ਪਿਛਲੇ ਕੁੱਝ ਦਿਨਾਂ ਵਿਚ ਉੱਤਰ ਪੂਰਬੀ ਦਿੱਲੀ ਵਿਚ ਹਰ ਪਾਸੇ ਤਬਾਹੀ ਹੀ ਤਬਾਹੀ ਦੇਖਣ ਨੂੰ ਮਿਲ ਰਹੀ ਸੀ। ਸੜਕਾਂ ਖੂਨ ਨਾਲ ਲਥਪਥ ਨਜ਼ਰ ਆ ਰਹੀਆਂ ਸਨ।
ਨਵੀਂ ਦਿੱਲੀ- ਪਿਛਲੇ ਕੁੱਝ ਦਿਨਾਂ ਵਿਚ ਉੱਤਰ ਪੂਰਬੀ ਦਿੱਲੀ ਵਿਚ ਹਰ ਪਾਸੇ ਤਬਾਹੀ ਹੀ ਤਬਾਹੀ ਦੇਖਣ ਨੂੰ ਮਿਲ ਰਹੀ ਸੀ। ਸੜਕਾਂ ਖੂਨ ਨਾਲ ਲਥਪਥ ਨਜ਼ਰ ਆ ਰਹੀਆਂ ਸਨ। ਥਾਂ-ਥਾਂ ‘ਤੇ ਅੱਗ ਵਿਚ ਸੜੇ ਵਾਹਨ ਨਜ਼ਰ ਆ ਰਹੇ ਸਨ। ਨਾਗਰਿਕਤਾ ਸੋਧ ਕਾਨੂੰਨ ਦਾ ਵਿਰੋਧ ਕਰ ਰਹੇ ਲੋਕਾਂ ਨੇ ਜਾਫ਼ਰਾਬਾਦ ਮੈਟਰੋ ਸਟੇਸ਼ਨ ਦੇ ਹੇਠਲਾ ਰਸਤਾ ਵੀ ਜਾਮ ਕਰ ਦਿੱਤਾ ਸੀ ਇਹ ਵੀ ਦੱਸਿਆ ਜਾ ਰਿਹਾ ਸੀ ਕਿ ਇਸ ਤੋਂ ਬਾਅਦ ਮੌਜਪੁਰ ਵਿਚ ਵੀ ਸਥਿਤੀ ਖ਼ਰਾਬ ਹੋਈ, ਜੋ ਦੇਖਦੇ ਹੀ ਦੇਖਦੇ ਹਿੰਸਾ ਵਿਚ ਬਦਲ ਗਈ।
Muslim
ਇਸ ਹਿੰਸਾ ਦੇ ਤਹਿਤ ਕੁੱਝ ਲੋਕ ਅਜਿਹੇ ਵੀ ਸਨ ਜਿਹਨਾਂ ਨੇ ਇਨਸਾਨੀਅਤ ਦੀ ਮਿਸਾਲ ਪੈਦਾ ਕੀਤੀ ਅਤੇ ਆਪਣੀ ਜਾਨ 'ਤੇ ਖੇਡ ਕੇ ਕਈਆਂ ਦੀ ਜਾਨ ਵੀ ਬਚਾਈ। ਅਜਿਹੇ ਵਿਚ ਇਕ ਸਰਦਾਰ ਮੁਹਿੰਦਰ ਸਿੰਘ ਵੀ ਸੀ ਜਿਸ ਨੇ 50 ਤੋਂ 60 ਦੇ ਕਰੀਬ ਲੋਕਾਂ ਦੀ ਦੰਗਾਕਾਰੀਆਂ ਤੋਂ ਜਾਨ ਬਚਾਈ। ਇਸ ਸਾਰੀ ਹਿੰਸਾ ਬਾਰੇ ਮੁਹਿੰਦਰ ਸਿੰਘ ਨੇ ਸਪੋਕਸਮੈਨ ਟੀਵੀ ਨਾਲ ਖਾਸ ਗੱਲਬਾਤ ਕੀਤੀ।
Mohinder Singh
ਗੱਲਬਾਤ ਦੌਰਾਨ ਮੁਹਿੰਦਰ ਸਿੰਘ ਨੇ ਕਿਹਾ ਕਿ 24 ਤਾਰੀਕ ਰਾਤ ਨੂੰ ਹਰ ਰੋਜ਼ ਦੀ ਤਰ੍ਹਾਂ ਉਹ ਆਪਣੀ ਦੁਕਾਨ ਤੇ ਕੰਮ ਕਰ ਰਹੇ ਸਨ। ਉਹਨਾਂ ਨੇ ਕਿਹਾ ਕਿ ਵੇਖਦੇ ਹੀ ਵੇਖਦੇ ਇਕ ਭੀੜ ਆਈ ਜਿਹਨਾਂ ਦੇ ਹੱਥ ਵਿਚ ਲਾਠੀਆਂ ਵੀ ਸਨ ਅਤੇ ਉਹ ਕੁੱਝ ਸੰਪਰਦਾਇਕ ਨਾਅਰੇ ਵੀ ਲਾ ਰਹੇ ਸਨ। ਉਹਨਾਂ ਕਿਹਾ ਕਿ ਵੇਖਦੇ ਹੀ ਵੇਖਦੇ ਹਾਲਾਤ ਤਣਾਅ ਪੂਰਨ ਹੋ ਗਏ। ਉਹਨਾਂ ਕਿਹਾ ਕਿ ਉਹਨਾਂ ਦੀ ਇਕ ਇਲੈਕਟ੍ਰਾਨਿਕ ਦੀ ਦੁਕਾਨ ਹੈ ਜਿਸ ਦੇ ਕੋਲ ਇਕ ਮਸਜਿਦ ਵੀ ਹੈ।
Mosque
ਉਹਨਾਂ ਕਿਹਾ ਕਿ ਸ਼ਾਮ ਦਾ ਸਮਾਂ ਹੋਣ ਕਰ ਕੇ ਮਸਜਿਦ ਵਿਚ ਨਮਾਜ਼ ਕਰਨ ਲਈ ਕਾਫੀ ਮੁਸਲਿਮ ਵੀ ਆਏ ਹੋਏ ਸਨ ਅਤੇ ਮੁਹਿੰਦਰ ਸਿੰਘ ਦੇ ਘਰ ਪਿਛਲੇ ਪਾਸੇ ਵੀ ਕਾਫੀ ਜ਼ਿਆਦਾ ਮੁਸਲਿਮ ਰਹਿੰਦੇ ਸਨ। ਉਹਨਾਂ ਕਿਹਾ ਕਿ ਇਸ ਤਣਾਅ ਨੂੰ ਦੇਖਦੇ ਹੋਏ ਸਾਰੇ ਮੁਸਲਿਮ ਭਰਾਵਾਂ ਨੇ ਪਹਿਲਾਂ ਤਾਂ ਮਸਜਿਦ ਦੇ ਦਰਵਾਜ਼ੇ ਬੰਦ ਕਰ ਲਏ ਸਨ। ਮੁਹਿੰਦਰ ਸਿੰਘ ਨੇ ਕਿਹਾ ਕਿ ਉਹਨਾਂ ਨੂੰ ਮਸਜਿਦ ਦੇ ਅੰਦਰੋਂ ਹੀ ਇਕ ਕਾਲ ਆਈ ਕਿ ਉਹਨਾਂ ਨੂੰ ਇਸ ਦੰਗਾਕਾਰੀਆਂ ਦੇ ਮਾਹੌਲ ਤੋਂ ਬਚਾ ਕੇ ਮਸਜਿਦ ਵਿਚੋਂ ਬਾਹਰ ਕੱਢਿਆ ਜਾਵੇ
Delhi
ਪਰ ਮੁਹਿੰਦਰ ਸਿੰਘ ਨੇ ਕਿਹਾ ਕਿ ਐਨੀ ਭੀੜ ਨੂੰ ਦੇਖਦੇ ਹੋਏ ਇਸ ਭੀੜ ਤੋਂ ਬਚਾ ਕੇ ਉਹਨਾਂ ਮੁਸਲਿਮ ਭਾਈਆਂ ਨੂੰ ਕੱਢਣਾ ਬਹੁਤ ਔਖਾ ਸੀ। ਉਹਨਾਂ ਕਿਹਾ ਕਿ ਮਾਰਕਿਟ ਬੰਦ ਹੋਣ ਕਰ ਕੇ ਉਹ ਇਕੱਲੇ ਹੀ ਇਸ ਮਾਰਕਿਟ ਵਿਚ ਸਨ ਪਰ ਫਿਰ ਵੀ ਉਹਨਾਂ ਨੇ ਫੋਨ ਕਰ ਕੇ ਆਪਣੇ ਬੇਟੇ ਇੰਦਰਜੀਤ ਨੂੰ ਕਿਹਾ ਕਿ ਸਾਰੀ ਘਟਨਾ ਬਾਰੇ ਦੱਸਿਆ ਅਤੇ ਉਹਨਾਂ ਆਪਣੇ ਬੇਟੇ ਨੂੰ ਕਿਹਾ ਕਿ ਉਹ ਕਿਸੇ ਨਾ ਕਿਸੇ ਤਰੀਕੇ ਨਾਲ ਬਚ ਕੇ ਇੱਥੇ ਆਉਣ। ਮੁਹਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਉਹਨਾਂ ਦੇ ਧਰਮ ਨੇ ਉਹਨਾਂ ਨੂੰ ਜੋ ਵੀ ਸਿਖਾਇਆ ਹੈ ਉਸ ਹਿਸਾਬ ਨਾਲ ਉਹਨਾਂ ਸੋਚਿਆ ਕਿ ਇਹਨਾਂ ਮੁਸਲਿਮ ਭਰਾਵਾਂ ਦੀ ਮਦਦ ਜਰੂਰ ਕਰਨੀ ਹੈ।
Muslim
ਉਹਨਾਂ ਕਿਹਾ ਕਿ ਉਹਨਾਂ ਦਾ ਬੇਟਾ ਇਕ ਬਾਈਕ ਲੈ ਕੇ ਆਇਆ ਅਤੇ ਉਹਨਾਂ ਕੋਲ ਵੀ ਇਕ ਸਕੂਟੀ ਸੀ ਅਤੇ ਉਹਨਾਂ ਨੇ ਇਕ ਇਕ ਕਰ ਕੇ ਸਭ ਤੋਂ ਪਹਿਲਾਂ ਤਾਂ ਮਸਜਿਦ ਵਿਚੋਂ ਬੱਚੀਆਂ ਨੂੰ ਕੱਢਿਆ। ਉਹਨਾਂ ਕਿਹਾ ਕਿ ਉਹਨਾਂ ਨੇ ਹੌਲੀ ਹੌਲੀ ਕਰ ਕੇ 20-20 ਚੱਕਰ ਕੱਢ ਕੇ ਸਾਰਿਆਂ ਨੂੰ ਪੱਗਾਂ ਬੰਨ੍ਹ ਕੇ ਬਾਹਰ ਕ4ਢਿਆ ਤਾਂ ਕਿ ਉਹਨਾਂ ਦੇ ਕੋਈ ਚੋਟ ਨਾ ਲੱਗੇ।
Mosque
ਮੁਹਿੰਦਰ ਸਿੰਘ ਨੇ ਕਿਹਾ ਕਿ ਸਭ ਤੋਂ ਪਹਿਲਾਂ ਇਸ ਭੀੜ ਨੇ ਮੁਸਲਿਮ ਭਰਾਵਾਂ ਦੀਆਂ ਸਾਰੀਆਂ ਦੁਕਾਨਾਂ ਲੁੱਟੀਆਂ ਅਤੇ ਫਿਰ ਉਹਨਾਂ ਨੂੰ ਅੱਗ ਲਗਾ ਦਿੱਤੀ ਗਈ ਉਹਨਾਂ ਕਿਹਾ ਕਿ ਕੋਈ ਵੀ ਮੁਸਲਿਮ ਭਰਾ ਅਜਿਹਾ ਨਹੀਂ ਹੈ ਜਿਸ ਦੀ ਦੁਕਾਨ ਨਾ ਲੁੱਟੀ ਗਈ ਹੋਵੇ। ਉਹਨਾਂ ਕਿਹਾ ਕਿ ਉਹਨਾਂ ਨੇ 84 ਦੀਆਂ ਪੀੜਾਂ ਝੱਲੀ ਹੈ ਅਤੇ ਉਸ ਸਮੇਂ ਵੀ ਕਈ ਹਿੰਦੂ ਮੁਸਲਿਮ ਭਰਾਵਾਂ ਨੇ ਉਹਨਾਂ ਨੂੰ ਬਚਾਇਆ ਸੀ ਅਤੇ ਸ਼ਾਇਦ ਇਹ ਵੀ ਸਾਡੇ ਤੇ ਕਰਜ ਹੀ ਸੀ ਜੋ ਅਸੀਂ ਇਹਨਾਂ ਮੁਸਲਿਮ ਭਰਾਵਾਂ ਨੂੰ ਬਚਾ ਕੇ ਉਤਾਰਿਆ ਹੈ। ਆਖਿਰ ਤੇ ਉਹਨਾਂ ਨੇ ਕਿਹਾ ਕਿ ਉਹ ਇਹਨਾਂ ਦੰਗਿਆਂ ਪਿੱਚੇ ਰਾਜਨੀਤਿਕ ਕਾਰਨ ਮੰਨਦੇ ਹਨ ਹੁਣ ਵੀ ਤੇ 84 ਵਿਚ ਵੀ।
