂ ਮੈਂ ਸੰਸਕ੍ਰਿਤ ਨਾਲ ਜਾਣੂ ਹੋ ਗਿਆ।
ਆਦਿੱਤਿਆ ਨੇ ਅੱਗੇ ਦਸਿਆ ਕਿ ਮੈਂ ਅਪਣੇ ਪਿਤਾ ਦੀ ਮਦਦ ਨਾਲ, ਮੈਂ ਹਰ ਪੰਗਤੀ ਦਾ ਅਭਿਆਸ ਕੀਤਾ ਤੇ ਅੰਤ ਵਿਚ ਇਸ ਨੂੰ ਸਟੂਡੀਉ ਵਿਚ ਰਿਕਾਰਡ ਕੀਤਾ। ਇਹ ਮੁਸ਼ਕਲ ਸੀ, ਪਰ ਬਹੁਤ ਫਲਦਾਇਕ ਸੀ। ਉਨ੍ਹਾਂ ਨੇ ਕਿਹਾ ਕਿ ਇਹ ਇਕ ਚੁਣੌਤੀਪੂਰਨ ਰਚਨਾ ਸੀ।
