ਲਖੀਮਪੁਰ ਖੀਰੀ ਜ਼ਰੂਰ ਜਾਵਾਂਗਾ, ਫਿਰ ਚਾਹੇ ਗ੍ਰਿਫ਼ਤਾਰ ਹੀ ਕਿਉਂ ਨਾ ਹੋ ਜਾਵਾਂ- ਸੁਖਜਿੰਦਰ ਰੰਧਾਵਾ
ਉੱਤਰ ਪ੍ਰਦੇਸ਼ - ਲਖੀਮਪੁਰ 'ਚ ਵਾਪਰੀ ਘਟਨਾ ਨੂੰ ਲੈ ਕੇ ਪੂਰੇ ਦੇਸ਼ ਦੇ ਕਿਸਾਨਾਂ 'ਚ ਭਾਰੀ ਰੋਸ ਹੈ। ਇਸ ਘਟਨਾ ਦਾ ਜਾਇਜ਼ਾ ਲੈਣ ਅੱਜ ਪੰਜਾਬ ਦੇ ਡਿਪਟੀ ਸੀਐੱਮ ਵੀ ਸੜਕ ਰਸਤੇ ਦੌਰਾਨ ਉੱਥੇ ਜਾ ਰਹੇ ਹਨ ਹਾਲਾਂਕਿ ਉਹਨਾਂ ਨੂੰ ਆਉਣ ਤੋਂ ਮਨ੍ਹਾ ਕਰ ਦਿੱਤਾ ਗਿਆ ਸੀ ਪਰ ਉਹ ਫਿਰ ਵੀ ਜਾ ਰਹੇ ਹਨ। ਇਸ ਸਾਰੀ ਘਟਨਾ ਨੂੰ ਲੈ ਕੇ ਉਹਨਾਂ ਨੇ ਸਪੋਕਸਮੈਨ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਕਿ ਅੱਜ ਅੰਗਰੇਜ਼ਾ ਦਾ ਰਾਜ ਤੇ ਜਲ੍ਹਿਆਵਾਲਾ ਬਾਗ ਦੀ ਘਟਨਾ ਨੂੰ ਤਾਜਾ ਕਰਵਾਇਆ ਗਿਆ ਹੈ ਤੇ ਜਿਵੇਂ ਉਸ ਸਮੇਂ ਅੰਗਰੇਜ਼ ਸਰਕਾਰ ਝੁਕ ਗਈ ਸੀ ਤੇ ਇਸ ਵਾਰ ਕਿਸਾਨਾਂ ਅੱਗੇ ਸਰਕਾਰ ਨੂੰ ਵੀ ਝੁਕਣਾ ਪਵੇਗਾ।
ਉਹਨਾਂ ਕਿਹਾ ਕਿ ਜਿਵੇਂ ਜਨਰਲ ਡਾਇਰ ਨੇ ਹੁਕਮ ਦੇ ਕੇ ਗੋਲੀਆਂ ਚਲਵਾ ਦਿੱਤੀਆਂ ਸੀ ਉਸੇ ਤਰ੍ਹਾਂ ਹੀ ਭਾਜਪਾ ਲੀਡਰ ਨੇ ਦੇ ਬੇਟੇ ਨੇ ਵੀ ਸ਼ਾਤਮਈ ਪ੍ਰਦਰਸ਼ਨ ਕਰ ਰਹੇ ਕਿਸਾਨਾਂ 'ਤੇ ਗੱਡੀ ਚੜ੍ਹਾ ਦਿੱਤੀ। ਉਹਨਾਂ ਮੰਗ ਕੀਤੀ ਕਿ ਭਾਜਪਾ ਲੀਡਰ ਦੇ ਬੇਟੇ 'ਤੇ ਮਾਮਲਾ ਦਰਜ ਹੋਣਾ ਚਾਹੀਦਾ ਹੈ ਤੇ ਇਸ ਦਾ ਇਨਸਾਫ ਪੂਰੇ ਹਿੰਦੁਸਤਾਨ ਦੇ ਕਿਸਾਨਾਂ ਨੂੰ ਮਿਲਣਾ ਚਾਹੀਦਾ ਹੈ। ਰੰਧਾਵਾ ਨੇ ਕਿਹਾ ਕਿ ਭਾਜਪਾ ਕੋਲ ਝੂਠ ਬੋਲਣ ਦੀ ਬਹੁਤ ਵੱਡੀ ਕਪੈਸਟੀ ਹੈ ਤੇ ਜਿੰਨਾ ਝੂਠ ਭਾਜਪਾ ਬੋਲਦੀ ਹੈ ਉਹਨਾਂ ਕੋਈ ਨਹੀਂ ਬੋਲ ਸਕਦਾ।
ਉਹਨਾਂ ਕਿਹਾ ਕਿ ਇਹ ਕਿਸਾਨਾਂ ਨੂੰ ਅੰਗੂਠੇ ਦਿਖਾ ਕੇ ਉਹਨਾਂ ਨੂੰ ਭੜਕਾ ਰਹੇ ਨੇ ਤੇ ਨੀਚਾ ਦਿਖਾ ਰਹੇ ਹਨ। ਉਹਨਾਂ ਦੱਸਿਆ ਕਿ ਯੂਪੀ ਵਿਚ ਦਫਾ 144 ਲਗਾ ਦਿੱਤੀ ਗਈ ਹੈ ਤੇ ਸਰਕਾਰ ਮੈਨੂੰ ਮਨਾਂ ਕਰ ਰਹੀ ਹੈ ਕਿ ਉਹ ਯੂਪੀ ਵਿਚ ਐਂਟਰ ਨਹੀਂ ਹੋ ਸਕਦੇ ਧਾਰਾ 144 ਦਾ ਮਤਲਬ ਹੁੰਦਾ ਹੈ ਕਿ ਕੁੱਝ ਬੰਦਿਆਂ ਤੋਂ ਵੱਧ ਬੰਦੇ ਮੌਜੂਦ ਨਹੀਂ ਹੋ ਸਕਦੇ ਪਰ ਮੈਂ ਤਾਂ ਇਕੱਲਾ ਹੀ ਜਾ ਰਿਹਾ ਹੈ।
ਉਹਨਾਂ ਕਿਹਾ ਕਿ ਅੱਜ ਤੱਕ ਦੇ ਇਤਿਹਾਸ ਵਿਚ ਇਹ ਕਦੇ ਨਹੀਂ ਹੋਇਆ ਕਿ ਪ੍ਰਦਰਸ਼ਨ ਕਰ ਰਹੇ ਕਿਸਾਨਾਂ 'ਤੇ ਗੱਡੀ ਚੜ੍ਹਾਈ ਗਈ ਹੋਵੇ। ਪੁਲਿਸ ਕਿਸਾਨਾਂ 'ਤੇ ਬੁਛਾੜਾਂ ਮਾਰ ਸਕਦੀ ਹੈ ਅੱਥਰੂ ਗੈਸ ਛੱਡ ਸਕਦੀ ਹੈ ਪਰ ਇਹ ਕੀ ਤਰੀਕਾ ਹੋਇਆ ਕਿ ਪ੍ਰਦਰਸ਼ਨ ਕਰ ਰਹੇ ਕਿਸਾਨਾਂ 'ਤੇ ਗੱਡੀ ਚੜ੍ਹਾ ਦਿਓ। ਮਨੋਹਰ ਲਾਲ ਖੱਟੜ ਦੇ ਲਾਠੀਚਾਰਜ ਵਾਲੇ ਬਿਆਨ 'ਤੇ ਰੰਧਾਵਾ ਨੇ ਕਿਹਾ ਕਿ ਇਸ ਬਿਆਨ ਤੋਂ ਘਟੀਆ ਬਿਆਨ ਹੋਰ ਕੋਈ ਨਹੀਂ ਹੋ ਸਕਦਾ ਤੇ ਮਨੋਹਰ ਲਾਲ ਖੱਟੜ ਨੂੰ ਇਕ ਮੁੱਖ ਮੰਤਰੀ ਹੋਣ ਦਾ ਕੋਈ ਅਧਿਕਾਰ ਨਹੀਂ ਹੈ।