Maharashtra News: ਪੁਲਿਸ ਨੇ ਮੁਲਜ਼ਮ ਔਰਤ ਨੂੰ ਕੀਤਾ ਗ੍ਰਿਫ਼ਤਾਰ
Maharashtra mother killed her son : ਮਹਾਰਾਸ਼ਟਰ ਦੇ ਪਾਲਘਰ ਜ਼ਿਲ੍ਹੇ ਦੇ ਕਸ਼ਿਪੜਾ ਵਿੱਚ ਇੱਕ ਔਰਤ ਨੇ ਆਪਣੇ 7 ਸਾਲ ਦੇ ਪੁੱਤਰ ਨੂੰ ਚਿਕਨ ਮੰਗਣ 'ਤੇ ਵੇਲਣੇ ਨਾਲ ਕੁੱਟ-ਕੁੱਟ ਕੇ ਮਾਰ ਦਿੱਤਾ। ਔਰਤ ਨੇ ਬੱਚੇ ਦੇ ਸਿਰ, ਛਾਤੀ, ਪਿੱਠ ਅਤੇ ਚਿਹਰੇ 'ਤੇ ਕਈ ਵਾਰ ਕੀਤੇ। ਉਸ ਨੇ ਆਪਣੀ 10 ਸਾਲ ਦੀ ਧੀ ਨੂੰ ਵੀ ਕੁੱਟਿਆ।
ਦੋਵੇਂ ਗੰਭੀਰ ਜ਼ਖ਼ਮੀ ਹੋ ਗਏ। ਬੱਚਿਆਂ ਦੀ ਗੰਭੀਰ ਹਾਲਤ ਦੇ ਬਾਵਜੂਦ, ਔਰਤ ਉਨ੍ਹਾਂ ਨੂੰ ਹਸਪਤਾਲ ਨਹੀਂ ਲੈ ਕੇ ਗਈ। ਪੁੱਤਰ ਦੀ ਘਰ ਵਿੱਚ ਹੀ ਮੌਤ ਹੋ ਗਈ। ਚੀਕਾਂ ਸੁਣ ਕੇ, ਇੱਕ ਗੁਆਂਢੀ ਘਰ ਆਇਆ ਅਤੇ ਪੁੱਤਰ ਨੂੰ ਫਰਸ਼ 'ਤੇ ਪਿਆ ਵੇਖਿਆ। ਪੁੱਛ-ਗਿੱਛ ਕਰਨ 'ਤੇ, ਮਾਂ ਨੇ ਕਿਹਾ ਕਿ ਉਸ ਦੇ ਪੁੱਤਰ ਦੀ ਪੀਲੀਆ ਨਾਲ ਮੌਤ ਹੋ ਗਈ। ਗੁਆਂਢੀ ਨੂੰ ਸ਼ੱਕ ਹੋਇਆ ਅਤੇ ਉਸ ਨੇ ਚਾਦਰ ਚੁੱਕੀ ਤੇ ਵੇਖਿਆ ਕਿ ਛਾਤੀ, ਪਿੱਠ ਅਤੇ ਚਿਹਰੇ 'ਤੇ ਕਈ ਨਿਸ਼ਾਨ ਹਨ। ਫਿਰ ਉਸ ਨੇ ਪੁਲਿਸ ਨੂੰ ਸੂਚਿਤ ਕੀਤਾ।
ਆਪਣੇ ਪਤੀ ਤੋਂ ਵੱਖ ਰਹਿ ਰਹੀ ਪਤਨੀ ਬੱਚਿਆਂ ਤੇ ਭੈਣਾਂ ਨਾਲ ਰਹਿੰਦੀ ਸੀ। ਸਥਾਨਕ ਪੁਲਿਸ, ਅਪਰਾਧ ਸ਼ਾਖਾ ਅਤੇ ਹੋਰ ਅਧਿਕਾਰੀ ਮੌਕੇ 'ਤੇ ਪਹੁੰਚੇ। ਉਨ੍ਹਾਂ ਨੇ ਦੋਸ਼ੀ ਔਰਤ ਨੂੰ ਗ੍ਰਿਫ਼ਤਾਰ ਕਰ ਲਿਆ ਅਤੇ ਹਮਲੇ ਵਿੱਚ ਵਰਤਿਆ ਵੇਲਣਾ ਵੀ ਜ਼ਬਤ ਕਰ ਲਿਆ।
