‘ਨਮੋ ਟੀਵੀ’ ਇਕ ਨਿਊਜ਼ ਸਰਵਿਸ ਹੈ ਜਾਂ ਵਿਗਿਆਪਨ ਪਲੇਟਫਾਰਮ
ਨਵੀਂ ਦਿੱਲੀ: ਡੀਟੀਐਸ ਸੇਵਾ ਮੁਹੱਈਆ ਕਰਵਾਉਣ ਵਾਲੇ ਟਾਟਾ ਸਕਾਈ ਦਾ ਕਹਿਣਾ ਹੈ ਕਿ ‘ਨਮੋ ਟੀਵੀ’ ਇਕ ਹਿੰਦੀ ਨਿਊਜ਼ ਸਰਵਿਸ ਹੈ ਜੋ ਰਾਸ਼ਟਰੀ ਰਾਜਨੀਤੀ ਤੇ ਤਾਜ਼ਾਤਰੀਨ ਬ੍ਰੇਕਿੰਗ ਨਿਊਜ਼ ਮੁਹੱਈਆ ਕਰਵਾਉਂਦੀ ਹੈ। ਟਾਟਾ ਸਕਾਈ ਨੇ ਟਵੀਟ ਕਰਕੇ ਸਰਕਾਰ ਦੇ ਉਸ ਦਾਅਵੇ ਦਾ ਖੰਡਨ ਕੀਤਾ ਹੈ ਜਿਸ ਵਿਚ ‘ਨਮੋ ਟੀਵੀ’ ਨੂੰ ਸਿਰਫ ਇਕ ਵਿਗਿਆਪਨ ਪਲੇਟਫਾਰਮ ਦੱਸ ਕੇ ਪੱਲਾ ਝਾੜ ਲਿਆ ਗਿਆ ਸੀ।
Channel no 512 is NAMO TV, it is a Hindi news service which provides the latest breaking news on national politics ^Rudra
— Tata Sky (@TataSky) March 28, 2019
‘ਨਮੋ ਟੀਵੀ’ ਨਾਮ ਦਾ ਇਹ ਚੈਨਲ 31 ਮਾਰਚ ਨੂੰ ਅਚਾਨਕ ਲਾਂਚ ਹੋਇਆ ਹੈ ਉਦੋਂ ਤੋਂ ਹੀ ਇਸ ਨੂੰ ਸੱਤਾਧਾਰੀ ਬੀਜੇਪੀ ਦੇ ਟਵਿਟਰ ਹੈਂਡਲ ਰਾਹੀਂ ਲਗਾਤਾਰ ਪ੍ਰਮੋਟ ਕੀਤਾ ਜਾ ਰਿਹਾ ਹੈ। ਖੁਦ ਪੀਐਮ ਮੋਦੀ ਵੀ ਚੌਕੀਦਾਰਾਂ ਨੂੰ ਸੰਬੋਧਿਤ ਕਰਨ ਲਈ ਜੁੜੇ ਪ੍ਰੋਗਰਾਮ ਦਾ ਇਸ ਟੀਵੀ ’ਤੇ ਪ੍ਰਸਾਰਣ ਹੋਣ ਦੀ 31 ਮਾਰਚ ਨੂੰ ਸੂਚਨਾ ਦੇ ਚੁੱਕੇ ਹਨ। ਵਿਰੋਧੀ ਧਿਰ ਨੇ ਨਮੋ ਟੀਵੀ ਰਾਹੀਂ ਚੋਣ ਜ਼ਾਬਤੇ ਦੀ ਉਲੰਘਣਾ ਲਈ ਭਾਜਪਾ ਵਿਰੁੱਧ ਸ਼ਿਕਾਇਤ ਦਰਜ ਕੀਤੀ ਹੈ।
Narendra Modi
ਜਿਸ ਵਿਚ ਚੋਣ ਕਮਿਸ਼ਨ ਨੇ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਜਵਾਬ ਨੂੰ ਤਲਬ ਕੀਤਾ ਹੈ। ਇਸ ਤੋਂ ਬਾਅਦ ਟਾਟਾ ਸਕਾਈ ਨੇ ਇਕ ਟਵਿਟਰ ਯੂਜ਼ਰ ਦੇ ਪੁੱਛਣ ਤੇ ਇਸ ਗੱਲ ਦਾ ਖੁਲਾਸਾ ਕੀਤਾ ਕਿ ਇਹ ਚੈਨਲ ਸਾਰੇ ਉਪਭੋਗਤਾਵਾਂ ਦੇ ਪੈਕ ਵਿਚ ਲਾਂਚ ਆਫਰ ਦੇ ਤੌਰ ’ਤੇ ਜੋੜਾ ਗਿਆ ਹੈ। ਨਾਲ ਹੀ ਇਸ ਨੂੰ ਹਟਾਉਣ ਦਾ ਕੋਈ ਵਿਕਲਪ ਵੀ ਨਹੀਂ ਹੈ।
Hi, this channel is added to all the subscribers as a launch offer. There is no option to delete the individual channel. However, we have made a note of your feedback and shall look into it.
— Tata Sky (@TataSky) April 4, 2019
ਜਦੋਂ ਕਿ ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਨਮੋ ਟੀਵੀ ਇਕ ਵਿਗਿਆਪਨ ਨਾਲ ਸਬੰਧਿਤ ਚੈਨਲ ਹੈ ਜਿਸ ਦੇ ਪ੍ਰਸਾਰਣ ਲਈ ਸਰਕਾਰ ਦੀ ਆਗਿਆ ਦੀ ਜ਼ਰੂਰਤ ਨਹੀਂ ਹੁੰਦੀ। ਪਰ ਟਾਟਾ ਸਕਾਈ ਦੇ ਟਵੀਟ ਇਸ ਗੱਲ ਦਾ ਖੰਡਨ ਕਰਦੇ ਹਨ। ਸੂਚਨਾ ਅਤੇ ਪ੍ਰਸਾਰਣ ਮੰਤਰਾਲੇ ਦੇ ਸੂਤਰਾਂ ਮੁਤਾਬਕ ‘ਨਮੋ ਟੀਵੀ’ ਇਕ ਆਮ ਚੈਨਲ ਨਹੀਂ ਹੈ। ਇਸ ਤਰ੍ਹਾਂ ਇਹ ਮੰਤਰਾਲੇ ਦੁਆਰਾ ਤਿਆਰ ਕੀਤੇ ਨਿੱਜੀ ਸੈਟੇਲਾਈਟ ਟੀਵੀ ਚੈਨਲਾਂ ਦੀ ਸਰਕਾਰੀ ਸੂਚੀ ਵਿਚ ਸ਼ਾਮਲ ਨਹੀਂ ਕੀਤਾ ਗਿਆ।
ਇਹ ਇਸ਼ਤਿਹਾਰਬਾਜ਼ੀ ਮੰਚ ਹੈ, ਜੋ ਸੇਵਾ ਪ੍ਰੋਵਾਇਡਰ ਦੁਆਰਾ ਸ਼ੁਰੂ ਕੀਤਾ ਗਿਆ ਸੀ। ਸੂਤਰਾਂ ਮੁਤਾਬਕ ਜਦੋਂ ਇਕ ਪ੍ਰੈਸ ਕਾਂਨਫਰੈਂਸ ਵਿਚ ਅਰੁਣ ਜੇਤਲੀ ਨੂੰ ਟੀਵੀ ’ਤੇ ਸਵਾਲ ਪੁੱਛਿਆ ਗਿਆ ਤਾਂ ਉਹਨਾਂ ਕਿਹਾ ਕਿ ਇਸ ’ਤੇ ਸਬੰਧਿਤ ਪਾਰਟੀਆਂ ਜਵਾਬ ਦੇਣ। ਇਹ ਆਈਬੀ ਮੰਤਰਾਲੇ ਅਤੇ ਚੋਣ ਕਮਿਸ਼ਨ ਦਰਮਿਆਨ ਦਾ ਮਾਮਲਾ ਹੈ।
